وبعدين يا ابن همام ارتحت ؟؟؟!!!!!!
والله المفروض ان الاتحاد السعودي ما يسكت على المهازل هذي
ابن همام كل يوم يبين كره للكرة السعودية
ليس هي احسن منا والدليل ترشيح خلفان
وبعدين خلفان ما شارك مع منتخب قطر والموسم الماضي ما شارك بشكل فعال مع ناديه حتى يتم ترشيحه
إضافة الى ان السد ما تأهل الى دور الثمانية من دوري ابطال آسيا
بالعربي متى تصير انت رئيس الاتحاد الاسيوي حتى تعطي الجائزة للولد ديرتك
حسبي الله على اللي ياكل نعمته ويفسد في أرضه
وأقول لابن همام
ياصغيّر مايكبرني لقب ..
ومايصغّرني إذا انكرني صغير !!!
ماخذينا الصيت من جمع الذهب ..
ولا نسابة شيخ أو قربة أمير
كاسبينه من أهل السيف الحدب ..
الجنايز كان ماجاك النذير !!!
صيتهم نجم على راسه لهب ..
سمعوا الصقهان به واجهر الضرير
بالوفا تاريخنا أبيض ينتصب ..
لاحكوا بالحق حييّن الضمير
ضيغمين للسناعيس انتسب ..
لابةٍ طلنا بها عرش كبير
عند حدك ياكثير الهرج تب ..
ولاتمر النار وثيابك حرير !!!
كان لك عز بذلي فتعقب ..
والله إلا تبطي وحبلك قصير
احسب انك من صناديد العرب ..
واثر ساترتك عباتك ياغرير !!!
ماحسب للسوس زُرّاع القصب ..
والقرادة مادرى عنها البعير
ولو حسبنا للحسايف والتعب ..
مابذرنا يالعصافير الشعير
عن اهلك ابرى لله واحتسب ..
الرجال اللي مجاراهم عسير
من قريش المصطفى وابو لهب ..
والدغالب ماغشت عذب الغدير !!!
للرجال من الرجاجيل العتب ..
والزكاة تحل في حال الفقير
لعنبو وقت غدينا به حطب ..
تحرقه نار يثورها أجير
ماألومك الزمن سوى العجب ..
هو بقى غير الكرامة بالجفير
ماأُذل وراسي يشم المهب ..
لو بقى من شمر طفل غرير
ماأهاب ولايزلزني غضب ..
الشجاعة ورث والعاقل غزير
ياصغيّر ما يكبّر باللقب ..
غير من هو كان من دونه صغير !!!