السلام عليكم ورحمة الله وبركاته
في البداية احب أن أنبه أن العنوان ليس إلا الشرارة التي نشأت منها فكرة هذا الموضوع..
ففي شهر رمضان كان لمنتدى صوت جماهير القناص لقاءات مع بعض الأعضاء، من بينهم
مراقب الأقسام الإدارية فيصل ... ولإختصار الوقت هذا اقتباس لكلامه الذي جعلني أفكر في
طرح الإستطلاع..
شفت لك اكثر من موضوع ماتمدح البنت السعوديه ليه ؟
من يقوله ياشيييخ
نسيت ذاك الموضوع اللي نزلته عشان شهد دمعه شوق يوم انها تنقر من الممرضه اريج
وكان العنوان شبابنا الاحلى وبناتنا الاجمل
بس صح اني اشب عليهم بين الحين والحين الاخر ..
لانهم صدق وش نسوي مايهتمون بااعمارهم ابد
اجل مس وانا اتمشى بمنتدى ما لقيت بنت كاتبه
باركوا لي سويت حمام مغربي
يعني بالله هالشئ المفروض تسويه كل شهرين
عشان تصير تلق لقيق
لكن تبقى البنت السعوديه الاجمل < مايمديك ترقعها
لم أكن غاضبه من كلامه لكن تساءلت بيني وبين نفسي... ماهي المواصفات اللتي يريدها الشاب السعودي ان تكون في زوجته؟ او بالأحرى مثل من يريدها من المشهورات؟
ولخلق معادلة عادلة كان لابد أن أوجه السؤال للفتيات ايضا..
قبل أن أدخل في محاور الإستطلاع ونتائجه لابد لي من كتابة هذه المقدمة..
النكاح في اللغة: يكون بمعنى عقد التزويج، فإذاقالوا: نكح فلانة أو بنت فلان أرادوا عقد التزويج
النكاح في الشرع: "تعاقد بين رجل وامرأة يقصد به استمتاعكل منهما بالآخر وتكوين أسرة صالحة ومجتمع سليم".
ومن هنا نأخذ أنه لا يقصد بعقد النكاح مجرد الاستمتاع بل يقصد به معذلك معنى آخر هو تكوين الأسرة الصالحة والمجتمعات السليمة لكن قد يغلب أحد القصدينعلى الآخر لاعتبارات معينة بحسب أحوال الشخص.
قال صلى الله عليه وسلم : ( تنكح المرأة لأربع لمالها ولحسبهاولجمالها ولدينها فاظفر بذات الدين تربت يداك )
في صفة المرأة التي ينبغي نكاحها
الجمال المعنوي: كمال الدين والخلق فكلما كانت المرأة أدين وأكملخلقا كانت أحب إلى النفس وأسلم عاقبة فالمرأة ذات الدين قائمة بأمر الله حافظةلحقوق زوجها وفراشه وأولاده وماله، معينه له على طاعة الله تعالى، إن نسي ذكرته وإنتثاقل نشطته وإن غضب أرضته والمرأة الأدبية تتودد إلى زوجها وتحترمه ولا تتأخر عنشيء يجب أن تتقدم فيه ولا تتقدم في شيء يجب أن تتأخر فيه ولقد سئل النبي صلى الله عليه وسلم : ( أيالنساء خير؟ قال: التي تسره إذا نظر وتطيعه إذا أمر ولا تخالفه في نفسها ولاماله بما يكره ( وقال صلى الله عليه وسلم: )تزوجوا الودود الولود فإني مكاثر بكمالأنبياء، أو قال: الأمم ( فإن أمكن تحصيل امرأة يتحقق فيها جمال المنظروجمال الباطن فهذا هو الكمال والسعادة بتوفيق الله.
وايضا قال عليه الصلاة والسلام: (اذا اتاكم من ترضون دينه وخلقه فزوجوه)..
الآن نبدأ مع الاستطلاع ...
معلومات عامه
شمل الاستطلاع 9أعضاء و 11 عضوه.
العمر: الشباب 18_ منتصف العشرينات.
البنات 17 _ 21 سنة
التعليم : ثانوي _ جامعي.
