و الله يا فيه ردود .
و فيه ناس ما تعوق معهم الفتوى .
يا جماعة الخير الى متى عقولكم مقفلة .
مع احترامي للأراء .
أجل الحمد لله ان حنا الدولة الوحيدة الي ما عندها سينما .
سبحان الله اجل و غير مشروعه و ممنوعه بالله من وين جت ذا الفتوى . يعني سؤال بالله
أحد قالك ان السينما ما يدخلها الا عراة يومك تحرمينها والا وش وجه التحريم .
دخلنا صالات السينما في الدنيا كلها رجال و نساء شباب و بنات واحد جاي بعياله
ولا شفنا هاللي انتو مرتاعين منه .
سؤال يقرقع في قلبي . ليش ندعي ان حنا شعب محافظ ما دام تفكيرنا في بعض
ما يتعدى السره الى الركبه ؟ . . . . اجل اختلاط .
أجل برضا الشعب . الله يذكر ذيك الايام بالخير و شغل الهيئه و تعال و اقنص الدشوش بساكتون . و الحين صرنا نشوف لهم قنوات خاصه عجبي .
يا عزيزتي المدن اي مدينه في العالم لازم يكون فيها وسائل ترفيه ترفيه للشعب وللناس ,
ما نبي بارات ولا مراقص , نبي وسائل ترفيه مشروعه طبيعيه للجميع , حتى وسائل الترفيه البريئة
ممنوعه .
ايه وجود سوق ضروري بس أكثر من خمسين مجمع تجاري هنا مهوب ضروره هنا واحد
ما عرف وين يصرف فلوسه و شعب وسيلة ترفييه الوحيده هي الفرفره في الاسواق .
الحين يا كاميليا .
وش الأخف ضرر على المجتمع و الأسرة و الشباب وجود مقاهي الشيشه و ألا السينما .
أنا من الناس الي اروح للبحرين عشان اشوف افلام واروح للسينما صرت سخيف الحين .
معليه يا كاميليا لكن ديرتي مهيب موفره لي وسيلة ترفيه ما قدامي الا اني اقعد في بيتي
والا اروح اشيش .
يعني معليه الواحد في هالديره ما يمديه يستخدم وسائل الترفيه الا اذا تزوج .
أنتي خلي الحكومه توفر وسائل ترفيه بعدين تعالي و احكمي وشوفي هل حنا راضين و الا لأ.
مجتمعنا غريب يعدي المثالية و نفس الوقت معترف ان شبابه داشر
ـههههههههههههههههههههههههههههههـ .
و الهند المجوسية و أروبا العلمانيه مهيب توقف عنهم الأمطار .
أجل لا تحطون سينما عشان لا تكثر الذنوب همن يوقف المطر .
الذنوب مهيب من السينما الذنوب من الحقد و الحسد و الغيبه و النميميه عند الناس
مهوب سينما .
بيلســـان :- لا تعليق
يا جماعة .
اي مدينه لازم يكون فيها وسائل ترفيه متوفره . اجل الله لا يعاقبنا يا اهل الرياض شاليهات في البر
لاقينا انتووو .
يا جماعه انتو بتنفتحون على العالم وناس تجيكم و ناس اسواق عوائل . شاليهات عوائل , سينما ما فيه
قهاوي لين 2 الليل همن انقلع لبيتكم .
معليه لا تلومنا الشباب اذا طق لا تلمون الشباب اذا فرفر في الشوارع و أذاكم يعني ما فيه مكان ممكن يفرغ
فيه هذا الشاب طاقته وين تبونه يروح و ين تبونه يفرغ الكبت الي فيه .
بالله حلو منظر شارع التحلية والا الكورنيش و هو مليان سيارات رايحين راجعين .
تخيلوا سايح سويدي قال بأزور السعودية تهقونه وين بيروح .