صبحكم الله بالخير جميعا
وان شاء الله الجميع شادين حيلهم للختبارات القاده
واتمنا للجميع التوفيق والنجاح؟ في دراستهم
التعليم في المملكه
الكل يعلم ما هو ترتيب الجامعات في المملكه
الكل يعلم ما هو ترتيب الجامعات في المملكه على مستوى العالم هو2989 من 3000
يعني قبل الاخير بثنين يعني المستوى التعليمي عندنا في الجمعات دمار هذا على ذمت جريدت الشرق الاوسط
قبل شهر تقريبا.
كيف وصل التعليم لدينا لهذا المستوى من الانحدار
هل من المناهج التعليميه او من اعضاء هيئة التدريس لدينا
من المسؤل في هذا الانحدار التعليمي....؟
سوف اتكلم عن حادثه حصلت لي قبل يومين تقريبا في تاريخ1/1/1428هـ
في اختبار احدى المواد لدي وهي من المواد الهامه جدا في التخصص
دخلنا القاعه وقابلنا الدكتور وجهه مكشر علينا
ويقول لنا جميعكم حاملين الماده يعني 18 طالب في الماده كلهم حاملينها
وهو قبل يوزع اسئلة الامتحان قال كلكم حاملينها كيف تريد شعور الطالب وهو يعلم انه حامل الماده؟
كيف تريد منه الانتاج وانت تحطمه كيف تريد الارتقاء في التعليم وانت تهدمه؟
والله ثم والله ان هذا الي صاير قسم بالله العظيم
قلنا يادكتور يعني نحملها معنى السنه الجايه قال ايه !!
وهذي الماده ما تنزل الا في الفصل الاول من كل سنه فقط والمشكله هو رئيس القسم
ومعنا طلاب خرجين يعني الله لا يهينهم بيجلسون سنه بعد عشان الماده هذي
وقال لا تحسبون اني بمشي من الجامعه بنجحكم اسهل ما علي اني ارسبكم كلكم ؟
ومن المعروف ان دكتور الجامعه لا احد فوقه الا رب العالمين يعني لا موجه عنده يراقب التصحيح ولا يحزنون
والي ادها من هذا وامر انه دكتور سعودي يعني ابن الوطن ويفعل هذا في ابنائه..
ويوم وزع الاختبار قال يا شباب كل واحد يروح يجيب كتابه ومذكراته ودفاتره والشرح الي ماخذه عند مدرس خصوصي ويجي يفتح الكتاب.. ويحل
يعني الاختبار اوبن بوك والصراحه يوم رحت اجيب المذكرات والكتاب كلنا فرحانين الله يوفقه ويسعده نقول
بس يوم وزع الاسئله 29 مسئله رياضيه وماهي موجوده في الكتاب وجلسنا ندور عليها ونحوس
وقال تناقشوا على الاسئله وفي وجهه ابتسامه ...
والله ثم والله 29 فقره ماحليت منها الا 7اسئله من الاختبار والمده الزمنيه ساعه
المشكله ان الدكتور يحسبنا عباقره عطانا اسئله وقال اتحداكم تحلونها
والله ان دخل علينا دكتور ثاني جزاه الله خير وهو يحاول يعلمنا بعض الاسئله والله ان بعضها يقول اكبر هذي من مستواكم
ولا عرف يحل بعضها والله العظيم هذا الي حاصل معي مع هذي الماده
وفيه واحد من الشباب قدم الورقه بيضاء للدكتور
وقاله الدكتور ليه قدمتها بيضاء قال ماعرفت احل
وابي اختصر الموضوع لان علي اختبار
رد الدكتور بهذي الكلمه احسن وفرت علي هذا
انت راسب اول واحد؟
ولا عرفنا نذاكر بعدهاا لان الماده هذي تطيح المعدل ولا ترفعه
فيها 3ساعات يعني بيرجع معدلنا 2.00
والمشكله كان عندي اختبار بعده بيوم
والله اني كنت جالس مع الشباب ولا عرفنا نذاكر كنا جالسين نفكر في الامتحان
وكنت اول قبل ادخل الجامعه ان اعضاء هيئة التدريس بعضهم ظالمين وبعضهم يعطونك حقك
بس والله ما كنت اصدق هذا الكلام
بس مدري وش المقصد من هذا هل هو تحدي معنا او ايش بضبط
وكيف تردي منا اننا نثمر ونعطي وبعضكمم يهدم طموحنا
وينهي مستقبلنا في يديه ؟
واسف على الاطاله
وهذا قسم بالله الي حصل معي يوم السبت في الاختبار
اخوكم عبدالرحمن