السبت 8 / 9 / 1427 هـ مساكم الله بالخير .. وقبل أن أبدا الحوار .. فيه شيء ابي أقوله من اول حلقة بس الله يقطع النسيان وهو الشكر الجزيل للمصممة المبدعة ( شرقاوية ) .. والتي قامت مشكورة بعمل تصميم وفواصل هذه اللقاءات .. فلها مني الشكر الجزيل .. والمعذرة على تأخري في هذا الشكر وتتواصل رحلتنا مع المبدعين والمبدعات .. ضيفتنا لهذا اليوم هي المبدعة .. خفيفة الظل .. المشرفة الحبوبة : b l u e مشـرفة منتدى ستديو الفن والآن نترككم مع هذا الحوار المثير للغاية .. 1 / في ثلاثة أسطر .. من أنتِ ..؟؟ أنا انسانه بلا عنوان .. أنا شاطئ بـلا بركـان << انتي ليتك تسكين والله خخخ لا الجد يعني .. : أنا انسانه أحب اللعب والوناسه و الجمـعه " اللمـه " يعنـي .. ، أحب أستهبل بكل وقت ولو اني هالأيام أحس اني صرت هاديه على غير العـاادهـ !! : \ أكره التصنع أو الرسميـات .. ، شخصيتي في الحقيقه أبد أبد ما تشابه شخصيتي بالنت هذا " برايي أنا " مدري عن اللي يشوفوني برا وبالنت .. ، أحب البيتزا والبيره << وش دخل و أحب ماما وبابا << كف بالله 2 / ماذا يعني لك شهر رمضان ...؟؟ شهـر العبـادهـ .. ما أقول عباده يعني إني ما أعبد ربي الا فيه بس كون الأعمـال تتضاعف برمضـان .. هذا الشي بحد ذاته يدفع العبد للتقرب من الله أكثر .. ، * .. أفضل شهر عنـدي .. أحس اني قريبه من ربي في رمضـان بالذات .. مدري ليه ! اممم شهر مافيه صراخ مافيه أسواق << عجوز 3 / ما هو جدولك اليومي في هذا الشهر الفضيل ..؟؟ امم هو مو جدول معين .. بس أقولك كيف في " الغالب " .. أرجع من الدوام مرات امر من عند الكمبيوتر أشيك شوي ع الموجودين اذا كان فيه أحد سنع بالماسنجر وقاعد يسولف جلست معه لو مافيه طلعت بعدها أروح أقرى قرآن .. واذا جت ع السـاعه 4 تقريبا وبديت أجوع دخلت المطبخ وقلت لأمي هاه تبون مساعـده << في الشارع الأخت !! خخخ لو كانت أمي معصبه عطتني نظره وطلعت من المطبخ .. واذا مروقه عطتني أي شي وقالت سويه .. ، بعدها أفطر .. أصلي المغرب .. / وبعدين أجلس في الصـاله .. أشوف أي شي يحطونه أهلي " طاش ، غشمشم ، الأخبـار " << تراه مرات أبوي عليه مزاج مدري وش يبي إن شاء الله لو قناة السودان جلست معهم عشان مايقولون " نسينا شكلك " .. بعد ذا الحوسه نتعشى و نروح نصلي التراويح .. ، أنـا موش كل يوم أروح أصلي معهم .. مرات أروح ومرات أجلس في البيت أطقها نومه .. وأصحى ع الساعه 2 الفجر أدرس و أكمل أشغالي .. ، واذا خلصت قعدت أقلب التلفزيون وهذا الشي نااادر نااادر جدا .. وفي الغالب أجلس ع النت و أجي أبلش خلق الله اللي هنا واحذف مواضيعهم << أشوى انك عارفه 4 / هل هناك اختلاف في جدولك في رمضان وغيره ..؟؟ أكيــ‘ــــد , في كل شي .. ، حتى مدري ليه في رمضان شوي واصير طرمـا .. << تراه اني خايفه أسب والا أقول شي وينجرح صومي 5 / موقف أو حدث صار لك في رمضان وما تنسينه ..؟؟ امممممم مدري قاعده ساعه أتذكر وماجا ببالي ولا حــااقه .. 6 / موقف صار لك وانت صغيرة مع الصوم ..؟؟ اممم هي الأحداث كثيره بس بقولك أول واحد جا على بالي يوم شفت السؤال .. أذكر مرة كنت نايمه عند بنات خالتي << قولي ساكنه المهم كان وقت الصبح تقريبا 6 أو 6 ونص .. ، طلعنـا الحديقه أنا ووحده منهم .. وبعد شوي جتنـا الثانيه معها تشيز كيك و راوخ " سيدر " عصير تفاح للي ما يعرف .. و على فكره أنصحكم فيه ترى يجنن << ورا ما تسكتين انتي المهم أنا وبنت خالتي تقوطرت سعابيلنــاا .. ونسينا كل شي نسينا اننا صايمين .. والله رحنـا وجلسنا على الطاوله وبدينـا نفرم يوم بقى شوووي من الأكل .. ووحده مننا بعد خلصت صحنها صرخت بنت خالتي قالت صايمين يا .... " مشفر " المشكله انها هي اللي جايبه الأكل ...!! قلت .. : بنات بس دامنا خربناها وش رايكم نفطر ؟ << بليس " تراه اني ما بعد خلصت صحني " - طالعتني بنت خالتي وعطتني نظره قلت .. : أمزززح تعالي ننوم بس .. 7 / ما هو اجمل وقت لديك في رمضان لقراءة القرآن ..؟؟ وقت العصـر 8 / ما هو اجمل وقت لديك في رمضان لتصفح المنتدى ..؟؟ مافيه وقت معين .. على وقت فضوتي والا اذا مريت من عند الجهاز طليت شوي و رحت .. ، 9 / برنامج أو مسلسل تتابعينه في رمضان ..؟؟ للحين مافيه شي شدني .. أشوف اللي يشوفونه أهلي << يقلع ام البر ياناس 10 / وجبة تحرصين على تواجدها في السحور ..؟؟ اممم أنا نادر ما أتسحر لو كنت في بيتنـا .. بس لين رحت للناس يحلى لي السحور .. مشان هيك أقولك آكل زي خلق الله ما أتشرط 11 / وجبة تحرصين على تواجدها في الفطور ..؟؟ الشوربه / الكنافه / الفطاير << ماخليتي شي : \ 12 / من يشدك صوته من المقرئين ..؟؟ أحب أسمع العجمي / وواحد جديد اسمه اللحيدان .. نصلي عنده التراويح مع انه بعيـ‘ـــــد .. بس الصوت يسحر وفيه بعد القطامي والدوسري .. ، 13 / وش أكثر شيء تحرصين عليه في ليالي رمضان .. وبالذات العشر الأخيرة ..؟؟ أحرص على القيــامــ .. من جد أتحسف لو ضاع علي يوم 14 / 3 عضوات تقدمين لهم الدعوة للفطور ...؟؟ عموش / شرقاويه / no way ! 15 / 3 عضوات تقدمين لهم الدعوة للسحور ..؟؟ شرانيه / حايره / عنود الغيد / سن / whale .. بس أخاف يقلبون بيتنا ديسكو .. عشان كذا أفضل انها تكون بعد رمضــان خخخ 16 / هل يوجد هناك أمور تمارسينها في غير رمضان .. ولا تمارسينها في رمضان .. ومثل ماذا ..؟؟ الأغاني .. استغفر الله أنا أسمع أغاني كثير ووالله أفكر أخفف بس للحين موب قادرهـ : \ يعني أجلس ع النت لازم أشغل أغنيه .. جمعات البنات لازم يشغلون أغاني أفتح التلفزيون مستحيل أتابع مسلسلات أحط قنوات الأغاني .. ! وبرمضان أتركهــاا .. تعرف كل شي مضاعف بهالشـهر .. BBP 17 / لماذا لا نأكل السمبوسة الا في رمضان ..؟؟ والله يمكن انتوا كذا أحنا بسم الله علينا ناكل بكل وقت 18 / ولماذا 90 % من انتاج المسلسلات العربية لا يتم الا في رمضان ..؟؟ تخلف عربي !! هذا وهم مسلمين يعني هم الأولى انهم يتركون هالأشياء ويمنعونها بقدر المستطــااع .. في هالشهر بالذات .. بس مهما قلنا يبقون العرب في تخلف << لا مأقدر علي 19 / ولماذا الشيخ السديس والشيخ الشريم محتكرين امامة الحرم في رمضان منذ سنوات ..؟؟ مدري .. بس يمكن لان امهاتهم داعين لهمـ !! 