The warm heart وهاذي مامداه حاصل لي كنا جالسين حنا وبنات خالاتي نسولف عند جدتي فصادتني انا من بينهم وقعدت تقولي سالفة يوم انهم منول فيوم شفت الدعوا مطوله حطيت سماعات جوالي بأذني وعشت أجواء مع أغنية اليسا لو تعرفوه وجدتي بشدة تسولف <<لو عرفت حركتي السخيفة هاذي وش تسوي ووش بيكون موقفي ياهو موقف تخيلو جدتي ياويلي الضعيفه مجهده تقوله عن محاضره سمعته بالرادو العصر وجدتي متحمسه تقوله عن المحاضره والاخت في الله الموسيقى تردح بأذانه , حاطه سماعات الجوال وتسمع " لو تعرفوه .. لو يوم يأبلكو أسألوه .. عن الايام ياخدوه .." عاد حنا نسمع الاغنيه بس جدتي ماتسمع زين والطامه الكبرى ان المحاضره كانت عن الاغاني والمسلسلات ... أنا قايلتلي جدتي عن هالمحاضره قبل مايجون ولا كان رحت وعطيت جدتي وجه عاد دامي جبت لكم طاري جدتي بقولكم شوي من مواقفه كنا قاعدين نشوف المسلسل عنده وينادوننا يقولون تعالوا تعشوا ولهم ربع ساعه يرسلون الصغار ينادوننا وحنا نقول شوي بس خلاص بيخلص هالحين , المهم طولنا آخر شي جت جدتي وقالت لنا " يابنياتي تعالوا تعشو خلوهم, ذولا متعشين من عقب صلاة العشاء وجايين يشغلونكم " ومره وحنا مجتمعين كانو البنات جايبين بخاخ يبون يزينون فيه عمل للمدرسه , بعد ماخلصو حطوه بالمكتبه اللي بالصاله , كان وقته جدتي عيونه تعوره وتدمع يعني ماتشوف زين ويوم جت بتنام وتاخذ البخاخ وترش وترش الصاله << طبعا على باله أنه بف باف أخليكم من جدتي وقولكم موقفي اللي صارلي الاسبوع اللي فات قمت الصبح متأخره ولازم اروح للكليه لان عندي غياب كثير وبياصل للحرمان على طول غسلت وجهي وفتحت دولابي وأخذت بلوزه ولبسته ولبست عباتي ورحت للكليه , وبسرعه رحت للطاوله اللي نجتمع عنده يوم وصلت ويشوفونن البنات ويفطسون من الضحك علي ونا مثل الاطرش بالزفه مدري وش السالفه ؟؟ << الاخت لابسه البلوزه بالمقلوب بس الحمد لله كانت الساحه فاضيه , غطو علي البنات وقلبت البلوزه وعطون جاكيت لانه كانت خفيفه وسلامتكم