أقتباس و مواقف / عـادات / صور من عيدكمـ ,, مواقف.. ما اتذكر انه قد حصل مسبقا ولكن هناك توقعات قوية تصل الى حد الجزم بحول مواقف في هالعيد.. بحكم ان الوالد الله يحفظه بيحج وبتكون مهمة الذبح في راس ولي العهد ( أمحق ولاية عهد) الغريب.. انه الموضوع كان رايح من بالي وفي ثاني ذي الحجة كنت طالع بأروح أحلق لأني قمت أحس شعري صاير زي شعر ياسر ( تراني أحش مو قصدي أمدح نفسي ) الا الوالد يقول وين تحلق يابو.. انت بتضحي هالسنة قلت الشرهه على اللي يعلمك بمخططاته.. كان خليتني أحلق همن علمتني مو أجي يوم العيد بشنبي تقول عبدالله الرويشد ومن الأشياء المميزة بالنسبة لي برضه.. ان العيد بالنسبة لنا بين الأقارب ما كان الزامي اذا كنا في جدة يعني تروح للي تبي والي تعز عليه او تستحي منه بس.. أما هالسنة فالربع مغيرين خططهم وناوين يجتمعون في استراحة وحضور اجباري باستثناء الحجاج وأكيد انهم بيخلون مهمة البحث عن استراحة مناسبة في راس اصغر رب أسرة ( وأكيد عارفين من هو) عشان كذا شكلي باحج واورط أبوي اللي اكتشفت انه ما حج الا عشان يفك نفسه من الأضحية ومن قطية العشا خخخخخخ خربتها فيه شي بأنبهكم عليه.. لايفوتكم اشكال مذيعين تلفزيون السعودية يوم العيد الصباح واليومين اللي قبله بالدقون شي فلة خخخخخخخخخ أقتباس علمونا وشلون توزعون لحمكمـ .. ؟! هل انتوا متطورين و شغالينكم اللي يوزعونه والا بزراينكمـ الكل يشارك السواق يعطي اخوياه في البيوت اللي بجنبه والوالد يعطي أخوياه واخواني يعطون اخوياهم يمكن هذا الشي الوحيد اللي نحس بطعم العيد فيه أقتباس للحين تاخذون عيديات .. وكم تقريبا تجمعـون .. ؟ ما عيدوني وانا صغير يعيدوني وانا كبير ليتني أسلم بس من هجوم الصغار ويبقى من الراتب شي الا صدق.. تصدقون في العيد أخوي بدر يسلم علي هذا بدر أخوي آخر العنقود ومستحيل يبوس أحد حتى أبوي وأمي لكن الفلوس والملاهي تسوي سواياها أقتباس ( الصواريخ / الطراطيع / الشروخ ) أمس حضرت مباراة الاتحاد والنصر في الملعب من الفضاوة ( المباراة انتهت 3 للإتحاد والنصركالعادة عالحديدة ) بعد المباراة شفت سيارة توقف عند خرسانة حاطينها المرور عشان يصكون الشارع وصاحبها مد يده وحط شعلة من اللي يولعونها الجماهير بعد الأهداف مسكين مشتريها ومتكلف.. بس فريقه ما سجلوا ولا هدف خخخخخ الجميل.. انه فاقد الأمل من مستقبل فريقه عشان كذا ولعها برا الملعب طبعا لحد يقول لي انه ممكن يكون اتحادي.. لأني لحقته الى عند الإشارة وتأكدت من شاله الأصفر والأزرق بالنسبة للطراطيع.. كان فيه قرار ملكي مصدرته جدتي الله يرحمها وماشين عليه كل أعمامي بمنعهم من شراء الطراطيع لنا أو استخدامها وبصراحة الآن بعد ما درست وعرفت الطراطيع زين ( لأني أعمل في مجال السلامة).. أحب أحذركم جميعا من خطورتها وخصوصا على الأطفال وكم من طفل راحت عيونه عشان شروخ والا طراطيع خذوا الأطفال للبر والا البحر لعبوهم دبابات والا جيت سكي لأن اصابات العين صعب جدا علاجها اذا كانت بسبب طرطيع بسبب تفتت البارود وقوة انتشاره متى بس يجي يوم العيد عشان أضبط الكبدة واروح أحلق كل سنة وانتو طيبين ولا تنسوا صيام يوم عرفة وادعو بسلامة الحجاج