(( كـــل عــــــام وأنتــــــــــم بخيـــر )) قبل كل شي مشكورين على تفاعلكم مع برامج المجلس ومازلنا نننتظر تفاعل أكبر ترى . .. بالنسبة للعيد الاضحى كنت اعتبره أمتع وأحلى من عيد الفطر ومازلت والله ..عشان فيه أكشن وأثارة شوي .. أول يوم كنا صغار مايضحون اهلي في بيتنا ..بس اشوا يوم حيّت قلبونا شبينا فيهم وصارت عندنا .. بنزل اللحين جزء من صور اللي خذته في يوم التروية وعلى العيد والذبح انزل الجزء الثاني .. . .. ((الجزء الأول )) مافيه الا خروف واحد اللي عطاني وجه من بينهم ..بس جنني الله يصلحه .. يوم جيت ابي ازينه ، الشغلات خوفات صرفوني وحدة منهم تنصب علي تقولي يوم قلت لها ادخلي حطي الربطة على راس الخروف قالت " لا هررررررام في فلبين في كلب.. لبس ملابس انسان بعدين ربي سوي عقاب اجي لمبه مطر<-- تقصد البرق بعدين كولوا ناس موووووت " ..قلت ايه طيب روحي شوفي شغلك بس ..واروح احاول في واحد من اخواني بس صغار وخوافين شوي بس ماعليه بيصرون مراجل غصب عنهم دامني لهم <<تكفين .. قلت ماينفع الواحد الا نفسه .. قلت بدخل انا ..والمهم واستعد والبس القلفز والجمهور يترقب <-- بتشوت ضربة جزاء مو داخله على خرفان المهم .. وامشي...... امشي... وامشي... وامشي..... وامشي وباب الشبك مفتوح .. وامشي وامشي <-- بتنجلد لاعاد جد قعدت امشي امشي المهم رحت مادخلت .. رحت رفعت الشبك من فوق و وطيحت الربطه من الفتحة على راسه وجت عليه صح .. مو خوف والله بس ماابي اتقرف هذا اولا وثانيه اخاف ادخل ويسكرون باب الشبك علي الباب وانحجر معهم .. وهذي الصور هذا خروفنا فتاة الغلاف على غفله مملوح ودلوع بعد بالله قد شفتوا خروف مملوح مثله <-- تتدلع بخروفهم (( 2)) وهذي كاشخ بالنظارة والربطة .. ((3)) هذا أخوي في محاولة يائسة عشان يلبسه ربطة الهلال .. ((4)) تعلقت على خشمة بس : : . ..وبالنسبة للعيديات في عيد الاضحى نشتريها جاهزة وعاديه لكن الفطر لا نتعب ونربطها انّا ونحط فيها افكار وحركات .. لكن عيد الاضحى على قولتهم عيد لحم ..اي عيدية .. والصورايخ والشروخة .. توني شبيت قبل ساعة .. وهذا صور صورايخي لحالي غير اللي عند أخوي .. - وتقسيم اللحم والمواقف اقولها لكم بكرة في وقتها ومع صور مجازر بكرة .. ومن العايدين الفايزين ان شاء الله .. وسلامتكم CC