يوم السبت الموافق 16/12/2006 >> لا احد يقول اكتب هجري الجوال ما فيه الا ميلادي ومتعيجز اروح اشوف التقويم كان احد اسوء الايام التي عشتها في حياتي كل واحد يجهز المنديل جمبه لأن القصه مأساويه جدا جيت البيت يوم السبت الساعه الـ 11 صباحا تقريبا وكان الجو عجيب غيوم وامطار ولا فيه ريح شمس كأنك بـ باريس >> ايه هين يوم دخلت البيت واشوف الاشناط متكومه عند الباب واول من قابلن امي انا: بالخير يمه امي: هلا يا وليدي جيت >> سؤال غريب بس تعودت عليه انا: اقول يمه وش سالفت الاشناط الي عند الباب امي: بنسافر انا: تسافرون!!!!! وين وش الطاري امي: والله طرالنا نسافر بهالجو الزين واخوانك يبون السينما >> يا حليله امي تعرف السينما انا: طيب وين بتروحون امي: الكويت انا: طيب وانا وراكم ساحبين علي ابي أشوف الافلام الجديده امي: بكيفك تبي تجي الله يقويك انا: بس عندي اختبارين بكرا والدكتور ناشب في حلقي امي: اجل خلاص اقعد وشوله تروح انا: طيب اخواني ما عندهم دراسه امي: لا قاضين هذا اخراسبوع وعادي يغيبون بعد هالحوار الساخن مع الوالده دخلت في موجة حزن عجيبه شديده ورحت الغرفه وشوي يدخل ابوي: يالله مع السلامه انتبه للبيت لا تقعد تحوس زي آك المره >> متعود علي وتطلع العائله الكريمه وانا الحالي بالبيت ولا بعد عندي اختبارين بكرا واقعد دقيقة صمت >> متأثر بعد ما مات الكوري حق الاسياد وانام بعد هالحزن الشديد نومة الله لا يوريكم كل خمس دقايق اقوم واشوف الساعه بعدين ارجع انام بعد هالنومه المتقطعه قمت المغرب >> الله لا يعاقبنا نمت عن صلاة العصر وصلاة المغرب صحيت من النوم وحسيت اني ضائع في هذا الزمن العجيب >> تحمس واشوف الجوال وألقى عشر طعش مكالمه ورساله من ابوي كلها [ لاتنسى الصلاة ] وبعد ما توضيت وصليت الفروض الي علي قعدت بربعه وادعي على [ ابن سينا ] و [ البيروني ] لأنه عندي احساس ما جاب لنا الاختبارات الا هم واختراعاتهم وبعدها قعدت ادور بالبيت وانا في حاله يرثى لها ودي اطلع بس المشكله هالاختبارين الي علي >> محسوبكم دافور وشوي وتجيني رساله من ابوي مضمونها يا ( ..... ) >> ما ودي اقول اسمي احس انه يفشل لا تنسى تسقي الزرع الي بالحديقه.. >> في ذيك اللحظه استحقرت نفسي والله اخر زمن انا امسك لي المويه واقعد ادور بالحوش >> منتب سهل حتى من الدلاخه الي براسي الشاهي ما اعرف اسويه اجل وشلون بسوي عشاء..؟ دخلت المطبخ بسوي خرابيط واتذكر ابوي يوم يقول لا تحوس فرجعت بـ خطواتي شيئا فشيئا حتى وجدت نفسي خارج اسوار المطبخ >> اقعد يا فصحى وانا الان اسطر هذه الابداعات >> ثقه في حاله لا يعلم بها الا الله..! هاه وش رايكم بالقصه مأساويه صح [ ادعوا لي بالتوفيق في الاختبار ]