سلااااااام لأحلى منتدى بالوجود.....
انا اليوم جايه وعندي موضوع يقرقع بداخل قلبي من زماااااااااااااااان ....
اول شي سؤال لكم يالمتخرجين
كم سنه دراسية حنا درسنا ؟
اكيد رح يكون كلكم جواب موحد الا الراسبين ورح تقولون 12 سنه
بذمتكم هالـ12 سنه دراسيه قولولي ايش استفدتو منها
تحسون انكم كسبتم شي.....انا عن نفسي ماحسيت كسبت شي ..احس اني
استفدت ثقافه وعلم واشياء... الخ ...من مجلات ماجد والاطفال ..اكثر
من كتبنا الدراسيه
خلونا نبتدي بالمواد الفاشله اللي درسناها واللي مازالو يدرسوها...
الفقه
قولولي يابنات ايش فايدتكم من دراستكم لطرق ذبح الحيوان
انتم ماعلمتونا نقطع دجاج بتعلمونا نذبح بعير وناقه وبقر بالعقل شفتو
بنت رح تتخرج وتشتغل جزارة او قصابه .......قهرررررر
او يدرسونا انواع المخدرات ايش اسوي بالمخدرات ...يمكن قصدهم اذا تعرفت
لك على مدمن ماتتفشل قدامه وتظهر ثقافتك قدامه بالمخدرات
او كيف تعاطي المخدرات===>ليه حنا بنجرب
الحديث
مااقدر اقول فيه شي لانه كله اقوال الرسول_ص_ بس في شي
معقول اكثر من 20 راوي حديث يخلون الطلاب يحفظوهم انا عن نفسي
مااذكر ولاشي عن الرواة اللي درستهم عدا ابو هريرة
وقفه:سؤال لكم يالطلاب هل تفضلون الرواة حفظ ام استطلاع؟
E
هنا المصيبه الكبرى الانجلش مثل محنا عارفين حاجه ضروريه لدخول الجامعه
او الوظيفه ...ويطالبونا فيها ..يعني لازم تكون بلبل بالانجلش ...وفوق كل هذا
يبتدوا يدرسون طلابنا من اول متوسط وياليت تعليم مثل الناس يعلموهم abc
والحرف الكبير والصغير وقراءة محادثه وقاعدات مالها داعي
انا عن نفسي ماشفت طالب او طالبه شاطر او مثل مانقول بلبل بالانجلش
الا ودارس معهد او دارس بالخارج او كانو عايشين بأمريكا...
بالعربي يالطلاب ماده الانجلش اللي بالمدرسه مارح تفيدكم بشي
نصيحه لكم المدرسة مارح ترفع من مستواكم بالانجلش الا بنسبه 1%
اركضوا ورا نفسكم وروحو من معهد لمعهد او اشترو كتب واجلسو احفظوها..
النصوص
ماده بايخه وثقيله عالقلب ويجونا بكل سهوله احفظو 10 ابيات من ذي القصيده
الله والقصايد المكتوبه
بالعقل واحد جالس يكتب رثاء بالاندلس والثاني يكتب عن الطبيعه حنا نحفظ
اشعارهم ليه ويجيبون لنا شعراء مدري من وين مطلعينهم؟
انا مدري وين راحو شعراء العصر القديم
هل انتم مقتنعين بالاشعار اللي جاي تحفظونها؟
الجغرافيا
يمكن هالمادة تفيدنا شوي بالسياحه او بالثقافه ....طيب ليه مايجيبون للطلاب دول مثل
الناس ..بذمتكم يالطلاب ايش رح تستفيدون من الصومال او جيبوتي اذا درست
كل منطقه فيهم وجلست احفظ بماذا تشتهر؟ وماذا تستورد؟ وماذا تصدر؟اين تقع؟
....يعورون عقول الطلاب عالفاضي....
ايش رايكم بالدول اللي جاي تدرسونها؟
التفصيل
هذا لكم يابنات ايش رح تستفيدون من التفصيل من قله الهنود اللي يخيطون
...الا غصبن عليك تعالي وامسكي الابرة وخيطي ..ولا كأن فيه مكينه خياطه
الناس تتقدم وهم يرجعونا ورا...وصدقوني معظم البنات الشطار تضيع علاماتهم على ذي
الماده
سؤال لكم ياطالبات هل تفضلين ذي الماده تكون غصبن عليكي تدرسينها
او تكون حسب رغبتك؟
طبعن لو جلست اتكلم عن ماده ماده مارح اخلص فباقي المواد عليكم ياحلوين
ابي كل واحد يكتب المادة اللي يحس مالها دااعي 
.................................................. .....
وبعدين تعالو ايش قصه النظام الجديد...من جدهم من ثاني ثنوي وتراكمي
واختبارات نصف الشهر مافيه وكل يوم والثاني اختبار دوري
ابي احد يقولي ايش فايدة ذه النظام؟
مافيه فايدة ....انا اقول لكم ايش فايدته
1-التعذيب النفسي الشديد والمستمر للطلاب يعني بدل السنه صارت سنتين
2-الضغط على عقول الطلاب
3-تضييع نسب الطلاب عشان كل ماتقدم على جامعه يمسكونها حجه عليك
ماعندك نسبه
..........................
ماعندهم رحمه ذولي مايشوفون البنات قبل ذه النظام كيف كانو بثالث ثنوي
اللي استجنت واللي اغمي عليها واللي تقتل نفسها من البكي واللي تفكر تنتحر...الخ
فوق كل ذه يخلونه من ثاني ثنوي
وقفه(انا من رايي نفتح بدل الجامعات مستشفى مجانين لان هالمشروع صدقوني
رح يكسر الدنيا لان كل طالب رح يتخرج من الثانويه رح يحولوه على مستشفى
المجانين)
سؤال لكم ايهما افضل النظام الجديد؟ او القديم؟
مهما جلست اتكلم مارح اخلص وكل الطرق تؤدي الى روما==>روما بعينك
قصدي الى جواب واحد
1-تعليمنا فاشل جدا همهم بس احفظو واحفظو اشياء مالها داعي بدون مراعاة
لعقل الطالب وكأن اللي قدامهم كمبيوتر وصدقوني لو كمبيوتر اللي يخزن
كان سعته صارت في خبر كان
وبعد كل هالجهد اللي بالمدرسه رح يتخرجون ويشوفون
(......لاتــــــــوجد وظـــــــــــــــــــــــــائــــــــــــــف...... .)
اتمنى عجبكم موضوعي وياليت اشوف مشاراكاتكم