_ _ _ _ كح كح <-- صحــة مساكم الله بالنور والسرور..حيالله اهل المجلس .. تأخرنا عليكم لكن مشاغل الدنيا .. على طاري المشاغل .. والشغل والشغالات .. رجعت البيت وانا حيلي مهدود ..مامداني ادخل الا امي .. تقولي .. عندي لك خبر .. قلت عساهـ خير . . قالت الشغالة حامل قلت هااااااهـ . . قالت امي واللة .. قلت الله يبشرك بالخير .. اصلاً مو منها من اللي يعطيها إجازهـ .. ويخليها تعيّد مع زوجها .. المهم اخذت الشغالة إجازهـ ..وجبنا شغالة جديدهـ .. وقلت من غير أجازات .. أخاف تجيب العيد هي بعد .. نرجع لمحور حديثنا .. أولاً ابارك للزعيم وعشاقة الفوز على النصر وعلى الأهلي .. وانشاء الله على الشباب يوم الخميس .. وهاردلك لكل الفرق وخاصة النصر حبيب البي .. للمعلومية انا هلالية لاتقولون هالبنت مندسة لنا خخخخخخخ .. أذكر أيام الثانوية كنت هلالية صميــم .. ورئيسة رابطة المتعصبات بالمدرسة ..واي وحدة تتكلم عن الهلال بكلمة سوء .. لاتلومنّ الا نفسها .. كانت حالتي حالة .. بس الحين عقلت ولله الحمد .. وتفرغنا لأشياء ثانية تفيدنا في الحياه العملية والعلمية .. . . . التعصب بالميول الرياضية مشكلة .. والتعصب بالرأي والفكرة العن وادهى .. نجي للتعصب الرياضي .. اضحك من اللي يقول انا دمي ازرق .. ولا اصفر الدم احمر من قديم الزمان .. مدري يمكن مع حلول 2007 في تلوين للدم .. في احد العزايم .. رجال قرب صحن الموز من واحد .. قاله ماعلية انا ما اكل موز قال يمكن فيه علة .. قال لا بس انا هلالي والموز نصراوي . . ما اكلة ولا ادخله بيتي .. تخيلوا بالله .. وصل انه يمنع نفسه واهل بيته من الموز .. وكل شي اصفر .. عشانه هلالي ... اثنين من اخواني اتحادييـــــن صميم .. في مباراه فاز الهلال على الاتحاد ..واحد منهم رضى بالامر الواقع وراح ينام .. والثاني صميـــــــــم صميم صميم ..ماسكت .. اصلاً الهلال هذا نــ.........؟! واصلاً هم مايفوزون الا بالتـ.....؟! والفريق كلة ........؟! اصلاً لو فيهم خير ما .............؟! الله لايـ.....؟! وأنتم عاد املئوا الفراغات بالجمل المناسبة ـخخخخخخخـ .. ... واحد من اخواني استاذهم الرياضه ..اهلاوي . . ومتحلف للي يلبس فنيلة اتحاد .. عاد امي يوم يلبس اخوي فنيلة اتحاد .. تقول لة وش قال استاذ الرياضة .. فيضطر يغير الفنيلة .. عشان ماتصير هوشة . . ... والله لوفكرنا ..شوي وش الاستفادهـ .. من التعصب .. وش نتيجتة .. ماغير وجع راس .. وقطيعة .. لحد يقول وش دخل القطيعة .. كم من اثنين كانوا اصحاب وفرق بينهم تعصبهم لأنديتهم ..انت بتاخذ شي لو فريقك فاز؟!! كله للنادي والاعبين .. كل لاعب بياخذ له 10 او 15 الف بمناسبة الفوز .. يستاهل الاعب سوا شي .. قدم شي .. انت وش سويت .. ماغير تصيح بالمدرجات..وتتعب نفسك ومسوي أزعاج ..وقسم بعض الأحيان وانا اتفرج على مباراه .. راسي يصدع من اصوات الجماهير .. ولا بيوصلك قرش من ورا تعصبك لناديك .. مابتاخذ غير شي واحد بس .. اما من لاعب ..او رئيس نادي وهي كلمتين (( شكراً للجمهور اللي حضر )) _ هلا انتـ / ــتي .. متعصبـ / بــه .. رياضياً...؟! _ قيَم نفسك .. أنا متعصب رياضياَ .. بنسبة .. * 5% ... 20 % .... 50% ... 80%.... 100% _موقف / قصة .. مرت بك لمتعصب رياضي ..؟! _رأيكـ / ــكي ..؟! بالتعصب الرياضي .؟! نجي للي أدهى منة .. وهو التعصب بالرأي ..هاذي نلاقيها كثير في المجالس .. او هنا بالنتديات ..مثلا يطرح موضوع في مجلس ..يبدأ الكل يبدي رأية ويتناقش .. مرت ربع ساعة الوضع مستتب ..شوي ماتسمع الا لاااااااااااااااا .. غلط مايصير .. تجي الثانية .. وشلون غلط .. تدخل الثالثة .. صلوا على النبي يا جماعة .. ترد الأولى لا حبيبتي رأيك غلط في غلط ..انتي شلون تفكرين .. عاد تجي الثانية مقهورهـ منها إلا وإلا رأيها الصح .. كل وحدهـ تبي رأيها هو الصواب .. مافيه احترام لرأي اللي امامي .. ولافيه تقبل لوجهة النظر .. الكل متعصب برأية .. والكل يحاول التقليل من رأي الأخر .. ... _ تقديرك واحترامك لرأي الغير ..تقدر بنسبة ؟! * 30% ... 50%... 70%...100%.. _ التعصب بالرأي تجدهـ بالمنتديات ...! *تجدهـ بقلة * تجدهـ بكثرهـ .. _ عندما تجد تقليل من رأيك وتهميشة أحساسك وقتها ...! *قهر * تمنيت عدم طرح رأيك .. *عادي وتتبع مقولة (الاختلاف في وجهات النظر لا يفسد للود أي قضية ) _ _ _ _ تم ولله الحمد والمنة .. سبحانك اللهم وبحمدك اشهد ان لا اله الا انت استغفرك واتوب اليك .. _ _