20 / ياسر القحطاني ضيف بيتكم اليوم .. وش راح تقدمين له فطور ..؟؟ أسأله الحين انت قله بلـ‘ــــو بتعزمك وش تحب تفطر وبصلح له اللي يبي بس أول شي بطلع أهلي كلهم من البيت .. ، عشان ما يستحي << ايه طيب 21 / وعزمتوه على السحور ووافق .. وش راح تقدمين له سحور ..؟؟ لا عاد موب حلا السالفه أخاف يمل مني << ملاحظ اني دخلت جو لو وافق على السحور يكون أحسن .. لاننا بنكون كلنا مابعد صمنا يعني يمدينا نسولف على كيف كيفنا << طلعوها برا قبل يخرب كل شي خخخ 22 / ثلاث لاعبين تتمنين انهم ضيوفك .. من راح تختارين ..؟؟ بيكهــاام .. كرستيانو رونالدو .. قروسو .. << يقولون انك صايمه بس كل واحد بيوم عشان ما يتطاقون علي .. 23 / هل سيكون للعمرة نصيب في جدولك في هذا الشهر ..؟؟ ليــــت أروح مكه .. ان شاء الله أقعد عند بسطه بس أروح << ماقد طبتهـا 24 / ما رأيكِ في الدراسة والدوام في رمضان ..؟؟ لو تبي الجد .. الدراسه مش بطاله في رمضان لأني أشوف طبيعة جدولي في آخر أيام رمضان اللي نكون مأجزين فيه ما أسوي شي بالوقت اللي كنت أدوام فيه قبل .. وما ننسى طبعا أن " طلب العلم " .. يعتبر نوع من أنواع الجهــاد << من جد جهــااد و الأعمال في رمضان تتضاعف << ترى ازعجتني امنا يعني كل شي بأجره ان شاء اللـــه .. ، فأشوف ان نص رمضان يكون دراسه والنص الثاني عطله .. ، والا أقول مانبي داوم << جاني زول استاذه الريض 25 / وهل انتِ مع ان الدوام يكون طبيعي في رمضان يعني من الساعات المبكرة ..؟؟ 9 او 9 ونص حلـو 26 / دعاء تحرصين على ذكره يوميا قبل الفطور ..؟؟ " اللهم اني لك صمت وعلى رزقك أفطرت .. وبعد الأكل بشوي أقول .. : : ذهب الجوع وابتلت العروق وثبت الأجر ان شاء اللــه " .. 27 / لماذا اغلب الناس لا يشترون أغراض رمضان الا في آخر يوم من شعبان ولا يشترون اغراض العيد الا في آخر يوم في رمضان ..؟؟ لأننا لو شريناها قبل بتختفي لين جا رمضـان .. وش رايك طيب باللي يشترون أغراض رمضـان بأول يوم رمضـان والسوق ما يطبووونه في رمضـان 28 / اسئلي سؤال وأجيبي عليه ..؟؟ تحبين نفسك ؟ ايه أحبني << تراه ان ماعندي أسئله 29 / اسئلي سؤال للاعضاء ..؟؟ تخيلوا اننا تجمعنا يوم في استراحه أو مكان كبير يعني مزرعه أو اي شي وكنا مع بعض مختلط .. " خيال يعني حلال " المهم وجا وقت الصـلاة .. من تحسون من الرجال يصلح يكون إمام ومن من البنات تصلح تكون إمامه .. ؟ 30 / خذي نفس عميق .. وأكتبي كلمة أخيرة ..؟؟ كل عام وانتوا بخير .. ، والحمد لله اللي بلغنا رمضــاان .. وعاده علينا بالصحه والعافيه اللهم أعنا على قيامه وصيامه .. اللهم تقبل منا ولا تردنا خائبين سبحانك اللهم وبحمدك اشهد ان لا الـه الا انت أستغفرك و أتوب اليــك .. ، \ شكرا ً هلالي ع الاستضافه وان شاء الله اني كنت ضيفه خفيفه عليكم << ايه هين CC ضيفنا ليوم الغد هو : Yasser 20 مراقب عام مقطفات من اجاباته : * أتمنــى أن أقدر أغيــر شي بهالدنيا .. * انا والحظ مانواطن بعض أبد ..!! * لخبطه طبخ ومطابخ فكني منها * ياخي ارحمونا شوي ترانا اوادم نحس <-- خنقته العبره أنتظرونا الامضاء : عين ضاء