قوه شخباركم اكيد زينين دامني معاكم بالمنتدى المهم في يوم من الأيام وقديم الزمان وسالف العصر والأوان ( اللي يسمعج الحين يقول قبل مية سنه ) المهم كنت شانه حرب علي داري واعمل لها نظافه شامله طبعا هذا العمل من معجزات الدنيا السبع :: المهم وفجئه وانا انظف الدرج مالي طاحت ورقه منه قدييييييييييييييييييييييييييييييييييييييييييي مه ،لاحظوا المد في الياء تعبر عن قدم الورقه وعليها غبار وقمت أكح من الغبار كح كح حلو حلو حق نفسي ، وبعدين قعدت انظف الورقه واشيل الغبار عنها جان تطلع الورقه شهادة الميلاد حق عنتر بن شداد p10 وخز فيها . واقول امبيييه والله صج عنتر طلع جدي المليون وناااسه وقمت اناقز من الفرحه عنتر جدي عنتر جدي لا مو مصدقه انا حفيدة عنتر الشجاع الفارس البطل القومي الهمام الحسام . ( شرايكم بالتعبير فله المهم ماقطع عليكم السالفه ) وين وصلنا ايه .. وبعدين وانا اناقز ولا الخدامه واقفه علي راسي وتقول شنو فيه قرقر واجد وصوت مال انتا يوصل اخر الشارع يسوي ازعاج حق رفيق مال انا قلت شنو؟؟ ماكنت منتبها لها من الفرحه قالت لا لا ماكو شي قولي شنو فيه ماما ( عشتوا تقولي ماما مع انها موجوده عندنا من انا بالروضه ) جان اقولها ميري ميري .( لحظه ترى خدامتنا مو اسمها ميري بس اقول جذي قدامكم يعني كشخه ولا اهي اسمها رميجه ) المهم ميري مادريتي انا حفيدة عنتر واااااااااااااي وناااسه قالت صج ماما شلون انتا يعرف : قلت لها هذي الورقه اقريها بعدين خذت الورقه مني وتطالع فيها شوي وتخزني تقول ماما انتي كم سنه يدرس في مدرسه ؟؟ قلت ليش !!؟؟ جان تقول ميري الحمدالله والشكر انتا خربوطي مايعرف يقراء ياخساره تعب بابا وماما مال انتا كل يوم يقعد صبح يودي انتا حق مدرسه طاح حظ مال انتي من بنيه فشلتينا اخذي اقري عدل ماما مالت عليج عاد انا وقتها قامت تظرب عندي استفهامات ؟؟؟؟؟؟؟؟؟ وتعجب !!!!!!!!!!!! من كلامها واقول جنها هزئتني . واخذ الورقه ولا تطلع مذكراتي ايام الثانويه الحين والله وهقه شلون ارقع حق عمري شقول حق الخدامه امبيييه مو حلوه اطلع جدامها ماعرف اقراء جان اقولها ميري شفيج كنت اجذب عليج انا ادري شنو في الورقه بس حبيت اعرف انتي تعرفين تقرين عربي أو لا جان تطالع فيني وتجي وتطبطب علي ظهري ( حلوه تطبطب طبطب و دلع نانسي مو ميري ههه لازم اختصر في الضحكه عشان الحجي واايد ) المهم وتقول ماما انا مو خبله سيم سيم انتا جين روح دور غير انا سوي جذب عليه زين يالله انا يبي يرووح كمل شغل احسن مايقعد عند وحدة مينونه وتطلع وانا ودي الارض تنشق وتبلعني من الإحراج ويهي قام يعطي اشارات واللوان بس انتم لاتصدقون انا اعرف اقراء بس كنت توني قاعدة من النوم والبارح سهرانه علي مسلسل تاريخي يعني متأثره منه و من جذي ماركزت عدل علي الورقه .. ماعلينا تبون تعرفون شنو في الورقه .. ( يعني