BBP الـــــــــحلقه الســــابـ ع ـــــــه . \ بدأت على اللي أنتهت عليه أمس من دواره هند على بنتها ودقت على بنتها ورد أبوها وقال لها أنو ماراح تشوف بنتها بعد اليوم.. . بعد مارد عليها طليقها السابق راحت لفيصل وكان عنده أجتماع بالشركه دخلت عليه السكرتيره وجابت له ورقه ولما شافها أستأذن وطلع من الاجتماع وراح مكتبه وشاف هند فيه وهي متوتره وقلقه قالها:خير هند وش فيك الساعه المباركه اللي جايتنا فيها الشركه..وتقوله السالفه.فيصل:يعني ماتاب أنا اوريه وشلون يحترم عمامه.هند:فيصل وش بتسوي ترى غانم بالمستشفى.فيصل:بالمستشفى!ليش وش فيه؟الظاهر أن الجماعه خشنوا معه البارح..هند:أرسلت له ناس يطقونه..فيصل:أيه.هند:والطق جاب نتيجه عكسيه وخذا منا البنت..فيصل:طيب خليه يأخذها ترى هو بس يهددك فيها.هند:أخليها تروح معاه واذا خذها وبغته.فيصل:مجنونه أنتي في بنت بعمر ملاك متعوده على العز والدلال تروح تعيش عند واحد حافي منتف راس ماله معاشه وبالدزدزه.هند:سكتت وطلعت.. . دخلت هند على غانم وملاك بالمستشفى ملاك:يمه أنا اسفه ماقلت لك بس أبوي يحتاجني بهالفتره.هند:ماله داعي تأسفين يمه صحيح أنا مانعتك تشوفينه بس في هالفتره هو محتاجك.ملاك:صدق يمه بتخليني اورح مع ابوي أجل قولي للسايق يدز لي ملابسي وكتبي هند:وش حقه أنتي روحي معي وخذيهم وأرجعي.غانم يتدخل:لاملاك ماتروح.هند:ليش تجي تأخذ ملابسها وتمشي.غانم:ساره بتروح معاها السوق وتشري لها ملابس واللي تحتاجه.هند:وأي سوق اللي بتوديه بنتي سوق الجمعه والا البسطات.غانم:طول عمرك كذا متكبره ياهند.ملاك:خلاص يمه أبوي بيشري لي ملابس.هند:عطيني تيلفونك.ملاك:ليش يمه وش تبغين فيه.هند:خلي أبوك يشري لك واحد بداله.غانم:عطيها يابنيتي مانبي لها شيء.وتجي هند وتل شعر ملاك وتأخذها والبنت تصارخ هديني أبي أبووووي.. . بندر كان قاعد بالكفيتريا حقت الجامعه ومحزن عشان سالفه زينه يجيه صديقه سعود:أفا بندر وش فيك ليش متاضيق.يقوله بندر:سلامتك بس شوي متكدر.بعدها تهاوشو الثنين على سالفه ليش ماعلمتني أنك بتتزوج زينه هذا كلام سعود ويقوم بندر ويخليه.. . تجي رحاب وتلقى سعودي يكلم نفسه بعد بندر تقعد عنده وتتهاوش هي وياه بعد ويدق عليها بندر وتقوم وتخلي سعود وتروح لبندر.. . بندر هو ورحاب بالجامعه ويسولفون عن زينه عاد بندر يقولها أنو متضايق عشان ماقدر يخطبها من أخوها وأنو مافي وسيله الاأنو يهرب هو وياها ويتزوجون ويحطون اهلهم قدام الامر الواقع.رحاب:من جدك هالكلام أنت تقول كذا.بندر:مافي وسيله غير كذا اخوها عقدني انتي لو شايفه طريقه كلامه.رحاب:المشكله في اخوك أقنعه يخطبها لك وصدقني زينه ومساعد خلهم علي اذا جبت اخوك.بندر:صدق.رحاب:أيه بس ماتنساني على أتفاقنا.بندر:أيش؟ رحاب:توصلني الامبرطور.بندر:أبشري أوصلك لجده بعد.. . زينه هي ورحاب يسولفون بالبيت وتقولها قصت بندر وأنو شلون قلبت كيانه عاد زينه:صحيح أنتي علمتيني بس أنا التلميذ اللي غلب أستاذه.