وربي موضوعك فله يطلع الواحد من اللي فيه
الحين مع إحترامي من زين هالجامعات بعد يتشرطون
يعني المركز ماقبل قبل الأخير ومايبون إلا شخص نسبته
100 ووخريج هالسنه يعني وربي شيء يقهر بالنسبه لي
نسبتي عاجبتني وماتوقعتها ماتسوى إلا يوم رحت أسجل
أصلا يناظرون الشخص بطرف عينهم ومعاملتهم زي وجيههم
مره رايحه وأول مادخلت لقيت ثنتين جالسين على مكتب سألأتهم
عن عمادة القبول والتسجيل قامت حركت راسها قدام بعدين يمين
انا طيرت عيوني يعني شـ فيها هذا أسلوب قلت لها نعم قامت شوي
أرتقت بأسلوبها ومدت يدها قدام بعدين يمين من غير أي كلام تبغاني
أفهم إن العماده أمشي قدام بعدين أروح يمين طيب إذا مافيكم حيل تتكلمون
وجالسين تعاملونا ماكااننا بشر حطوا ورقه وأكتبوا عليها للي جايين يسجلون
إن العماده مكانها قدام بعدين يمين مع إن شغلتهم توجيه المستجدين وتعليمهم
هذا أصلا غير إن كل جامعه مكانها أقرب من الثانيه كل وحده بقلايع وادرين
هذا غير التحجر في بعض قرارات الجامعات الحكوميه والتحرر النسبي في الجامعات
الأهليه يعني ياشادين الحبل يافالتينه وسط مافيه
غير التعامل مع الطلبه على أنهم كائنات من كوكب آخر وأن الهيئه التدريسيه هم من أعلم
الخلق وأذكاهم غير إن المناهج في أغلب التخصصات تدرس باللغه الأنجليزيه وأصلا تأسيس
الطلبه في التعليم العام بالأنجليزي سيء جدا
مشاكل القبول والمعامله السيئه كثيره
بالنسبه للجامعات الأهليئه على بالهم إنك جالس على كنز يعني أي مخالفه 25 _ 50 ريال على
حسب المخالفه غير رسوم التسجيل في الجامعه مع الأقساط السنويه + إنهم بأي لحظه ينزل
مستواك يمكن تلقى عمرك بالبيت من غير دراسه والفلوس اللي دفعتها راحت ولازم تسجل من جديد
وتدفع من جديد علشان تدرس
" الجبيل من أجمل مناطق الشرقيه وأحلاها وأكثرها مدنيه وحضاره "
مفهيه