الحالة الإجتماعيه : جمعيهم غير مرتبطين الا عضو واحد ( خاطب)
الأعضاء المشاركون:
barca rulez ،، الــنــمــروٌٍوٌٍوٌٍد ،، فيصل ،، الكاسر ،، راكـان العسـاف ،، مدمن بحب يوسف،، السامي كسمو الهلال،، س1 ،، س2 .
ملاحظه : س = بعض الأعضاء طلبوا عدم الإفصاح عن هوياتهم ..
الأسئلة اللتي طرحت عليهم...
1\ماهي الصفات الشكليه اللتي ترغبها في زوجتك\ ترغبينها في زوجك؟
2\ماهي الطبائع اوالأخلاق اللتي ترغبها في زوجتك\ ترغبينها في زوجك؟
3\المؤهل الدراسي؟
4\اذكر\ي شخصيه معروفه سواء تاريخيه او من وقتنا الحالي تتمنى انتكون زوجتك مثلها \تتمنين ان يكون زوجك مثله؟ مع ذكر الأسباب؟
نتائج الإستطلاع ..
(تم الترتيب بناءا على الأكثرية)
الصفات الشكلية اللتي اتفق عليها الشباب وكذلك البنات ..
الطبائع والأخلاق اللتي اتفق عليها الشباب وكذلك البنات ..
المؤهل الدراسي المطلوب في شريك\ة الحياة ..
ملاحظه..
العدد بين القوسين يمثل عدد الأعضاء ..
الشخصية المرغوب ان يكون النصف الآخر شبيها له:
من غرائب الاجابات
فيصل..
تكون طبائعها وعادتها وتقاليدها مثل عائلتنا ولا تختلف ..!
عشان مايصير فيه هواش كل يومين
اجل الله يعينك... التقاليد مقدور عليه لكن الطبايع صعبه،،، اذا الأخوات يختلفن بطبايعهن وشلون بتلقى وحده طبايعه مثل اهلك!!!
proud soul
الطبائع والاخلاق:ابغاه وهو صغير كان صايع عشان يوم يتزوج يكون خلاص مايبغى غير زوجته
تفكيييير رهيييييب ،، شكلي بامشي عليه ،،، عاد انت المسؤولة عن النتايج..خخخـ
b l u e
ومش مشكله لو يكون ماصل أحيانا عشان لين انقهرت
منه أعيره الماصل << بالله ذي وجه زواج ..؟!!
و أبيه إذا غلطت أو سويت شيما يحبه يحسسني إني غلطانه
و إذا سويت شي حلو ( أكل ) يحسسني بعد اني فنـانه ..
من ناحية التعيير عادي عيريه لو هو موب ماصل<< ناويه اخرب بيت البنت
اما الغلط فلا توصين حريص مافيه رجل بيمشي لزوجته الغلط،،، اما الشي الزين احلمي انه يمدحك فيه..
حلمنا الوردي..
اسنانه حلوهـ،موب اصلع
الأصلع تنبلع،،بس اسنانه حلوه اول مره اسمع بهالشرط...الله يصلحك نبهتينا على اشياء وحنا موب ناقصين..
راكان العساف..
اريـدهـا مثل الحور العـيـن
على رسلك...اطلب شي معقوول،، والله اخاف تنصدم بالواقع اذا هذا شرطك.
سفيــرة منتدى القنـاص
شعـره أسود وفلافل ولونالعيـون سوده متوسطـة الكبر
يكون طولــه 166 وزنـه 5 6
يكره الدبلوماسية
ماشاء الله مفصلته تفصيل..
اما يكره الدبلوماسيه،،،شي عجييب
مدمن بحب يوسف..
تراعي حق زوجها واهله
اسمح لي اقولك ان اهل الزوج مالهم حق على الزوجة ،، اذا هي برتهم ووصلتهم فهذا كرم وفضل منها يعني غير ملزومة بذلك..
س..
حبذا تكون هلاليه
هاااه.. متعصب حتى بالزواج..
أجودية
في عيونه غموض مايفهمه غيري
شررررط خرافي،،، مانتب هينه ..
السامي كسمو الهلال!!
ان تسمعالكلام ( لاتكون عنيدة ) لاننا بنتصادم كثير,,
فيصل
ماتعاندني في اي شئ اقوله ..
