بسم الله الرحمن الرحيم
السلام عليكم ورحمه الله وبركاته
هاردلك ياشباب وبنات السعوديه
ويعوضونها ان شاء الله منتخبنا بالبطولات الجايه والافضل ترى قدامنا كأس اسيا
عاد تصدقون اول مره ينهزم المنتخب وماازعل
وش فيكم انتو ؟ تبون المنتخب يفوز بكل المباريات ومو مستعدين تنغلبون لو مباراه؟
صح ان منتخب الامارات مو اصعب من اللي واجهناهم
بس لاتنسون انه على ارضه وبين جمهوره واللي يلعب كوره يعرف قيمه الشي هذا
والله اللي يلعب على ارضه وجمهوره يتضاعف جهده مرتين
يتحمس حماس غير طبيعي
انا مازعلت لان المنتخب ماقصر ولعبو وسيطرو بالمباراه
بس مدرب الامارات كان اذكى مننا وعرف نقطه الضعف ومسك الوسط صح
مع ان الهدف حقهم نقدر نقول بمحض الصدفه يعني ماكان خطأ احد
ياخي ترى اللي بالمنتخب لعيبه اوادم مو ملائكه انت تبيهم مايعطونهم اي كره
ترى زي ماانت تبغى تفوز هم نفس الشي وعندهم مهارات
اهم شي من موضوعي هذا ان الانسان مايستعجل ويرمي بالاتهامات على المدرب وغيره
واحد يشتم عبده عطيف وهو ماشاء الله ابهر كل المتابعين للبطوله وخصوصا السعوديين
مع انه مااخطأ ولا شي .. يعني عشان انهزم المنتخب تروح تسب مايصير
والله بالعكس منتخبنا الحين احس انه مستقر وجيد وان شاء الله مع زياده خبره بيكون من افضل المنتخبات
ونقول للاخوان الاماراتيين الف مبروووك
وهذا حال الكوره .. البرازيل كانت اكبر مرشح لكاس العالم ومع هذا شفنا وش صار
الممطلوب الحين ان ماحد يستعجل باطلاق اتهامات غير صحيحه
وعلى قولة باكيتا ماعرفنا للنقاد اذا غيرت لاعب قالو ليه يغير واذا ماغير قالو ليه ماغير
واخيرا اعزي الشعب السعودي بوفاة عبدالله الدبل الله يرحمه ويسكنه فسيح جناته
اذا احد بيزعل يزعل على فراق هذا الانسان الرائع الله يرحمه مو عشان مباراه ماراحت ولا جات
ويعطيكم العافيه طولنا عليكم