السلام عليكم و الرحمه
كلنا نعرف أن الإنسان لابد أنه يعبر عن ما بدخله من ./مشاعر/.
غضب أو حب أو حزن أو حتى فرااغ .. !
وهذا مو عيب ولا خطأ
ولكن طريقه التعبير عن الأحاسيس تختلف من إنسان للآخر ..
ناس تكتب شعر و تفضفض وناس ترسم و تعبّر و ناس تغني وناس تكلم بالجوال خخخخـ !
و عندك ناس ما تحلا لهم الفضفضة إلا في شوارع الرياض
شوراع تحملت الكثير ..!
عانقت خربشات .. ،
ضمت حفريات ..
اندمجت مع إزعاج شباب فاضين .. ،
في ليله خميس زهقانين .. !
× BBP
هنا نقف أمام قضيه منسيه أو حتى أصبحت عاديه
لربما بسبب تجاهل المسؤلين عنها وعدم معاجلتها جعلت منها عاده طبيعيه ..
أصبحت هذه الخربشات معلماً من معالم مدينه الرياض .. !
فمن النادر جداً جداً أن تدخل حي من أحياء العاصمةدون ان تواجه
إحدى الكتابات .. و خاصة عند المدارس و أماكن التجمعات الشبابية
بل وأحياناً تستغرب عدم وجودها ..
/
والظاهر والله اعلم ان نص اللي يكتبون على جدراننا من جماهير خالد خخخـ
< - طراها ان كل حي لازم تلقى فيه مخاوي الليل
ابي افهم بس وش الهدف من رقم لوحتك؟؟
والقهر مهيب مميزه بعد يومك ترززها
وأحياناً تكون معبره عن إعجاب بلاعب أو فريق كره قدم ..
هل هذه الوسيلة الصحيحة للتعبير !
الله يصلحكم أكثر ما كثر الله في هالديرة الجرايد .. اكتب اللي في خاطرك و أرسله فاكس .. !
مع العلم أن الأذية تطال أصحاب البيوت التي جنب المدارس و تجمعات المراهقين ..
متجاوزه تشويه المدينة وجمالها ..
/
/
/
فهل هو باعتقادهم فضفضه !!
أم مشاركه للمشاعر؟!
تستوقفني أحياناً عبارات خادشه للحياء .. !
فقد تعدى الأمر الأسماء و أبيات الشعر .. !
وقد حاولت الجهات المختصة بمعالجه الأمر بـ طمس هذه الكتابات ..
ولكن ما فائدة أن تطمس كلمه و في نفس الوقت تكتب ثلاث كلمات في حي آخر .. !!
القصد أنهم لا يعالجون الكاتب .. بل يعالجون الكتابة .. !!
:
أعتقد أنالعلاج لا يقـف على معاقبه مشوهي جـدران مدينتنا فقــط .. !!
بل يقف على توعيتهـم صغاراً..
ومن لأهل قبل المـدارس ..
أتمنـى من حكومــتنا إيجاد حل للكـف من هذه الظاهرة ..
وكما تعاملت معها الـدول المتقدمــةبـوضع جدران خاصــةتبنى لهذا الغرض ..
لـ يخـرج الشبــاب طاقاتهم المكبوتــة .. أو حتى مواهبهــم على هذا الجـدار ..
دون أن يتــأذى غيرهـم .. ودون المـس بـ جماليات المدينــة ..
لان أحياناً يصير الخط يجنن مره ، حتى العبارة أحياناً تكون حلوه
بس هذا مو مكانها 
** فيه فكره في راسي : 
لو يستغلون هـ المواهب ويخلونهم يرسمون أشياء حلوه تكون مثل المناظر الجمالية ..
ولا لازم يصير عندنا بحر يعني !!، وش زود جده عن الرياض ؟
< - طراها دوّارات جده والمجسمات اللي فيها و الرياض مسكتينهم بكوبري بلاطه
زي بلاط مسبحنا .. !
’ ْ ‘ ْ ’
سـ : كم من مره عدلوا في ممشى مدينه الملك فهد الطبية .. !
تجي شركه الاتصالات و تحفر في المكان الفلاني ..
بغاية مد أسلاك و خطوط هاتفيه ..!
يمشي الحال و يحفرون و يوصلون و بدفنون في النهايه يرصفون ..
تجي شركه الوشسمه و تقول ما مددنا مواصيرنا " جمع ماصوره "
و يحفرون ثاني مره و يمددون اشياءهم همن يدفنون و يرصفون ..
احم .. تجي الكل بالكل شركه المياه < - الظاهر كذا اسمها
وش زودها بعد تبي تحفر ما بقى إلا هي ما حفرت ..!
ويحفرون و يمددون و يدفنون و أخيراً يرصفون ..
وكل يوم طالعين لنا بـ صرفه و لوحه جديدة ..
الشي الوحيد اللي ما يتغير ابد لوحه"نأسف لإزعاجكم"..!
ولا إزعاج ولا شي 
الوكاد انك تقعد شهر و ذا الحفريات تدفن و تحفر من جديد .. !
طيب صلحوا أغراضكم و حفرياتكم مره وحده و قضينا ، أوفر جهد و وقت و بلاط .. !
كله كوم و شارع الثلاثين كوم ثاني ..
اجل يضيقون على خلق اللـه و يخلون شارع رايح جاي صغنون .. !
بحجه أنهم بـ يوسعون الأرصفة كود يطلعون الناس يمشون ..
المشكلة ما عندك احد ..
يبون الناس تمشي و السيارات الكبيرة " سكاليد ، جي إم سي ، لاند كروزر .... الخ "
ما تقوى تسوي يو تيرن من صغر شارعكم .. ! 
:
للأسف ما عندنا ناس تخطط الشوارع زي الناس ..!
ولا فيه خطط مدروسة تطبق
< - انتم من عقب كاس العالم وانتم تسمعون بالخطط المدروسة
مار يوم أنهم كل شهرين يحفرون و يزفلتون شوارعنا ثاني مره
ورى ما حطوا مواصير تصريف مويه المطر .. !
عشان ما يتوهقون إلا جاهم سيل
ويصير زحمة شوارع و مويـه وصخه 
< - طراها مطر هـ الأيام
... ودمتـ‘ـم ...