بسم الله الرحمن الرحيم
السلام عليكم ورحمة الله وبركاته
بعد طول غياب لي زمان ماكتبت موضوع عن الزعيم
طبعا عنوان الموضوع مفاجئ بعض الشيئ لكن اقول لكم السبب
سعد مايعرف يلعب
المدرب تنكة :D ماطبب الخراشي الا آخر دقايق
العصفور صار حمامة :mad:
ليش ياشباب هذي الالفاظ؟
انا سمعت اشاعة مفادها ان اللي يلعب الاولمبي مو الاول :rolleyes:
سعد انا اشوفه مشروع لاعب ناجح واحس انه يتشابه مع الشلهوب بعض الشيئ في الاسلوب
المدرب ماراح نتكلم عنه شوفوا باكيتا اول الموسم بعضهم لعنوا ابو اسلافه ويوم جت البطولات سموه داهية؟
بعدين يقولون ان الخراشي توه جاي من اصابة ماسمعتوا هالاشاعة؟ :rolleyes:
العصفور قمة في الاداء مع الصويلح والجبلي اللي انقذ اهداف محققة
وغلبنا الانصار وجايينكم يالنصر والقادسية ان شاء الله بالنتائج الساحقة ;)
ليش نلعب بالاولمبي؟ :confused:
البعض قالوا المفروض نلعب بالاول! :confused:
ياخي حرام عليك نبي مواهب نبي نكتشف لعيبة جديدين ونريح الاول ;)
غيرنا يلعب بالاول يبي البطولة وحنا نلعب بالاولمبي ونبي البطولة ولاعبين جدد :cool:
الى متى نتهجم على لعيبتنا؟
الى متى تهاجمون المدرب من اول مباراة؟
اصلا هدف البطولة الاول اكتشاف المواهب سواء فزنا ولا لا راح نفوز بلاعبين جدد صح؟
هذا واسأل الله لي ولكم التوفيق والسداد