* * * مساء الخير فتيات القناص الفتيات الاقرب الى قلبي << الشباب لا ونمسي على الشباب بعد عشان ما يزعلون احس اني كثير هاليومين .. بس والله ما خلاني اكتب هالموضوع الا من المأساة الي اعيش فيها انا ومن انظلموا بأسماء موب عاجبتهم..! يعني بالله وش هالانظمه الي بالسعوديه الواحد ما يغير اسمه الا اذا كان [ جحش .. ولا حمار ... وغيرها ] طيب الي اسمائهم غبيه وموب عاجبتهم وش يسوون..؟ انا الي قاهرني كل ما تعرفت على وحده قالتلي اسمك يفشل ... الله يهديهم امي وابوي يعني ما لقوا الا هالاسم يسموني فيه لا بعد امي تقول انا وابوك فكرنا كثير قبل ما نسميك >> ليتكم ما فكرتوا.. خلاص اهلي اغلطوا وسمون هالاسم طيب ليش ممنوع اغيره.. ؟ وش هالانظمه الفاشله الواحد ما يغير اسمه الا اذا كان عنده واسطه ولا اذا كان اسمه مره منتهي..! القهر ان اسمي اكثر اسم في العالم تنطبق عليه العيارات.. والقهر بعد ان اخواني كل واحد اسمه ازين من الثاني الا انا ... يعني والله قهر .. ! اكيد كلكم تتسائلون وش اسمه هذا الي يخليه عايش بهالمعاناة..! اسمي: [ انس ] بالله هذا اسم ما كثر الله الا الاسامي معقوله ما لقوا اهلي الا هالاسم.. اكيد في هذا المنتدى اعضاء كثير موب عاجبتهم اساميهم الي موب عاجبه اسمه يقول اسمه والاسم الي يتمناه >> يبي يعرف اسماء البنات.... لا والله اتكلم جد.. ملاحظه : الي اسمه زين وعاجبه رجاء لا يعلق لأنه موب حاس بالمعاناة الي احنا حاسينها... نقاط سريعه : * ياسر امس جته اصابه بالكتف سلامتك يا كابتن.. * اليوم الثلاثاء يعني اليوم يختارون [ نومنيه ] يا رب كلهم نومنيه الا ... تينا ... * في ستار اكاديمي الوجوه القبيحه واصوات النشاز رغم ذلك يلقى متابعه جماهيريه...! * في ديرتنا التخلف يسري في دماء البشر وحرة السينما للحين بقلبي... ! * الامنيات كثيره انا امنياتي اصير دكتور واهاجر من السعوديه واغير اسمي ادعوا لي انها تتحقق..BBP وشكرا BBP