أهلييييييييييييييين النمله الخجوله <=== أخبارك أحـــــــلى بعد النمل صايره تكتب مواضيع بقولك موقفي مع البر ,, مرة كنا كاشتين وآخذين معنا بنت عمتي وولد عمتي الثانية وجدي الله يرحمه النمله أنا أكرهك قلبتي المواجع علي تذكرت جدي اصبري بصيح شوي برب <======== باك بس الوجه تسذا ========> المهم كنا كاشتين بمكان بعيد وأنا بي طبع شين من أول مانصل أقعد معهم شوي ثمن أركب بالسيارة وأسنتر فيها أسمع المسجل وكنت قافله كل البيبان عن أخواني تعرفون حركات المبزرة تنفق السيارة يوم حطوا الغدا ويصوت لي جدي <==== يقول انزلي تغدي لايبرد عنك جيت أنا من اللعانه قفلت البيبان ونزلت عشان محد يركب وطبعا ثوب أبوي والمفتاح بالسيارة يوم خلصت متغديه وجيت أبرجع وأثر السياره مقفله والمفتاح بوسطه عاد أنا بوقتها عيوني تسذا مدري وشسوي وقلت لأمي تقول لأبوي السالفة لأني أنا مالي وجه طبعا أقوله فرحمتن أمي وراحت وقالتله نبي مناديل من السيارة فلما قام بيجيب لقاها مقفله ويشوف المفتاح والثوب بوسطه أبوي زمل لأن معنى عيال عمتي وجدي يعني الدعوا مسؤولية والجوالات ماتوصل فمالقا قدامه غير حل واحد راح ووقف عالخط وبدأ يأشر للسيارات ساعه كامله بوقتها كان الخط فاضي السيارات اللي تمر قليله ويرزقنا الله بهكالفزعه واحد جاي من دخنه ويقوله أبوي السالفة ويركب معه ويروحون للبيت و حنا قاعدين على أعصابنا لولا الله ثم جدي كان متنا من الخوف خصوصا المكان بعيد وبعد فترة ليست بالقصيره جاء الفرج جا أبوي مع أخوي الكبير على سيارته ومعه سبير للمفتاح ورجعنا ... Done ,,,, وإلى وقتكم هذا أبوي مايدري من اللي قفل على المفتاح إذا تزوجت أبقوله إنه انا النمله ,, موضوعك ماعمري قريت أحسن منه <<اي هين تقبلي مروري الطويل بصدر رحب يا نمولتي