رمضان عندي غير يذكرني بمواقف حلوه ومواقف أتمنى ما أتذكرها أبد


في الأعدادي كنا شله ويسمونا الشله الممنوعه لانه ما فيه ممنوع إلى نسويه ...ومكروهين من المدرسات

والمديره بس ولله الحمد محبوبات من البنات وهذا المهم ......في يوم من الأيام عاد كنا مالنا خلق نصوم

وكنا جوعانات حيل مو متسحرات عاد وحده من اللعانه كانت جايبه ككاو روعه لا يقاوم عاد قمنا

وطلعنا من الصف وحده وراء وحده ورحنا ورى المدرسه وأكلنا لين شبعنا بس المشكله الفراشه جافتنا

وعلمت المديره وعاد المديره صادتنا وقالت أنا ما قدرة عليكم بقول لهلكم ترجيناها كله ولا الأهل بيذبحونا

عرفت أنا نخاف منهم حيل بس النحيسه أتصلت عليهم وذاك اليوم ما نمنت من التهزيء من الوالد وقالي ما فيه أكل

لين السحور .........


وهاي موقف أتمنى ما أتذكره ::

وهو أن أخوي الكبير في رمضان قبل 3 سنوات سوى حادث كبير وظل في الغيبوبه من 5 أيام من رمضان

لين 25 من رمضان وتصوروا الحاله إلي كنا فيها ما حسينا بفرحة رمضان بس الحمدلله قام من الغيبوبه وكان أسعد يوم في حياتي

أتمنى ما غثيتكم بذكرياتي