هلا بابو العنود.. أقتباسومبروك فوز الزعيم اليوم على الطائي ومن فوز الى فوز بإذنه تعالى...!! الله يبارك فيك وعقبال الآسيوية المثال الأول وهو الجمهرة.. مرة كنت ماشي في طريق مكة والقى ذيك الزحمة اللي تعتبر الزحمة الأولى لهذا الطريق من سنين وماخبرت اني قد شفت مثلها.. انا قلت يمكن تفتيش أو حادث وطلع حادث الله يكفينا الشر.. المهم الزحمة كانت كبيرة لدرجة اننا أخذنا ربع ساعة نمشي نحتري الناس يحرّكون..!! يوم انتهت الربع ساعة واناظر وش صاير واثر الناس يتفرجون على واحد خش وطلع من الرصيف معه الاسعاف والدوريات والعالم تتفرج والأدهى من هذا ان الناس واقفة ومطفية سياراتها وسادة الطريق ويتفرجون..!! هذا غير السيد الثاني اللي موقفين فيه ومتجمهرين يشوفون المهرجان الكبير واللي ينزل من السيارة والدوريات تتفرج..!! الجمهرة في التفحيط والحوادث نعاني منها للأسف يعني شفت حادث وبعدين؟ ياتنقذ المصدوم ياتحرّك وتخلي غيرك يتحرك يعني مو معقولة انا صايم بقعد احتريهم يحركون وأذان المغرب قريب..!! أقتباس3- هذي عااد مالها طب ابد...!! وهي ما نرااه من صغاار العقول ومن الإمعااات الذين يتبعون كل فعل او حركة مشينة من الغرب ويقومون بها عندنا وهذا ما حصل من بعض الجماهير في بعض المبارياات ونزولهم ارض الملعب وكان اخرها اليوم في مبااراة الهلال والطائي وما قام به احد الجماهير ..!! عاد يابو العنود لو تلاحظ اللي يصير في مباريات الهلال شيء مايضر يعني لاعب يدخل يسلم على لاعب ويطلع صحيح يعطّل اللعب لكن أهون من اللي يطب وهو عريان أو يطب ويطق لاعب ويفرك الا في مباراة الفيصلي المشجع اللي دخل وقام يمروح بالعسكري لين طاح هذولي عساكر مدربين بالله؟ وبأي حق يضربون المشجع؟ في أوربا لما يدخل مشجع يمسكون رجال الأمن بكل حضارية ويطلعونه برا الملعب ولا يمدون يدينهم عليه واستثني الأرجنتين لأن مبارياتهم دائما فيها تسجيل للوفيات الله لايبلانا يعني عقب كل مباراة يكتبون المصابين والجرحى خخخخخخخخخخخخ وماتلاحظ يابو العنود ان اللي يدخلون في ملاعب سياجها قصير؟ في الرياض قليل جدا تصير وآخرها قبل سنتين مع المشجع النصراوي اللي انبرش في مرمى الدعيع لكن رجال الأمن تعاملهم مع الجمهور للأسف متخلف جدا يعني مدري ليه هالاستحقار للجماهير..!! رامي السهام موضوع شيّق ومفيد للي يعتبر عوافي BBP