الغالي ابو متعب
لا تزعل علي.. لكن انا بأقول اللي في قلبي بصدق وبدون مجاملة
ابو متعب... ولدك خالديني يحبك.ويقدرك.. ولكنه زعلان عليك
وغيره اكثر من 50 ألف من أبناءك السعوديين زعلانين
ليه يابو متعب كل مكرمة نكون حنا ياموضفين أرامكو غير مستفيدين منها؟؟؟
يعني حنا مو عيالك؟؟؟
والا ما نخدم الوطن من خلال شركة حكومية رائدة لها اسمها على المستوى الدولي... وبجهودي وجهود اخواني موضفي الشركة جعلناها أفضل شركة بترول في العالم لمدة 16 عام على التوالي؟؟
ليه ما استفدنا من الـ 15%؟؟؟
ليه مانستفيد من الإجازات زينا زي موضفين الدولة؟؟؟
ليه حنا برغم كل حقوقنا المسلوبة محسودين ؟؟؟؟
والله زعلان يابو متعب
ليه تخليهم يستغلوننا ولايعطونا حقوقنا كمواطنين سعوديين بحسب أوامرك
أعرف انك ماتدري.. وأدري انك لو دريت مابيسرك هالشي
بس برضه حنا عيالك..
حنا عيالك ياعبدالله وتراك مسئول عنا أمام الله
لاتنسانا.. لاتنسانا