2- مستوى الهجوم الهلالي : - سيء: 3- مستوى الوسط الهلالي وصناعة اللعب : - ممتاز 4- التغطيه الدفاعيه : - جيده 5- مستوى الحراسه الهلاليه : - جيده 6- حضور الجمهور الهلالي : - سيء 7- خطة وتكتيك المدرب : - جيد 8- تغييرات المدرب : - ممتازه: 9- مستوى التحكيم : - جيد مساحة خاصة للتحليل والنقاش: أول شيء أحب أشيد في بيسيرو وطبعا مو عالنتيجة أشيد بالمدرب من خلال المستوى اللي عوض جزء من الخليجية وشفنا أهداف موب من الدفاع..!! المدرب واضح انه غير مكابر مثل ماقالها خالديني p9 ويجرب كل ماعنده وماعنده تمسك بـ قناعة غريبة او من هالقبيل أبدا.. لعب بالخطة التقليدية ولعب بخطة غريبة جدا على الدوري السعودي وهي 3-5-2 ولعب أمس بالخطة المناسبة جدا للهلال وهي 4-5-1 وأعتقد راح يثبت عالخطة الأخيرة لضعف الهجوم الهلالي بشكل مريع بعد غياب سامي واصابة ياسر.. خطأ بيسيرو أمس أشوفه الجمعان أساسي على حساب الصويلح المتحرك والسريع والمناسب أكثر لهالخطة بالنسبة للموجودين والجمعان مستواه هابط جدا ما أعتقد يكافأ عليه باللعب أساسي الدفاع الهلالي ممتاز جدا والمرشدي سد غياب المفرج بكفاءة ولو انه أخطأ أمس بعد سوء تغطيته لـ خليفة مهاجم الخليج لكن مستواه بشكل عام كان ممتاز ولأول مرة أحس تفاريس مرتاح وماله حس خخخخخخخ الظهير اليمين مازال ثغرة واضحة ولازم الادارة تجيب ظهير "عادي" يعرف يرفع ويغطي منطقته بشكل جيد مانطالب بتعويض الدوخي نطالب بـ ظهير عادي جدا..!! العبدالسلام يرجع لخانته الأولى بالوسط ويترك الدفاع قبل ماتنقتل موهبته.. في هالفترة أكثر لاعب فقدناه بكل صراحة هو محمد العنبر..!! للأسف ماقدر يشارك في بطولته وبيخلي الهدافين ياخذون الجائزة الحين يعطيهم فرصة شوي العنبر كان في هالوقت بالذات أهم لاعب هلالي كونه الهداف في هالمرحلة تبع بطولة فيصل بن فهد والمباريات الافتتاحية بالدوري مع غياب سامي وفي حال اصابة ياسر او استدعائه للمنتخب وكان يشكل ثنائي ناري مع الصويلح اللي فقده والمشكلة بعض الناس تكابر وتقول العنبر مهوب لاعب لأن الجماهير اللاهلالية تضحك عليه علشانه يقول انه يشه رونالدينيو..!! الدعيع ما اختبر بشكل جيد ويالبيه يوم يضحك يوم شاف فايز يشوت البلنتي الخليج موب مقياس على مستوى الزعيم لكن مبدئيا مستوى طيب ونأمل الأفضل دائما..