[السلام عليكم ورحمة الله وبركاته

النقطة الأولى.......
.....................

والله يا أختي انك تكلمتي على الجرح مشكلة صعبة هذه الواسطة يبيلها تغيير جذري يبدأ من الصغير الى

الكبير نبدأها بتغيير البطانة التي هي مستغلة لنفوذها و صلاحياتها في خدمات تشبه الاعانة لناس والله هم

أقل حاجة لهذه الخدمات مثل بعض الوزارات و بعض الشركات الخاصة تلقين الأب يتقاعد و ما يتقاعد الا وهو

موزي (يعني مضبط) ولده أو قريبه في مكانه يعني يتبع قولة ما اطلع الا و الكرسي فيه ولدي او ولد فلان و

ياليت هذاك الشخص عنده كفاءة أو قدرة انما صلة القرابة تلعب دورها صرنا مصر و سوريا على غفلة ..

انا أتكلم لك عن حالتي والله كانت أمنيتي و منى عيني اني أدخل جامعة الملك فهد للبترول و لكن زي ما قلتي

الوالد الله يطول في عمره ما كتب قصيدة في.............................. والوالد يرفع نفسه عن مثل هذه الأمور والله

ماخترت الغربة بس جبرني مستقبلي اني اتبعه...

............................. ...................

عودة إلى الحب الأوّل
النقطة الثانية...

.................................................. ...................................
الوالدين أوصى بهم القران و الوالدين هما أساس وجودنا بعد الله أتعجب من الذي يعوق بأهله كيف يتجرأ ألا يتخيل

كيف حاله بعد فقدانهم ألا يعلم أن لا عز له ولا هيبة الا بوالدينه يزداد احترام الناس لك باحترامك لوالديك (اللي

مافي خير لأهله مافيه خير للناس) والله ما يحس بقيمتهم الا اللي مبعد عنهم او فاقدهم والله اني مستعد أبيع

عمري لارجع للسعودية لأسمع سوالف أبوي عن الشيبان و القصايد او أجلس مع أمي لتحكي لنا عن طفولتنا

الشقية.. عسى الله يخلي لنا والدينا جميعا و يطول في أعمارهم...

النقطة الثالثة..

.......والله اننا أصبحنا ضحكة في لسان الي يسوى واللي ما يسوى من هالحركات برامج كثيرة هابطة و بلا

هدف يقوم شهرتها و رزقها على الأشكال و لسان حال اصحاب القناة يقول (ياعمي خلينا نجمع كم قرش من

هالسعوديين و الخليجيين) مشكلة اذا شفنا بنت لبنانية في بعض المحطات تضيع علوم الواح و يقول كلام يفشل

و نفس الحال مع البنات ودك تقول له ياخي ترى فيه بنات أجمل و أشرف في السعودية هل أنت تعمل بالمثل

عندما ترهم او يزيد احترامك لهم..؟؟!!........................................... ...........................
قضايا يعاني من هالكثير حبيت اجمعها بهالمكس ..BBP]
منوعات جميلة..

جزاك الله خير على الموضوع الذي بالفعل أمتعني أختي انتي وهبك الله موهبة في الكتابة واصلي ابداعاتك...و عساك ع القوة..

أتعجب من حال بعض الأعضاء موضوعك جميل و هادف ولا يوجد الا رد واحد و بعض المواضيع تكون اقل من

جيدة و الردود فوق المية لأن كاتبها اسمه ملون يا جماعة حتى في المنتدى ما خلصنا من المظاهر لازم يكون

الاسم ملون عشان تردون ترى (الابداع يكون بلا ألوان)!!!