بســم اللــه والحمـد والصــلاه علـى رسـول اللـه امـا بـعد :: ايـها النـاس اســمعو وعــو فـات زمـان فو وذو واتـى زمـان اللي ما يختشــو انــني وفـي هذا الشــمخ الصــارح (((الصـرح الشـامخ لا يجي ذا الملقـوف ويقـول ما تعرف تكتـب)) احـذر كـل مـن تسـول لـه نفـسه باختطـاف ورعـان خلـق اللــه ان يكـف شــره وينـهي كـره وفــره في سبيـــل اخــذ عـلى حيــن غـره قصــتنا اليــوم يا شطـار نبـداها الحيـن <<== مــوب مصـدق اللي قــاعد يقــوله السـلام عليــكم00 الــخ فـي ذلـك الصـباح الجميـل صحـتني امـي مـن الـنوم كعـادتـها بطـاسه مويـه ما قـد شفـت اكبـر مـنها في حيــاتي والغبـنه انـها تعبيـها فـل لدرجـه انـي غسـلت وجـهي ووضـيت ولـو امـي ماهيـب عنـدي تروشـت مـن ذا المويـه اللـي كبتـها عـلي ومـن ما يدور في مخيـله امـي ذا الايـام حسـب ما افـادتنا مصـادر موثـوقه انـها ناويـه تمـد بزبـوز مـن المطبـخ لغرفـتي عشـان تريـح نفسـها مـن شيـل الطاسـه كل يـوم وتسـتخدم الطـاسه في مــارب اخــرى اكـثر نفـعا منـي قمـت طبـعا غصـبن عنـي لانـي لـو حـاولت اتميـلح فالنـوم اخـف شـي ممـكن انكمـخ فيـه الشمـاعه نــزّلت قمـيص النـوم ولبــست ثيـابي <<== تحلف انه موب فنيـله وسـروال صفــراء ورتبـت شنطـتي ومـن زود البـراءه فيـني شنطـتي عليـها صـوره بابـاي وهـو يحب راس زيتونه رحـت لقيـت اخـواني وابـوي مجتمعيـن للفطـور نشبـت للشـايب قـلت يـبه انـت متقـاعد ولا عنـدك شـغل وش يصحيـك تفطـر معنـا الصـبح هامـك بطنـك لذا الدرجـه تلقيـت كمـخه بسيـطه الســبب الوحيـد في بساطتـها ان عضـلات ابـوي ما بـعد تحـركت واخـذت وضــعها الطبيــعي طالـعت في عيـونهم لقيـت كـل واحـد غمصــته في عيـنه تقــول زبـاره رمــل حتـى حسـيت انـهم فيـه امـل يقطـون بـها ويبنـون لـهم شـقق فالحـوش الاكيـد انـك ما ودك تطالـع في عيـونهم وهـم مصحصـحين كيـف عـاد وهـم توهـم صاحيـن من النـوم المـهم فكـونا منـهم بديـت افطـر وانـا عيـوني فالصحـن لسببيـن الاول انـي لـو طالـعت فيـهم ما اكلـت يوميـ،ن والثـاني انـي اصـلا لو ارفـع نظـري وارجـع اطالـع فالصحـن لقيـتهم قاضيـن عـلى مستقبـله اخـذت مصــروفي من ابـوي مبــلغا وقـدره ورحــت امشــي للمدرسـه 0 في اثــناء حثــّـي للخطـا وانـا متجـه لصـرحي التعليـمي الشـامخ وقـفت جنبـي سـياره بـنز 79 فيـها ثلاثـه <<== قسـم ماهوب يــدق فـاحد عـرفت انهـم يبـون المدرسـه من تشـخيصتهم اللـي شكـلها مقاولـه اداره التعليـم الا وهـي بنـت البكـار الراعـي الرسمـي لدشـير هـذه الامـه قالـو مشيـنا نوصـلك قـلت قدام ويـوم قدهـم رايحيـن<<==(((لازم نسـولف بلهجـه كـل القبـايل عشـان يفهمـون))) :D المـهم تفـاجأت بـهم يسـلكون طريـق اخـر غيـر طـريق المدرسـه قـلت ويـن يا ابـو قـال بنفطـر بـس ونروح تونـا بـدري ومـع رقصـاتن بسـيطه عـلى انغـام عيـسى الاحسـائي فاجأني احـدهم يـوم جاب لـي عطـر قـال تبـي تعطـر قــلت هـات يابو نسـمع بـه ونشـم ريحـته ولا نذوقـه رش علـي من هنـا وانسـدحت من هنـا وعندمـا صحيـت مـن غفـوتي خوفـني المكـان اللي انـا فيـه وهنـا بـدأت تنكشـف خطــوره الوضـع بالنسبـه لي :( بيــن كومـات مـن الزقايـر والقليـل مـن انـواع المعسـل فتحـت عيــوني ولقيـت ثلاثـه اشنـاب واقفيـن فـوق راسي بادرتهـم ببيـت شـعر عشـان ما يحسـون انـي خايـف وانـي تكانـه هـل غادر الشـعراء مـن متردمـي000 ام هـل تركـت الدار بعـد توهمـي صــكني واحـدن منـهم بـٌقسـن ارتعدت منـه فرائـصي قـال كـم رقـم ابـوك يا ورع عطيـته الرقـم وطــلع هاتـفه الموبايــلي ودق عليـه وصـار بيـنهم الحـوار التـالي الجحلـّط:سـلام عليـكم ابـوي: عليـكم السـلام مـن معـي الجحلـّط: انـت ابـوالورع ابـوي: احتمـال كبيـر <<== ملـكع ابـوي اللـه يهديـه الجحلـّط:اسـمع ولـدك رهيـنه عندنـا ولـو ما