يعني تسمع كلامي ..
يعني وشلون؟ تبون وحده ما تناقش ابدا !!
ما ادري احس بتصير الحياة ماله طعم بدون نقاشات حتى وان كانت حاده...مثل مايقولون (المشاكل ملح الحياة)...ياليت توضحون معنى او حدود الطاعه لديكم..
إجابات مهويه :
الــنــمــروٌٍوٌٍوٌٍد..
أبيها تصير طويله لأني ما أحب إني أمشي أنا وياها تقولين رقم 15ابي نكون انا وياها 11
أهم شي ماتصير ملقوفه<= مافيهأمل تلقى سعوديه اوب ملقوفه
ترا عآ‘دي تقولين إسمييمكن وحده تشوف إجابتيوتصير نفس طلباتيوتجي هي وأمها وتخطبنيوأنا أعض إصبعي وموافق بس مستحي اقول ايه موافق<= مهوي
يالله يابنات اللي تلقى نفسه بهالمواصفات ترسلي على الخاص عشان اخطب له النمرووود<<<<بس ترى لي السعي بالخطبه..خخخـ
b l u e
ومافيه مانع ان ذوقـ‘ـه يكون غير ذوقي في بعض الأشياء
عشان اذا اختلفنا نتهاوششوي.. ونرجع نتصالح
وبعدين يقولي : أحبـ‘ـك ..
أقول : أنا أكثر .. : $
و يقول : لا أنا أكثر : $
وانا أقول تكفى لا يكثر << بسم الله علي رومنسيه
وبعدين نقعد نغني ..:
" اختلفنا مين يحب الثاني أكثر
واتفقنا انك أكثر وأنا أكثر .. " : $
<< بيلسان الله ياخذ بليسك وش ذا خقيت على انا وزوجي
وش ذنبي وانا قايلتلك تهاوشي معه..
ودي بجامعي
بس لو جاني زبال بنفسالمواصفات اللي فوق ما أقول لأ..!
<< تبي تتزوج باللي هي به
عادي انا كنت مثلك يوم اني نونو بس الحين تغيرت النظره وكل ما له تذهب الى ان الزواج موب ضروري<< ما ملوا عينه الرجال..
همسة في اذن البنات والشباب...
v إنك تسب زوجتك اذا امتدحت امرأة أخرى امامها،،،
v قال عبدالله بن جعفر ‘‘رحمه الله‘‘ لابنته :
يا بنيه إياك والغيرة فإنها مفتاح الطلاق ، وإياك والمعاتبه فإنها تورث الضغينة ، وعليك بالزينة واعلمي ان ازين الزينة الكحل وأطيب الطيب الماء..
فوائد الإستطلاع بالنسبه لي ..
بما اني عاطله حوالي سنة ونصف وانا ادور وظيفه ،،، لقيت لي شغله امشي نفسي به لين القى وظيفه اللي ماظنتي باحصله..المهم هالوظيفة هي خطابه بس على مستوى منتدى القتاص،، والفضل بعد الله لإكتشاف هذه الشغله هم الاعضاء اللي شاركوا ..وهم:
س
وان لقيتي مثلها بعطيتس حق الخطبه
سفيــرة منتدى القنـاص
وكان عندتس عريس بهالمواصفات درعميه علي
الله لا يهينتــس..
فعاد انا دخلت مزاجي هالشغله ويابخت من وفق راسين بالحلال..فاللي يبين اخطب له يرسل مواصفاته ومواصفات الطرف الآخر على الخاص ويبشر بسعده...
اتمنى ان اكون وفقت لوضع تصور بسيط عن ماذا يريد كلا الجنسين من الآخر..
واعذروني على التقصير،، فهذا ما استطعت عمله..
الآن اريد من بقية الأعضاء المشاركة في الإستطلاع وذلك بالإجابة على الأسئلة المطروحه..
ولا انسى ان اشكر كلا من..المزن الهلالي لمساعدتها..وقمر الهلال(مشرفة منتدى الجمهور الهلالي) لمساعدتها بعمل الجداول..
المزن الهلالي & قمر الهلال CC
برايفت لاحظتوا الإنفصام ..مره فصيح ومره عامي..مشوه لي
‘‘دمتم بود‘‘