الخميس 6 / 9 / 1427 هـ مساكم الله بالخير .. وتتواصل رحلتنا مع المبدعين والمبدعات .. ضيفتنا لهذا اليوم هي المبدعة .. والمصممة الرائعة : (( أصايل )) نترككم مع هذا الحوار الرائع .. 1 / في ثلاثة أسطر .. من أنتِ ..؟؟ قبل الإجابه عن أي سؤال ../ انا الرسميه والتنصع والتكلف مقفله عليهم من زمان وراميه المفتاح بعد ../ بجاوبكم بكل راحه وبدون رسميه ../ ابدأ ../ انا اصايل ../جيت لموقع القناص للصدفــه ../ متفائله ../ مرحــه ../ كنت حالمـــه ../ وحسبي الله على الاحلام اللي راحت .. والبركه في اللي جاي ../ ومثلي مثلكم ./ اكل ../ اشرب ../ واسبـح اهم شي السباحه عشان الوحدهـ تهتم بنفسها << احلى يالبنانيه 2 / ماذا يعني لك شهر رمضان ...؟؟ شهر رمضان . ./ شهر الرحمه ../ والمغفرهـ والعتق من النار ../ والمحروم من حرم في رمضان ../ اسأل الله عتق رقاب الجميع من النار في هذا الشهر ../ 3 / ما هو جدولك اليومي في هذا الشهر الفضيل ..؟؟ يعني تقدر تقول ../ بعد صلاة الظهر .. طبعا لازم اساعد الوالدهـ .. وطبعا لازم نتهاوش واجيب عذر واقوى نحــــــشه من المطبخ ./ اصلي العصر واقرأ قران ../ وقلبي مايخليني وارجع للوالدهـ قرب الاذان ./ ونساعد في السفرهـ وبعد ../ الفطور ناخذ لنا غفوهـ ./ وبعدها اصلي العشا والتراويح.. وعاد بعدها نسولف سوالف عائليه ../ واحب اتفرج على برامج قناة المجد لأن الواحد يضمن انه ماياخذ ولا اثم ../ وعاد لييين السحور ../ اتسحر وصلاة الفجر وقراءة قران ../ تقريبا كذا الجدول يمكن يتخللها اشياء ثانيه ../ 4 / هل هناك اختلاف في جدولك في رمضان وغيره ..؟؟ اكيييييد في اختلاف ./ رمضان غير عن كل الشهور ../ والنظام والوقت اكيد يتغير ../ 5 / موقف أو حدث صار لك في رمضان وما تنسينه ..؟؟ ماانسى موقف صار مني العام اول ايام رمضان ../ مدري وش صار فيني ../ بس اخلاقي كانت في طرف خشمي واللي يرد علي بوحده ارد عليه بعشر ../ والله لسه البارح قاعده اتذكر ../ ياربي وش صار فيني ذيك الليله ../ يعني معصبـــه بعنف ../ وجو بيت عمي وانا كنت اصلي ../ ودخلت المطبخ ولا سلمت على عمتي ../ شخطت من جنبها ولا كلمتها تناظر فيني وكأنها تقول وش فيها هالخبله ../ بس والله جد ماانسى هاليوم ../ يمكن جوع والله مدري ../ 6 / موقف صار لك وانتِ صغيرة مع الصوم ..؟؟ اتذكر موقف كانت الوالده تخليني اسوي العصير ../ وكنت اشوف امي تتذوق الاكل بطرف لسانها وعلى طول تغسل بس تشوف الملح ناقص ولا لا ../ عاد انا سألتها ليه تذوقين وانتي صايمه . ./ وكانت تقول لي عادي اللي يسوي طبخه ومو متأكد من طعمها ../ يذوقها بطرف لسانه وما يبلع ويغسل على طول ../ عاد انــــــا ما صدقت . ./ كل مااسوي عصير اشرب نص جك العصير عشان اذوق السكر كيف فيه ./ 7 / ما هو اجمل وقت لديك في رمضان لقراءة القرآن ..؟؟ قبل وبعد صلاة الفجـــــر ../ من اجمل الاوقات ./ 8 / ما هو اجمل وقت لديك في رمضان لتصفح المنتدى ..؟؟ من الساعه 11 ../ لين 3 ../ الليل افضل الاوقات ../ والمناسبه لي ../ 9 / برنامج أو مسلسل تتابعينه في رمضان ..؟؟ صراحه اعجبني برنامج في قناة المجد ../ اسمه // ذكــرى // وانشاء الله اتابعه في رمضان ../ وانصح الكل بمشاهدته ../ 10 / وجبة تحرصين على تواجدها في السحور ..؟؟ والله مافي شي معين لكن يا حبذا كبســـ ـه ../ 11 / وجبة تحرصين على تواجدها في الفطور ..؟؟ بعد مافي شي معين لكن ينشرح صـــدري لما اشوف سمبوسة الجبنــه ../ 12 / من يشدك من اصوات المقرئين ..؟؟ الشيخ مشاري العفاسي ../ والشيخ احمد العجمي ../ وشيخ ابو بكر الشاطري ../ 13 / وش أكثر شيء تحرصين عليه في ليالي رمضان .. وبالذات العشر الأخيرة ..؟؟ قراءة القران ../ والدعـــاء ../ امسك اعصابي بعد ./ 14 / 3 عضوات تقدمين لهم الدعوة للفطور ...؟؟ .. عطر الرحيل .. .. المزن الهلالي .. Italian 3mooosh 15 / 3 عضوات تقدمين لهم الدعوة للسحور ..؟؟ ..ريح المطر والهبايب .. ..Bluetooth girl.. ..سنا الهلال 16 / هل يوجد هناك أمور تمارسينها في غير رمضان .. ولا تمارسينها في رمضان .. ومثل ماذا ..؟؟ ../ اخفف المهاوشات مع العائله الكريمه وخاصة اخوي عمر الصغير ../ 17 / لماذا لا نأكل السمبوسة الا في رمضان ..؟؟ مدري ../ يمكن لأنها شغلانه في عملها ../ لو لقينا جواب ليش نشرب المويه بكاسة الجبنه ../نلقى جواب ليه ناكل السمبوسه برمضان ../ 18 / ولماذا 90 % من انتاج المسلسلات العربية لا يتم الا في رمضان ..؟؟ لأن العرب من يوم ما اعرف نفسي وهم شعب مو منظم ../ طول السنه يسرقون برامج من الغرب ../ وبرمضان مخليين المسلسلات اللي هم مسويينها ../ واصلا مسلسلات مالها داعي ./ 19 / ولماذا الشيخ السديس والشيخ الشريم محتكرين امامة الحرم في رمضان منذ سنوات ..؟؟ يمكن يكونون هم الاجدر ../ ومااقول غير الله يعز الحكومه ../ 20 / ياسر القحطاني ضيف بيتكم اليوم .. وش راح تقدمون له فطور ..؟؟ اضمن لي انه يجــي وابشر بسعدك وسعده 21 / وعزمتوه على السحور ووافق .. وش راح تقدمين له سحور ..؟؟ نفس الاجابة الاولى 22 / ثلاث لاعبين تتمنين انهم ضيوفك .. من راح تختارين ..؟؟ سامي الجابر ../ نواف التمياط ../ سعد الحارثي ../ 23 / هل سيكون للعمرة نصيب في جدولك في هذا الشهر ..؟؟ بإذن اللــــــه 24 / ما رأيك في الدراسة والدوام في رمضان ..؟؟ ماله داعي صراحه ../ يشغلون الخلق عن روحانيات رمضان ../ 25 / وهل انتِ مع ان الدوام يكون طبيعي في رمضان يعني من الساعات المبكرة ..؟؟ ايه والله احسن ../ 26 / دعاء تحرصين على ذكره يوميا قبل الفطور ..؟؟ في احسن من رضا الله والوالدين والفردوس الاعلى من الجنه ../ 27 / لماذا اغلب الناس لا يشترون أغراض رمضان الا في آخر يوم من شعبان لأن اغلب الناس تكون مطفرهـ ../ تستلم رواتبها وعلى طووول ينتشرون للأسواق 28 / اسئلي سؤال وأجيبي عليه ..؟؟ سـ/ اصايل وش ودك تسويين في نادي النصر ..؟ جـ/ انا هلاليه وبقولكم وش ودي اسوي في نادي النصر ودي يمسكوني إدارة نادي النصر ../ اولا امسك يوسف خميس واطيــــــره من النادي والحقباني اوديه اعـــاره مدى الحياه للشباب وامسك الاعبين كلهم واوديهم عند شيخ يقرأ عليــــهم ../ / واذا مانفع معهم وبقوا على نفس الحال ../اخذ سعد الحارثي واوديه للهـــــلال ../ 29 / اسئلي سؤال للاعضاء ..؟؟ واللـه مافي سؤال يقربع الحين لكن اقولهم لا تنسوني من صالح الدعاء في هالشهر الفضيل ../ 30 / خذي نفس عميق .. وأكتبي كلمة أخيرة ..؟؟ ياذا الذي ماكفاه الذنب في رجب // حتى عصى ربه في شهر شعبان لقد أظلك شهر الصوم بعـــــدهما // فلاتعيده ايضاً شهر عصيان واتل القران وسبح فيه مجــــتهداً // فإنه شهر تسيبح وقران فأحمل على جسد ترجو النجاة له // فسوف تضرم اجساد بنيران كم كنت تعرف ممن صام في سلف // من بين اهل وجيران واخوان افناهم الموت واســـــــتبقاك بعدهم // حيا فما اقرب القاصي من الداني ومعجب بثياب العيـــــــد يقطعها // فأصبحت في غدٍ اثواب اكفان حتى متى يعمر الانســــــان مسكنه // مصير مسكنه قبر الإنسان /// ابو ريان BBP ../ اشكرك على هاللقاء ../ واتمنى ان لقائي كان خفيف عليكم ./ وكل عام وانتم بألف خير ../ اختكم ../ اصـــايل ../ ضيفنا ليوم الغد هو : (( نحبك يا هلال )) كبار القناصين مقطفات من اجاباته : * أعيش في مملكة حزن خالد عبدالرحمن * هل ستهديني عطر ديرتي أم سترفض * يا أحمد حتى برمضان ( خالد عبد الرحمن ) أستغفر الله العظيم ...!! (( جدول الاسبوع الثاني )) السبت 8 / 9 : b l u e الاحد 9 / 9 : Yasser 20 الاثنين 10 / 9 : شرانيه الثلاثاء 11 / 9 : السامي كسمو الهلال الاربعاء 12 / 9 : غايه الخميس 13 / 9 : روبن هود الجمعة 14 / 9 : أجوديه أنتظرونا CC الامضاء : عين ضاء