مؤدبه اخذ اذن منكم ) هااه تبون ولا لا شنو مو سامعه تبوون زين زين لاتصارخوون سمعت . المهم بعد ما صحيت من الصدمه قعدت اقراء في الورقه جان اضحك وأكركر وأقهقه بصوت عالي . ( طبعا الحين تقولون اخلصي قولي اللي في الورقه زين ) هذي الله يسلمكم قصه لي وانا في مرحلة الثانوية المهم كاتبه فيها التاريخ 0 / 0 / 0000 م صباح يوم ....... استيقظت مبكراً ( ياسلام علي اللغة العربيه الفصحى أبدع فيها ههه ) لذهاب للمدرسه وارتديت ملابسي كالعاده دون مساعده من أمي وتناولت الفطور عبارة عن بيضة مسلوق وقطعة من الرغيف و قليل من الزيتون الاسود محشي بقطع من الجزر وكاس من عصير البرتقال تااازه وانا اتناول الفطوور أتت الخادمه وهي تحمل معها حقيبة الأكل كي أخذها معي للمدرسه فرفضت وقلت امي انني لقد كبرت علي ان اخذ معي اكل للمدرسه ، فصفعتني وقالت جب خذي معكي الطعام وانتي لا ترين الطريق هل سمعتي ، فقلت نعم نعم يا امي سمعت . وذهبت للمدرسه وانا منحرجه من رفيجاتي ماذا اقول لهن اذا لاحظن اني اجلب معي طعامي ولا اشتري من المقصف ياااااللفشله منهن ووصلت الى المدرسه ودخلت ووقفت في الطابور ومن ثما دخلت لصف ووضعت إغراضي في الدرج لكي لا احد يراها وبعد بضعتاً من الوقت رن جرس الفرصه وهنا توهقت اكثر ماذا افعل الان كيف اخرج أكلي ولا احد يحس بي ياااإلاهي ماذا افعل وجلست أفكر ماذا ماذا افعل تشجعي يا ؟؟ ( هني اذكر اسمي الصجي يعني مايصير اقوله انا بختار لكم اسم مستعار شرايكم في مخاوية الليل هذا لقبي عند رفيجاتي بالمدرسه حلو ) وهنا خطرت علي بالي فكره قلت حق الابله انني لقد نسيت مصروفي بالصف واريد ان اذهب لي احضره واشتري من المقصف فقالت حسناً حسناً اذهبي فركضت بسرعة البرق واحضرت الطعام وذهبت عند زميلاتي فقالن لي من أين لكي بهاذا يا مخاوية الليل فقلت من المقصف فقالت احدهاً حقاً ماتقوليه فأشرت برأسي وقلت نعم وقالت الاخرى انني لم أرى هذا الطعام بالمقصف فضحكت من الوهقه وقلت بالتو لقد اتو به فقالت اها وقلت ويعاااااه فضحكنا جميعاً وهنا خرجت من المأزق بإعجوبه ولكن لم انتهي منه نهائي فغداً سوف يتضح لهن الأمر ان الطعام ليس موجود بالمقصف فماذا افعل ياترا .. وانا اقراء القصه حزنت عليها وقعدت ابجي حرام اكسر الخاطر وما كملت القصه وبعدها طالعت حوالي الا الدار عفيييييييييييييييييييييييييييييييييييييسه ويبيلها وقت وانا وراي مشوار ضروري (ادري بتقولون وين هالمشوار لاتخافون بقول بروح السوق أشتري حق العيد ادري بتقولون أي عيد عيد الاضحى بعد أي عيد صج ناس بطيئة الاستيعاب هههههههههههه) شسوي الحين مايصير اروح وخلي داري جذي عفسه انادي الخدامه لا مالي ويه اناديها عقب اللي صار شرايكم اقفل الدار و اخليها ولما ارد ارتبها وكمل لكم القصه زين .. اوكيه تامرون علي شي من السوق وانا يايه إلى اللقاء يأحبتي