رحاب:بهذي صدقتي.. . بشار ينادي شغالاتهم أيمان وتجيه:نعــــــم شنو تبي؟بشار:هلاوالله تفضلي جلسي.تجلس:نعم.بشار:أيمان ماشفتي جرايد أمس.أيمان ممكن سؤال؟ بشار:سألي؟أنت ليش يبغا جريده أمس واليوم.بشار:عشان أعرف الاخبار.أيمان :بس أخبار أنتم ماكو كويس .بشار:قومي أذلفي...ينزل بندر من الدرج جايب له جرايد أمس سم أخوي الجرايد.بشار.وش عندك أكيد وراك حاجه.! بندر:أيه والله طلبتك.بشار:لايكون سالفه البنت اللي تحبها؟.بندر:أيه تكفى بشار.بشار:بس يابندر أنا ماني ضد زواجك بس ضد انو تتزوج هالحين قبل الوظيفه.بندر:هالحين نخطب سنهو نملك السنه اللي بعدها وبعد كذا اكون توظفت وتخرجت.بشار:خلاص.. . رحاب وزينه قاعدين في بيت زينه..يرن تيلفون رحاب:بندر..الو ..هلا..صدق والله..الله يبشرك بالخير..لاأنا ماني عندها بس أنشاء الله بعد شوي بروح لها وأخليها تكلمك بعد..أوكي..باي.. رحاب الف مبروك يازينه بشار وافق يخطبك لبندر..بس شكل زينه مو فراحنه على كل اللي سوته.رحاب:زينه ليش مو فرحانه.زينه:مدري ليس حاسه انو توي ماعرفته زين.رحاب:وش تبين بعد شاب حبوب وطيب وله مستقبل ويحبك.زينه:وأنتي تبين الامبرطور.رحاب:الامبرطور حلم يازينه..((زي ماقلت لكم واضح انو زينه تفكر بالامبرطور على الرغم من حبها لبندر)).. . فيصل أنور وين بشار.أنور: بالبورصه طال عمرك ويدق عليه ويفهمه أوامر الامبرطور وكان واضح أن الامبرطور من هوامير الاسهم.. . ضرار يدخل البيت يلقى فيه طلال يتابع التليفزيون ضرار:طلال وين هند.طلال:تلقاها فوق بغرفتها او بغرفه ملاك.يطلع فوق ويلقاها بغرفه ملاك ضرار:هند تعالي ابيك شوي.هند:خير ضرار الخير بوجهك تعالي وتطلع وتخلي ملاك اللي مسكت الجوال ودقت على أبوها.. . الامبرطور في الشركه وعنده هند تقوله اللي صار الامبرطور:غلط أكبر غلط.هند:ماقدرت أستحمله يقول عنك تاجر مخدارت..فيصل:هين أوريك فيه وينادي أنور وبشار ويقولهم أبغاكم تأدبونه وهم فاهمين طريقه الامبرطور وكلهم مع بعض سم طال عمرك وأبشر وتطلع هند ويرقصون الاثنين المهابيل ويطلعون برضو.. . هند دخلت البيت وطلعت غرفه ملاك دورتها مالقتاه وشكت أنها راحت لأبوها وتنادي عليها:مـــــــــلاك.سمعها طلال بالصاله ونادها هند وش السالفه.هند:ملاك ماني لاقيتها.ويروح طلال يسأل الحراس اللي قالوا ماشفناها ويطلع لهند اللي كانت بغرفه ملاك تفتح الدروج وتأكدت انو كتبها مو موجوده.طلال:مالقيتها.هند:أكيد راحت لأبوها مالقيت لها ولاكتاب.طلال:من سوالفك منعك لأبنتك انها تشوف ابوها خلاهاتعاند أكثر. . ملاك كانت عند أبوها ودخلت عليهم عمتها ساره وجت تبغى تأخذها وكان واضح تقرف ملاك من حالتها مدري ليش خذتها وراحت.. . بندر يحوس بالصاله ينتظر بشار اللي جواله مقفل وأنور كمان عشان الخطبه.. . أهم الاحداث: 1ـ هروووب ملاك وعودتها مره ثانيه. 2ـ اللي ناويه الامبرطور على غانم. 3ـ موافقه بشار على خطبه زينه. 4ـ هروب ملاك مررره ثانيه لبيت أبوها. أنتهـــــــــــت أتمنى أكون وفقت.. حـ سعودي ــلاها..BBP