كفيت ووفيت يا ارمي السهامـ
خذ هالموقف اللي صار لي وابيكم كلكم تحكمون
.................................................. .......................................
في احد المقاهيـ المكشوفه على المول كنت اشرب قهوتي من تحت نقابي
ولاحظت ان بالطاوله اللي جمبي وحده كاشفه نتظر لي بخبث او ما ادري وش اسميه
جلست فنجالي وناظرتها وقلت فيه شي؟؟
ضحكت: لا سلامتك
صديت عنها وبعد دقايق التفت والاقيها للحين نتاظر
انا ولعت وقلت الاخت مضيعه شي بوجهي
_اصلا وينه وجهك لاضيع فيه شي
_وشقصدك انتي الحين
_بدي اسالك انتي سعوديه؟
_قلت لا من دار بو متعب هاها>>اتميصل
_اكيد انتي من قريه ما؟
_ليش تشمين ريحة بقل؟
_لا انّو عبايتك اااااااممممممممممممم مش منيحه متل عباية تيته>>وتضحك
_ماشالله جدتك فيها الخير والله تتغطى
_لا بس بالعادهـ السعوديات احلى من هيك كتير
_ماشفتي وجهي ..والجمال جمال الروح
_انا بتذكر زمان اول ماجينا من فلسطين كانوا السعوديات محتشمات شوي
لكن هلأ ماعاد شفنا سعوديه متغطيه
_فلسطينيه؟؟وشكلك كذا؟؟ باين انو مشكلتكم مأثرهـ عليك
_من عاشر قوم.. وبعدين البركه فيكم ياعرب!!
_ العرب يحكمهم رؤساء وحكماء واذا علينا حنا مانقصر بالدعاء
_انتو اصلا مش حاسين فينا كل يوم يتيتم منا ملايين وانتوا بالنعيم
_وانتي وش مكبر شدوقك الا نعيمنا وبعدين حاسدتنا؟؟
وبعدين حدك عاد من شايفه نفسك انتي
لاتذبين بلاك على غيرك استري نفسك والحجاب ماقرر والله على بنات القرى
او الناس اللي ماتطوروا
الحجاب على المسلمات واجب <وليدنين عليهن من جلابيبهن>
_ماشالله وحافظه القرآن بعد
_ياليتي حافظته كله ابرك من مقابل وجهك
_طول عمركم بتكرهوننا يالسعوديين
_اتقي الله يابنت حرام عليك والله لو حنا نكرهكم ليه ندعيلكم طول رمضان بالتراويح والقيام
وليه ندعيلكم بوترنا وبالجمعه والاعياد
(اللهم انصر الاسلام والمسلمين واذل الشرك والمشركين ودمر اعداء الدين)
_لو فيكم خير تعالو وحاربو معنا
انا مادري وش ارد عليه قلت له
_وانتم ليه ماجلستوا تحاربون
تدرون وش سوت؟؟؟؟؟؟؟؟؟؟؟؟؟؟؟؟
كبت فنجالها على نقابي
بالله تعليقكم على هالموقف
والله هالموضوع صاير له سنه تقريبا وللحين حرهـ بقلبي