بسم الله الرحمن الرحيم . . . سلام تعظــــــــــــــيم .. لجمهور الزعــــــــــــــيم شفت القسم العام اليوم .. وقلت :: من زمان ما شاركنا بموضوع جديد !! :: ودورت موضوع أتكلم عنه ما لقيت !! الأخوان ما يقصرون ما شاء الله .. ][ صاحب السمو في المدرسه ][ << وناسه اليوم كان عندنا انجلش الحصه الثانيه .. جاء الأستاذ .. وأول ما دخل قال :: اللي ما كتب الواجب أكسل كسول :: واضح معناها أكسل كسول .. صح ولا لا ؟!! يعني: أكسل طالب .. المهم .. بعد ما تعداني الأستاذ وهو يفتش على الواجب .. سألني واحد جنبي .. :: وش معنى أكسل كسول ؟!! :: يحسب هذي الكلمه انجليزيه .. عاد انا ما صدقت .. وفكيتها ضحك .. والأستاذ أكره ما عليه انه طالب يضحك في الحصه .. جاني وهو معصب .. الأستاذ :: وش بلاك تضحك يا أحمد ؟!! :: أنا :: يا أستاذ قاعد أكلمه وقال كلمه تموتك من الضحك :: الأستاذ :: علمني وش قال ولا تطلع برا :: انا علمته السالفه .. كان يفكها ضحك معي الأستاذ .. وخوينا وجهه راح 5×6 .. ][ غش على كيف كيفك ][ سوى لنا أستاذ اللغة العربية اختبار يوم السبت .. واليوم جاب لنا الدرجات .. المهم .. قبل ما يختبرنا الأستاذ قام واحد من الطلاب وجاء وجلس جنبي .. طبعًا انا مشبك العالم كلها .. قلت له :: وش تبي جايني هنا ؟!! :: قال :: ابيك تغششني .. اوكي ؟!! :: قلت :: اقلب وجهك على صفحة 60 .. انا أكره ما عليّ اني أغشش أحد :: قال :: يصير خير :: المهم .. بدأ الاختبار .. وانا جالس أكتب الأجوبة .. وما طالعت فيه وش يسوي .. وسلمت الورقه بعد ما خلصت .. واليوم لما جاب الأستاذ الدرجات والأجوبة .. قال لي :: تعال :: رحت له وقلت :: عسى ما شر ؟!! :: قال :: ليه غششت ............ ؟!! :: قلت :: والله ما غششته !! :: قال :: شوف ورقتك و ورقته .. شفت الورقتين .. وقعدت أضحك على خوينا .. هههههههههه .. ( عمّ ) الخير كاتب نفس الأجوبة مع الحركات مع كل شيء كتبته .. وانا ما دريت عنه .. انا كاتب في الجواب الأول هالعباره بنفس التنسيق :: ذلك هو خالدٌ :: ( ذلك ) << يعني حطيت خط تحت كلمة ذلك و كتبت التنوين على خالد .. وبين قوسين كتبت ذلك .. واللي غش مني .. كاتب نفس هالعبارة بالضبط بالحركات بكل شيء .. الأستاذ فهم السالفه وقال :: ربما صدفة خير من ألف ميعــــــــــــاد :: بس نعمه الأستاذ تغاضى عنها .. ولا رحت فيها .. هههههههههههههه وإن شاء الله أجيب لكم مثل هالمواقف كل يوم اللقاء بكم قريــــــــــب .. بإذن المجيــــــــــب احترامي ..