أقتباس 5 / موقف أو حدث صار لك في رمضان وما تنساه ..؟؟ * وخذ هالموقف برمضان اللي راح كنت رايح للكليه ومتاخر شوي والدكتور اقشر بعد المهم وصلت بسلامتي للكليه وادخل المواقف والا هي انواع الزحمه والقى موقف مكتوب عليها موقف طولي انا دخلت عرض وخليته عرضي خشيت المحاضره وحظرنا وتراسلنا بلوتوث كالعاده وبعد ماطلعت تقريبا قبل العصر بشوي اجي للسياره واناظر الا الكفر مكلبش بحديده صفراء كبر الكفر ومخالفه بعد ملزقه على القزازه المهم اني ماقدرت امشي بالسياره بسبة هالحديده واطق تأشيره واركب لموزين .. وخليت سيارتي بالمواقف وقلت من الصبح افلح . واروح من باتسر لشعبه شرطه الجامعه وادخل وين اللي كلبش سيارتي مايستحي على وجه شين وقوي عين المفروض انا استحي على وجهي مخالف قلت لهم طيب حطو المخالفه وبس اجل تلطعوني مامعي سياره ولا شي هذا استهترا براحه الطالب الجامعي المهم قال واحد البلاغ جاينا من المسؤل قلت وين مسؤلكم هذا .. وادخل عليه متحمس شوي والا كن مكبوب على وجهي مويه طلع المسؤل جارنا وانا مدري بيني وبينكم ضاع وجهي .. قال لوني داري كان ماسويت لك شي قلت المهم عدت هي . ومن عقب هالسالفه وانا ادخل الموقف اللي ابيه محد يقولي لا مايردني الا مواقف الدكاتره صارت المواقف محوووسه لقاء حلو اوي اوي بانتظار بكره عــــــــــوافي ابو ريان BBP :