.
هلا صاحب السمو
الله يعينك ويوفقك
واذكر مره ايام اعتقد ثالث ثانوي فيه معلم تحدى طلاب الفصل ياخذو درجه كامله باختبار شهري والماده على ما اظن توحيد
جاب 14 اختياري بعضها فيها لف بس موجوده بالكتاب وحليناها لكن جاب الاختياري رقم 15 من الهامش اللي تحت ومعظم الطلاب ما جاوبوه .
بالجامعات فيه بعض الدكاتره يجيبون اسئله مش موجوده بس يبيلها استنتاج وتفكير وتركيز
جامعي بالمستوى الأخير
سـ2 / ما مصلحة المعلمين من تشديد الاختبارات وجعلها كحيااة أو موت ..؟!!
هاذي تختلف على حسب المدرس ان كان موب سعودي يعني افهموها اللي يدرس عندي يتطمن
واذكر كان فيه مدرس رياضيات سوري جاب لنا اسئله نار بالشهري ومعظم الطلاب انخسف
المهم بعد الحاح شديد قرر يعيد الاختبار وقال ما راح يصير سهل وفعلا وصل للي يبيه ( الدروس الخصوصيه )
فيه خمس طلاب سووا به حركه درسوا طالبين منهم واخذوا الاسئله والدفع على كل الخمسه
وبالنهايه اللي جتهم الاسئله اخذوا درجات حلوه
وفيه بعض المعلمين يطلعون حرتهم بالطلاب لان الطلاب مطلعين بروسهم نخل
الأسئله لازم تتنوع بين السهولة والصعوبة
بحيث تميز بين الطالب المجتهد والطالب النايم
عافاك ربي صاحب السمو
.