دفـعت خمسيـن الـف في ثـلاث ايـام تـرى بيــنذبـح ولـدك ابـوي:اللـه يبشـركم بالخيـر اجـل خلـوه عنـدكم وان بغيـتو مصــروفه ابشــرو بـه غيــر شـي بـس فـي هذه الاثـناء::: انطلقـت صـرخه مدويـه منـي يبـه انـا وسـط الاشـرار سيقتلــوني تفـاجأت بـرد ابـوي ما ترحـم فرقـني خشـمك بــالله انـت ولـد ادمـي انــت ووجــهك الظــاهر انـنا رميـنا ولـدنا فالزبــاله ونسيــنا رضــاعته وانـت اللـي كبـرت والورع طـاح فالزبـاله اجـل فيـه ابـو ما يقـدر يفـرق بيـن اصبـع رجـله الكبيـر ووجـه وولــده الخـلا وقفـل السـماعه قفـلت مـع العرابـجه يـوم اخـذنا شـوي جاتهـم رسـاله مـن ابـوي مكــتوب فيـها ان الولـد اللذي خطفـته غيـر صحيـح فضـلا تـاكد مـن الولـد الصحيــح وشكــرا برضـو قفـلت معـهم زيـاده وحســو انـهم فعـلا بلشـو بـي ولا يقـدرون يفكـوني قـالو خلـوه يمكـن ابـوه يمـزح وماهـو مصـدق فاليـل اذا فقـد ولـده بنـدق عليـه مـره ثانيـه اسـتاذنت من الشبــاب واخـذت لـي غطــّـه ليـن المغـرب يـوم صحيـت رجعـو اتصـلو عـلى ابـوي الجحلـّط:الـو سـلأام ابـوي:هـلا عليـكم اخلـص عنـدي شـغل الجحلـّط: هـاه ما ودكـ تدفـع الفـلوس وتفـك ولـدك ابـوي: انسـى المــوضوع ولا عليـك مـن الولد بشـرني عنـك بـس <<== قـالها ضاحكـا :D الجحلـّط: ياخـوي طيـب ننـزل لـك فالسـعر عشـر الاف طيـب ابـوي: اخبـار علـوم الجحلـّط: طيـب عطـنا حـق البنـزين واخـذه ابـوي: يجيـب اللـه مطـر توصـون شـي وقفـل السمـاعه في وجـههم بـعد :( رجـعو علـ] انا وصفـقوني قـالو ياخـوي ذا ابـو والا شــغاله ما يبـي يدفـع فيـك حتـى خمسيـن ريـال واللــه لـو انـك ســواقـه ليـدفع فيـك عـلى الاقـل حـق اقـامه وقـعدو يصفقـوني ليـن انسـدحت :( قـمت السـاعه 12 ليـلا وهـم يتصـلون عـلى خويـهم يبـونه يجـي يكـمل لـهم رابـع بـس ط،ـلـع مشـغول جانـي كبـريهم اللـذي علمـهم الخطـف قـال تعـرف تلعـب بــلوت يابـو قـلت ايـه قـال تعـال العـب مـعي طبـعا بـعد محــاولات اني الـعب مـع اضـعف واحـد فيـهم عشـان يقـل ضــرره اذا اخطيـت فاللعـب باءت محـاولاتـي بالفشــل ولعبــت مـع المشــرف حقــهم عـاد المشـرف ذا من نفـٍس النوعيـه اللي قـالها سـعيد صـالح عضــلات بــس وانـا ذكـاء يـعني اذا صـارت هوشـه انـا اكـون ضعــيف وهـو يكـون حمــار ((( الله يكـرم القارئـين الافاضـل))) لـعبت مـعه وحقــقنا الانتصـار بـعد الاخـر ليـن صـار يقـدرني <<== لاحد يقـرى غلـط ;) وشــاركت مـعه في دوري محترفيـن العرابـجه للبـلوت ARBJ اللــي جوائـزها تصـل الـى ستيـن زقـاره حشيـِش وبـعد العـديد مـن البطـولات والمشـاركات وفـي خضـم تعـودي عـلى الجـو العربجـي المقـلع البـعيد عـن عـفن المـدن والقريـب مـن عفـن البلديـه جانـي ذاك العربـجي بوجـه لـم اعهدهـ عليـه ابـدا وقـال لـي لقـد اعتقـتك لـوجه اللــه :eek: انفـجعت قـلت يـابو عـدّل بـدّل قـال جـاك هـرج الصحيـح وراح هـرج المزوحـي وودعتــه وقــد وعدتـه ان لا اصــبئ عـن ملــه العرابـجه ما حيــيـت رحـت للبيـت بـعد انقطـاع دام ثـلاثه اشــهر لقيــتهم كـلهم نايميـن ولقــيت الشــايب مستغـل غرفــتي وحاطـن فيــها علــف البقــره ;) توجـهت الى غرفـه اخـي ويـوم طــلعت الشمـس جيـت لقيـتهم يفطـرون قبــلت رأس ابـي وانـا في خاطـري افقـعه قـال ايـه انـا داري ان مصيــرهم ناطليــنك عـلي بادرتـه بنظـره صامتـه وقبــلت رأس امـي وودعتــهم قــالو ويـن بتـروح قــلت انـا ذاهـب للجـهاد في سبيـل اللـه ما امـداني اكمـل الســالفه مـدري وش صـار بـعدها الاكيـد انـي اكـتب هـذه الكلـمات وانـا في مستشـفى الشميســي بالريــاض وراسـي عليـه شــاش وش الســالفه الللـه اعلــم هـذا وصـلى اللـه وســلم ما يســــــــــــــــتفـاد مـن الموضـوع:::::: 1= تـرانـي اضـحك عليـكم مـاصار شـي<<>== اخـس عـاد ياللـي صدقـوك