هلابكم كل ابوكم

وش اخباركم ؟؟

مشتاقين لكم حيل اول مرة نطول عن المنتدى كذا من سجلنا به

والظاهر لازم نتعود



المهم ابشركم اول اسبوع من الدراسة مر تمام التمام ما توقعت ثالث توجيهي سهلة كذا



ادري بتستغربون بس اذا عرف السبب بطل العجب

بس قبل السبب بقولكم اهم الاحداث ((موجز اهم الانباء الدراسية))



1/المدرسة كمبنى خايسة خايسة بمعنى الكلمة اجل عمركم شفتوا مدرسة حكومية حديقتها الشارع اللي بالبطحاء احسن منها بعشر طعش مرة

تمشي قدامك حفريات تطمرها تلقى امامك جبل من التراب الحار توخر عنه يمين تواجه فتحات بالارض الله يستر منها اختي طاحت بوحدة

ويالله يالله طلعت لا وبعد ازيدكم من الشعر بيت حماماتنا ((الله يكرمكم ))بدون ابواب!!!!!قال ايش بيصلحونها



2/البنات تشوفهم اول يوم يلقون ((نظافة وريحة حلوة وتوفير))خخ خخ لا بس من جد لدرجة بعضهم يرحون للكوفير ليلةالدراسة

انا مدري وشلون عداد الكهرباء صابر للحين كل البنات اول يوم يستشورون شعورهم الا انا كنت مجعده <<<على بالي بغير



3/التهام الكتب وما ادراك ماالتهام الكتب بما ان مدرستنا المحترمة معظم مرتاديها من غير السعوديات وغالبهم من الشاميات تعال وشف الكتب عندهم مثل الصامولي بالزعتر حقتهم غثونا الله يغثهم

((ما اعمم ))



4/اكتشفنا مؤخر يوم الاربعاء ان عندنا بنت يمنية متزوجة وعلى طوووول32بنت عليها ويالله تبدا الاسئلة وشلون تزوجتي وليش وافقتي كنت تحبينه طيب كيف الزواج تنصحبنا به ولا لا

وما لقوا يسالون الا يمنية ماخذة مصري <<<على ان الزواج واحد بس تفرق اشياء واجد



5/بما ان الاسبوع اللي راح اغلب الحصص فراغ فاننا كل شي سويناه حش وحشينا مذاكرة وذكرنا نكت ونكتنا حتى لعب ولعبنا تخيلوا من الفضاوة لقينا لوحة بلاستيك طايحة من على الجدار

وش سوينافيها؟؟







اخذنها وحطينها على الدرج وقعدنا عليهاوطخ طخ طخ طخ طخ طخ الى اخر الدرج ونااااااااااااااااااااااااسة ذاك اليوم ضحكنا ضحك الله لايوريكم







السبب:

الحين جينا السبب وهو ان اغلب حصصنا فراغ علشان كذا كل شي سويناه

ليش حصصنا فراغ لان:نص معلمتنا والدات والباقي حوامل

الدين :توها راجعة من اجازة امومة

العربي :حامل

الانقليزي :حامل ماخذة اجازة

الكيمياء :توها والدة بتوام ماشاء الله

الاحياء :والدة

الفيزياء :لو فيها شدة كان حملت

الحاسب :حامل

والرياضيات :ام عاصاقيل هي الوحيدة اللي غاثتنا

لا وعلى بالهم جابوا لنا منتدبة وحامل بعد

شكلها موضة هالسنة ما باقي الا حنا يا البنات



يعني للحين ما حسينا باجواء ثالث توجيهي







يوميات بنات الثانوي



? ليش مريولك موديله كأنه فستان عرس ؟ أبله هذا ستايلي ..

? ليش حاطة عدسات زرق ؟ أبلة عيوني هذي .. امي اوروبية .

? ليش كل هذا الكحل ؟ أبلة عيوني كحلية طبيعيا .. .

? ليش المناكير ؟ أبلة هذي حنة سوداني مو مناكير .<<كثر منها



? ليش ما ترددين تحية العلم ؟ أبلة بلاعيمي تعورني .>> ههههه ومن الجهة الثانية صوتها ويا سوالفها واصل لآخر صف ..

وانا مايبط كبدي الا ذا الاجانب اذا قالوا لنا يالله قولوا سارعي الوحدة منهم تتافف وتسوي نفسها قال ايش<<احنا مو مجبورين نردد معاكم>>والله اني افرك من جوا



ليش كل هذا المكياج أبلة امس كان عرس ولد عمي للفجر .ومالقيت وقت عشان أشيله ....!!







? شوفوا معلمة فلانة تنورتها تحفة .. خيالية.. آخر موضة .....من وين اشترتها ؟



والحين قبل لا نخلص نشوف سوالف الدلوعات :



? أمس رحت عرس جيراننا لبست فستاني الجديد الكشخة التركواز والاكسسوارات اللي توني مشتريتهم من كليرز



وصندل فرساتشي اللي اشترالي إياه أخوي من لندن هه.. وكل الناس تشوف علي كاني انا العروسة .



? تدرين مع من سولفت أمس بالشات ؟مع لبناني وحاط صورته يمة يذوب ... شعر اشقر و عيون خضرا .



و نخلص بالبنات اللي اختصاصهم الحش :



? شفت فلانة امس فاتحة شعرها كنه خرطوم حريق <<وغير الشعر اشياء واجدة







عارفة طولت عليكم اعتبروها فزفزة



لكم تحياتي CC BBP والله لا يحرمكم غاليBBP