عرض مشاركة واحدة
قديم 08-10-2006, 04:08 PM   #5
المزن الهلالي
مراقبة سابقة بشبكة القناص
 
افتراضي رد: )( اللقاء الرمضــاني الخامس مع ( المزن الهلالي ) )(

هلاليه..أناعاشقتك يا ياسر

ياهلافيك
يخليك ربي النور نورك BBP


أقتباس1/ماذا يعني منتدى القناص بشكل عاام؟؟..


يعني أشياء وأشياء وأشياء كثيرة مااقدر أجملها في كم كلمة
لكني باختصرها في كلمة منتدى القناص "أسرتي الثانية "..


أقتباس2/وهل اثر بحياتك؟؟..


بكل تأكيد والأثر جميل جداً نخبة رائعة عرفتهم من خلاله،، ناس ذوق كثير تعاملت معهم صداقات رائعة كونتها هنا كلها اكيد تركت أثر ايجابي علي وعلى شخصيتي وحياتي بشكل عام ..


هلالية شرفني مروركCC
.
.
.
.


قناص(20


هلا فييك قناص (20 تسلم ياخوي على الكلام اللي قلته ..
ووبي خجلتني بكلامك اللي أتمنى اني استحقه ..


أقتباس1/موقف محرج صار لك ؟


هذا ياطويل العمر موقف بقوة انحرجت فيه كان جمعة في بيت جدتي فيه منهم القريب مرة وفيه اللي بعيد المهم ان الصالة مليانه ..وفي وحدة من الحاضرات الله يهدينا وايها ماتعوق معها الكذبة المشكلة كذب يفلق الصخر لو البزر مايصدقه وكنت انا واهلي نحكي عنها في السيارة قبل نوصل( وربي مو قصدنانحش بس غصب :(المهم هي جالسة تسولف على امي وماشاء الله مبحرة في خيالها وامي منحرجه وجهها يتقلب الوان وماعرفت تصرف عمرها ايه وايه وبس وهي فيها الضحكة وفي لحظتها انا اللي كنت اقدم الشاهي وانا انسانه ماااعرف امسك الضحكة بصراحه وخصوصا في المواقف اللي كذا تتسلط :(
خواتي ثنتين واشوفهم كل وحدة صرفت عمرها وطلعت عشان ماتتفشل عند الحريم وانا اللي توهقت
وادعي يارب ثبتني يارب يارب تعدي على خير قبل لافجرها واجيب العيد تو باقي صف مابعد خذوا والمشكلة اني ادمع لاني كاتمه الضحكة وعيوني خانتني وطوفرية البيالات تهتز وتسمع صوت قرقعه البيالات وصلت عند الحرمة وعند امي وجهي احمرودموع منزلة راسي في الارض ماابي احط عيني في عيونهم والحبيبة ريضه تسولف وانا على اعصابي ابيها تاخذ بيالتها وافتك!! وكان واضح على شكلي وامي حست بخطورة الوضع ودرت اني وصلت مرحلة بجيب العيد فيها قامت تصرف ضحكها في ذا الشنطة
المهم ماصدقت خذت امي واياها بيالاتهم وربي عداها ومافجرت ضحكتي في وجه الحرمة وربي ماكملت للحريم الباقين حطيت البيالات على طول واطلع بسرعة وحدة من عماتي جت وراي عسى ماشر وش فيك؟ قلت لا ابد مدري وش داخل في عيوني دمعت وما قدرت اشوف وكلني الحر بروح ارفع شعري مبين انها مااقتنعت بكذبي بس بكيفها وابد من ذيك اللحظة وانا برا اتنحش عنهم كني العب البزران ولو العشاء ما تعشيت خفت من الفشيلة وماقابلت اهلي عقبها الا في السيارة من جد هذاك اليوم جاني احراج مو طبيعي وخاصة اذا كنت واقف بين العالم بس يالله ربك ستر ..



أقتباس2/اقرب الاعضاء لك هنا بالموقع ؟


كلهم قريبين لقلبي


أقتباس3/ كلمه توجهينها للاعضاء خصوصا في هالشهر الفضيل ؟


الكلمة لي ولهم أتمنى نغتنم الباقي من الشهر الفضيل ويكفي مافرطنا فيه وخصوصا اانه مابقى شي على العشر الأواخر نتعوض فيها من الطاعات والله يتقبل منا ومنكم صالح الأعمال ويعينا على طاعته وشكره ..


قناص (20 :-


شكراً مرة ثانية وشرفتني بمرورك CC

المزن الهلالي غير متواجد حالياً