الســلام عليـكم ورحمــة اللّه وبركــاتــه .. ،
..
أرجـع مـره ثانيـه وأتكلم في نفــس المـوضـوع
الي هـو [ ستـار أكـاديمـي ]
لا اله الا اللـه على ذا البرنـامج
مهبّـل واللّـه مهبـّـل
أنـا مابي أتكلم عـن المشـاركيـن فيـه لأن [ مرفـوع عنهـم القلـم ]
أبي أتكلـم عن الي يصوتون لهـم
باللّه علمني يالي تصوت
اذا فـاز هالي تشجعــــه ...
أنت وش تبي تستفيد من فوزه ؟
لايكـون ستار أكـاديمي بيجون لبيتكم ويدقون الباب يقولون
لو سمحـت عرفنـا أنك صوت للي فاز تفضل هاذي جائزه
ماراح تستفيد الأ أنـك كـأنك مسكت فلوس وفتحـت الدرام - كرمكم اللّه - ورميتهـا
يانـاس
والله يلعبون عليكم والله
تجي وتشوف خويك رايحن فيهـا تقول لالا لازم أصوت لهـ عشـان يفووز
طيب لو جيتك وقلت لكـ.. وش تستفيد ؟؟
وش تبي تجاوب ..... ؟
تقول خويي يفوز ولا [ حبيبي ] يفوز
أعتقد صـاحـب البرنــامج مسيحي
ومايبي الا الأثم لنـا ..
طيب نقول تابعه .. شوفه عـادي
لكـن تشوف وتصوت هاذا الكلامـ..
وين قــاعديـن فيـه ياعـالم
تراك مسـّلم وهـاذا حـرام يـانـاس
لاتفكر بالدنيـا وهمـوم الدنيـا
فكـر بيـوم القيـامـه
والله صدقونـي ماراح ينفعك ذا الي تصوت له لا دنيـــا ولا آخـره
هـو بيستفيد طبعـاً بياخذ هدايا ومدري وشو
بس أنت وش تبي تستفيد ياعبقري زمـــانـك ... ؟
ماراح تستفيـد أي شيء من ذا البرنـامج
اذا شفته فهـو مضيعـة وقت أصلاً مـاله داعي هالبرنامـج
هـم بدوهـا برقم [ 1 ]
ولمـا شافوا فيـه نـاس [ مغفليـن ] يصوتون [ بدون فـايده ] لهـم
قالوا نكمل وش ورانـا .. ؟
كل الي علينـا نجيب نـاس من كل دوله
وهـالـ[ مغفليـن ] يبون يصوتون لهـم وأحنـا نبي نربح
يله أجل خلونـا نبدأ بالثـاني وبعدين الثالث وبعدين الرابع وبعدين بيجي الخـامس والسادس بعد
دامهـم لقوا فيه نـاس [ مغفلين ] يصوتون للعـالـم بدون فـايده ولا عـايده
بس يخسرون فلوسهـم على الفاضي
وعلى نـاس بعضهم مسيـح بعد
يعني تصوت لواحـد [ مسيحي ]
لكـن لو قالوا لكـ تبرع للمسـاكيـن
قلت واللّه مامعـــي فلوس
لو قالوا لك هاذا أنسان مسيحي محتـاج عطـه ريال رياليـن على الأقل
قلت لااا وين مسيحي أعطيـه فلوس .. أنهبلت أنت ؟
لكـن تروح تصوت لواحد مسيحي وتعطيه ميـة ريـال ولا ميتين عـاادي
يمكـن المسيحي الي تبي تعطيه ريال ولا ريالين محتـاج بصدق .. ماعنده ملابس ماعنده مكان ينام فيه
لكـن تصوت لواحد وتعطيه مبلغ وقدره وهـو لابس نايم عايش ياكل يشرب
والله حرام يانـاس
شوفوا أنـا ماقولك أنـا مطوع ..
بالعكـس أنـا أنسان عادي .. يقولون [ مُحـايد ]
يعني أسمع أغـاني صح .. لكـن نحـافظ على الصلاة في المسجد
يعني موب مطوع
لكـن هاذي تسمى نصيـحه والله
يعني ماراح ينفعك ذا الي تصوت لـه والله ماينفعك
ماراح يجيك يوم ويعطيك المبلغ الي دفعته له
لو تجيب واحد صوت له وخسر
وقال له واحد .. الناس الي صوتولك يبون فلوسهـم كيف نرجعهـا
بيسكت ولا يقدر يتكلم .. لأنـه يعرف أنـه مايقدر يسوي شيء
على كـل حـال أنـا حبيت أنبـه هالنـاس
والله حرام يعني 
والمـوضوع صراحـه مالقيـت لـه اسئلــه
فقد موضوع عـابـر ..
وياليت وأتمنـى من كل قلبي
بيكون ردك [ يعطيك العـافيـه ، مشكور ، كلامـك صحيح ، كل كلمـه صح قلتهـا ، الله عليك درر درر والله ... الخ ]
مانبيهـا تكفون
لأني ماحـب أنـا وغيري نتعب ونكتب في موضوع وبالنهــايـه تجينـا هالردود يانـاس
وفي الختـام
التقينـا حبـايب .. وبنفترق حبـايـب
زيـآد ،