أولا يعطيك العافية سوسه المدعوسه
وجزاك الله ألف خير بما انك طرحتي هالموضوع
.
.
أجل بأحكي لكم حكايتي والله العظيم والله العظيم حقيقية
الحكاية:
أنا بعد ما تخرجت من الثانويه مريت بفترة عطاله وكانت طويله بالنسبة لي(( سنتين ))
والله العظيم عانيت من مرض نفسي ما تتخيلونه...
كنت قسم بالله أحس إني بأموت في أي لحظه
كنت أنام وكل شويه أروح أطل على أخويه وهو نايم أحس إنه مات
ما كنت أقدر أنام كنت خايف ما عاد أقوم من النوم أخاف أموت وأنا نايم ...
كنت إذا ركبت السيارة أخاف يصير علينا حادث حتى لو كان المشوار قريب...
إذا رحت مكان بعيد عن أهلي أجلس قلقان أحس صار في أهلي شي...
وفي يوم من الأيام كان يوم الخميس <<<<< ما راح أنسى ذاك اليوم
جت أمي تقومني لصلاة العصر المهم ما قمت للصلاة دعت علي أمي
وطلعنا ندور بالسيارة وتركت الصلاة
خويي إللي بقابله هو سرق سيارت أبوه
المهم دق علي عشان أقابله حددنا المكان وتقابلنا بس ليتنا ما تقابلنا
تقابلنا بالسيارات يعني صار حادث نقلونا للمستشفى
جلست يوم وطلعت وهو جلس شهر...
ناس أعرفهم صار عليهم حادث وماتو تأثرت أكثر...
يعني شوفوا المصايب إللي حصلتها
كنت صلاة ما أصلي
رمضان ما صمت فيه إلا أسبوع تخيلوا
أغاني أسمعها أوقات الصلاة....
إلين يوم من الأيام....
الله يوفقه الشيخ العريفي جلست أشوف له محاضره وكان يتكلم عن الصلاة والإستغفار
صراحه أثرت فيني
صح باقي أسمع أغاني...
بس بديت أحافظ الصلاة وصرت أكثر من الإستغفار
والله العظيم بعدها راح مني السواس
ونسيت الخوف
وحسيت براحه نفسيه غير طبيعية
صرت أضحك أجلس مع الناس...
اللهم يا مقلب القلوب ثبت قلبي على دينك وطاعتك
تحياتي لكم...