المشاركة الأصلية كتبت بواسطة كاميليا

أهلين فيك حبيبتي يارا..

يمكن تتوقعين اني داخله اعلق على الموضوع بالايجاب ..
لكني انا بصراحه بقول وجهة نظري بالموضوع ..


أول نقطه حابه اناقشها..


<< اجابتي نعم استفتدت .. واستفاده ما احد يقدر ينكرها..



<< حبيبتي معليش اعذريني..
هذي معلومه الي انتقدتيها وبشكل كبير ما اتوقع انها اخذت من كتاب الفقه اكثر من سطرين..

وبالنسبه لتقطيع الدجاج فيه ماده عطوها للبنات في التدبير..
علموهم فيها الطبخ وتقطيع الدجاج..



لو ما علموك ان هذي طرق استخدام المخدرات ونبهوك عليها..
كان عرفتيها من المسلسلات والافلام..
يعني ما اتوقع ان اسماء المخدرات اثرت على دراستك..
وبعدين كيف تقولين ان هذي حكي فاضي؟
لو ما عرفتيها من الوسائل الي ذكرتها..
اعتبيرها ثقافه عامه..

تخيلي بس لما تجلسي قدام شاشة التلفزيون..
ويطلع لك اعلان ( لا للمخدرات )
وكتب لك عن الكوكائين وشكله ولونه.. مثلا..
ما رح تقولين لو اني شايفته كان قلت هذا نشارة خشب!
وبقولين: المدرسه ما منها فايده بس جيدين يعلمونا فلان فتح وفلان غزى وفلان مات!

هههههههههه
<< تحش بالماده الي ما تحبها..

هذي اشياء يا قلبي تستفيدي منها بحياتك اكثر من كل شي..

وبالنسبه لمادة الحديث..


انا معك بهذي..
كل سنه يعطونا عشرطعشر راوي..
ويالله خليك كومبيوتر واحفظي..
مع ان معهم الرواة الي مقلين برواية الحديث..

والانجليش .. الانجليش.. وماادراكما الانجليش!

ههههههههههه
شوفي حبيبتي انا معك في الماده المفروض تكون دسمه اكثر من كذا..
يعني بصراحه دراستي في المدرسه ما ساعدتني بشي غير الحروف و Yes و No
بس عى سهولة المناهج وتفاهتها..
نلاقي ها الماده بالذات نسبة الرسوب فيها خرافي..
والناس ما تمشي فيه الا بالدز..
وتلاقين البنت قبل الاختبار بيومين تذاكر..
واذا جا يوم الاختبار خذ يا نفافيض ودوخات..
هههههههههههه

اكيد اذا مستوى الطلاب بها الماده وهي سهله كذا .. مارح يقدرون يخلونها دسمه..

وبالنسبه لمادة النصوص..
فأنا اشوف انها ماده مهمه..
وحفظ الابيات من اهمها.. يعني مثلا لو ما خلوك تحفظي عشر ابيات..
كان مارسخ براسك بيت ( انا البحر في احشائه الدر كامن.. فهل ساءلو الغواص عن صدفاتي )
وغيرها الكثير الكثير من الابيات الي فيها حكم وصياغات وتشبيهات رائعه..
ممكن وقتها تتضايقي منها..
بس بالنهايه مارح يرسخ ببالك الا الأشياء المميزه منه ولو ما اجبروك على حفظها ..
بصراحه ما افكر ان فيه احد يجي بباله انه يحفظها..

الجغرافيا..
ماده مهمه جدا جدا جدا..
وخصوصا الاشياء الي انتقدتيها..

مثل..( الموقع ..وبماذا تشتهر .. وماذا تصدر؟)
لأنك لو رحتي سياحه يهمك تعرفي ها البلد ايش مشهور فيه..
والموقع طبعا واكيد انه مهم..


هم ما درسوك ها الدول علشان يقهروك فيها..
وأكيد ما عطوك اياها لأنهم يتوقعون انك رح تكونين سفيره بها الدوله..
لكن هذي تسمى ثقافه عامه..
واذا تبغين ثقافه زياده تنقي الدول الي معجبتك واقري عنها.


الانظمه الجديده قاعده تحكي شي بس انتم ما فهمتوه..
<< هي بس الي فهمته!!
ههههههههههههه
تقول الله يسلمكم يا طويلين العمر اجلسوا في بيوتكم الله لا يهينكم..
والجامعه مارح يدخلها الا العباقره ..
الي نسبهم 99 و 100
وانتي يا ام 90 روحي كشي الذبان عن اخوك الصغير في البيت..
هههههههههههه



مشكوره حبيبتي على الطرح..

صحيح ان فيه اشياء ما اتفقت معك فيها..

وآآسفه على الاطاله.. بس ما حبيت اخلي بقلبي شي(ن ) يقرقع..