حياك الله اختي عموشه .. حيا الله الغالية حيا الله اللي شهادتها فيني مجروحة والحين خليني اجاوبك على الاسئلة : 1.عشقك للهلال كان بالوراثه يعني عايلتكم كلها هلاليه والا مثلنا انا وغايه هلاليين وابوي اهلاوي واخوي اتحادي ؟؟ لا والله مو بالوراثة .. عشقي للهلال .. لاني ولدت على الفطرة 2. اول قصيده كتبتها؟؟ واجدد قصيده ؟؟واحب قصيده لقلبك ؟؟ بصراحة لا أذكر اول قصيدة كتبتها .. يمكن اذكر اول بيت .. بس اتوقع اول قصيدة كتبتها .. كانت في عمي العزيز ابوخالد او في الهلال بصراحة ما أتذكر اجدد قصيدة .. كانت في اليوم الوطني .. ونشرتها هنا في النقاص .. أحب قصيدة لقلبي .. قد تكون قصيدة ( أمي ) وقصيدة ( عند صالات المطار ) راح أكون باذن الله ضيف أحد الايام المقبلة وراح أجاوب على كل الاسئلة باذن الله 3.لاحظت حبك للبدر فعندي سؤال لو حطيت البدر ودايم السيف في كفتي ميزان اي كفه فيهم رح ترجح ؟؟ يعني بدون لف ودوران من تحب اكثر ؟؟ شوفي .. لو حطيت خالد الفصيل وعبدالرحمن بن مساعد وسعود بن عبدالله ومنادي والسامر واسير الشوق والمتنبي وخالد المريخي بعد في كفة .. والبدر في كفة .. لرجحت ( عندي ) كفة البدر 4. سؤالي الاخير .. في كل انسان صفه شينه يمكن ما يعترف فيها او يمكن يحبها لانها جزء من شخصيته او يمكن يبي يتخلص منها ؟؟ ش هالصفه وهل تحبها او تبي تتخلص منها ؟؟ تابع لنفس السؤال ؟؟ تعترف بعيوبك ؟؟ شوفي .. يمكن الطيبة الزايدة والثقة الزايدة في اشخاص لا يستحقونها .. من ابرز عيوبي .. وأتمنى التخلص منها .. وهناك أيضاً عادات اتمنى التخلص منها .. مثل السهر حتى ساعات الصباح .. والتدخين هناك صفة احبها في شخصيتي .. التحدي .. كما أن ثقتي في نفسي لا حدود لها .. مشكورة اختي عموشه على هذه المداخلة .. ومنورة اللقاء