اولا السلام عليكم ورحمة الله وبركاته اخواني واخواتي ماتلاحظون الاخلاق التجاريه قبل اذان المغرب وربي الواحد نفسه في راس خشمه والله اول يوم في رمضان الناس المفروض يفرحون برمضان يصومون زي الناس بس ........ والله ماكذبت عليكم جيت حوالي الساعه اربعه ونص العصر ابي اروح حلقة الخضار اقضي لاهلي يوم جيت وياليتني ماجيتها ورب البيت انها ثلاث مضاربات وانواع الهياط والتفلت وانواع النصب على الناس والله واقف عند احد المحلات شوي الا اللي يجيك مكيم من يمي يلحق واحد يبي يضربه ههههههه وانا مفهي ودي افطر وانام قمت من باب الفضول ابي اروح اشوف ايش السالفه الا ذولاك اللي طابين في المصري وماسكينه تلطيش ليه يابو انت وهوه هو جاي يترزق الله والا جاي ينهان عندك المهم جيت انا وخشتي ابي افارع بينهم خخخخخخخ والله مامداني ادخل بينهم الا انواع التنتيف والله اخذت نفسي وطلعت خخخخخخخ من بعدها عفت الحلقه ومسويين زحمه والشارع فاضي ولا كله كوم وسيارات الاسعاف كوم يوم تجيك سيارت اسعاف من اول الشارع ومشغل السفتي ويبي يمشي نفسه شوي الا ذاك الطابور وراه يبون يلحقونه علشان مايوقفون عند الاشارات هذا الكلام في اول يوم من رمضان اما اليوم طول الله في اعماركم جيت واقف عند البقاله قبل اذان المغرب شوي الا اللي جاي يجري عند العسكري يوم وصل عنده ومعه عمود ويكلم العسكري وانا قاط معهم ويقوله شوف انت شاهد اطالع الا ذولاك اللي جايين يجرون عليه واول واحد منهم معه سكين الله لايبتلينا مدري ايش يبي يسوي الله لايسامحه وانا أطالع لامن شفت السالفه فيها هوشه توكلت على الله الى my home وهذا واحنا في بداية رمضان مااقول الا الله يكفينا شر المشاكل والمضاربات ويحفظنا من كل مكروه اللهم امين تقبلوا تحياتيCC