اسمح لي زياد قبل ما أدخل في موضوعك برد على Golden Rose
طيب حنا إذا واعدنا خوينا وين نروح ؟؟ في الشوارع ؟ على الأرصفة ؟ في المخططات ؟ والا نركب في السيارة ونقعد ندوّج ؟
أبيك تجاوبيني .. يعني صرنا بــهـــم نهيت في الشوارع ؟؟
بالنسبة لي الحمد لله البيت راهي واستراحتنا موجودة ومزارعنا كبيرة تطارد فيها الخيل اللهم لك الحمد وأغلب أوقاتي فيها ,, واللي يجي الله يحييه ,, أما تسكع بالشوارع ما أعترف فيه ,,
لكن أعيش عيشة الشباب اللي يطالبون بفتح مجمعات للشباب أو سينما أو مدينة ألعاب أو أي شي يجمعهم ,,
ع العموم لا تظلمون الشباب ,, لأنهم فعلاً ما لهم مكان يروحون له غير المقاهي ,,
وإذا قلتوا ما عندنا الا السوق ,, حنا بنقول نبي سوق يضفنا ,,
السوق نعمة كبيرة ,, محلات وكافتيريات ومطاعم وكوفيات وصالات ألعاب ,,
// أرجع لقضية زياد //
للأسف ( الشر يعم والخير يخص ) يعني إذا فيه حثالة قليلة من الشباب هدفهم من دخول الأسواق هو الترقيم والمضايقات ,, بكذا يخربون على الشباب المثقفين الواعين اللي هدفهم تخليص أغراضهم ويطلعون ,,
يعني وش ذنبي إذا رحت للسوق لحالي بشتري لي أغراض ؟؟
وش ذنب الشباب اللي رايحين للسوق يشترون لأهلهم مقاضيهم ؟؟
لكن للأسف بعض الشباب الله يهديهم ما عندهم وعي ولا عندهم ثقافة ترفعهم عن هالتفاهات اللي يسوونها
هذا يسمونه تخلف عقلي ,,
سـ1/ هل تؤيد أنهـم يفتحون مجمـع خاص بالشباب ؟
بكل تأكيد ,,
سـ2/ اذا كـان الجواب للسؤال الأول لا .. وش تقترح ؟
طيب اذا كان الجواب نعم 
سـ3/ قد رحت مكان وقالوا لك عائلات ؟ < شيء أكيد بعد 
لا مب أكيد .. ما أروح لحالي أصلا لأني عارف انها للعائلات ,, وأهم ما على الشخص كرامته << ما يحتاج أشرح
سـ4/ ماسنجرك مفتوح ولا لا ؟ < برا ياحقير
وين فيصل عنك
طرح جميل أخوي زياد
أعجبتني لهجتك الحادة ,, لأن الكلام طالع من القلب ,,
دمتَ بـ ود ,, 