معليش راح اخش عرض


انا قريت الموضوع اكثر من مرة لكن ماطلعت بشي مهم مع كل احترامي لك ياخوي وانت تعرف هالشي


الحين قلت هالكلام ياخوي ولا ناقشت احد من المشرفين فيه يعني الموضوع كله وانا اخوك مالقينا فيه نقد بناء سوى نصيحة عامة لم تبنى على شيئ مهم او حدث


يعلم الله اني ما اكره احد من المنتدى لا اعضاء ولا مشرفين لكن



الموضوع انت كتبته وفي راسك شي اما احدهم تعرض لك او شفته يتعرض لاحد ثاني وكلنا اخوان هنا يابحور الشوق يعني قول رايك بدون تجريح ومحد راح يسوي لك شي ولا لو الدعوة كذا كان طردني الحل الصعب من اول اسبوع من كثر ما ابلشته بالآراء والشكاوي:D


اخوي قول رايك ولا تخاف من شي الحين كتبت الموضوع وشكرت المشرفين على المرور طيب وبعدين وين المشكلة وين حلها وين النقاش؟


والله الموضوع فاهمه وفاهم قصدك لكن مادخل راسي ردك وانا اخوك احسك متردد ولا شي

والمشرفين كفوا ووفوا في ردودهم مع انهم مافهموا المغزى وانا شخصيا ماشفت استفزاز من المشرفين لاحد


المهم شي يصعب عليك ارسل لي رسالة خاصة واقوله بدالك;)


من قدك عندك واسطة:D



والصراحة انا اشكر المشرفين ولكن عندي عتب وماراح اخبي رايي وياليت محد يفهم غلط لكن


انا لاحظت بعض المشرفين مانشوفهم وارقام عضويتهم فوق الآلاف مع ان فيه اعضاء آخرين مجتهدين اكثر من المشرفين واكيد هالمعلومة ملاحظة جدا وماودي احد يسأل مين لان الجواب واضح ومافي بيني وبينهم اي عداوة لكن العدل حلو ياناس واحد تلقونه يتعب بمواضيع ويكرف فيها وفي النهاية واحد جديد على طول مشرف هذي انا ملاحظها


واهنيكم على رايكم الحكيم يوم خليتوا آزهلها مشرف لانه والله يستاهل على مواضيعه القيمة


وفي النهاية الاختلاف في الرأي لايفسد للود قضية وهذا راي اتمنى تتقبلوه بصدر رحب ولحد يقول انا ابغى اصير مشرف لاني الحمدلله اشرفت على مواقع وقضيت لكن اتمنى ترون المشرف المناسب في المكان المناسب

وعن نفسي انا مشاركاتي منوعة يعني لا استحق الاشراف في هذا الموقع على اي قسم كان ماودي انحرم من سوبر ستار :D وهي امانة كبيرة عساني اتحمل اللي عندي بس


بالتوفيق للجميع واتمنى تركزون على بعض المشرفين اللي صراحة هم مثل الديكور بس دوروا زين واتمنى محد يسأل لا على الخاص ولا العام لاني صراحة ما احب اثير المشاكل عقب هالكلام صراحة اللي عور قلبي لكن هذا اللي يصير اما تنبهون المشرفين او تدورون غيرهم ترا كثير الموجودين هنا


وعندي فكرة ثانية لو تحطون مراقبين على الاقسام وانتم ابخص عاد


اقول كني طلعت عن الموضوع وبقوة؟:rolleyes:


معليش لكن منتدانا نطمح يكون الافضل وعدم وجود المجاملات اللي تخرب المنتدى