السلام عليكم ورحمة الله وبركاته ..
يالله يا كريم .. اليوم نبدأ معكم في أول موضوع لي بالقناص وحسبي الله على من حمسني " ما اقصد ابن خوري " أبد ..!!
وبما اني فاضي .. وزهقان .. قلت انزل موضوع نوسع الصدر فيه ونشوف آرائكم من وجهة نظر فنية بحته ..!!
في البداية بطرح عليكم مثال عشان نوضح القضية :
^
^
^
اللي بيجيب لي أطلق ذبه على هالصورهـ له جائزهـ :D ..!!
لالا أمزح وجع خخخخخخ :D !!
أكاد أجزم أنه يمكن يكون أكثر فنان مكروهـ من فئة الشباب بالذات .. وبالنسبة للبنات معه مافيه حل وسط ..!!
يا أنها انواع الخقه على مياعته .. أو انواع الكرهـ برضه عشان مياعته .. " مع انه يقول صدقوني اني احاول أسترجل :D " ..!!
يله ما علينا ..
اللي ابي اعرفه .. واناقشه .. نقطة مهمة .. وهي ..
(( الـذب ))
يعني المرمطه يعني الشرشحه للفنان ..!!
ياكثر ما نشوف ناس مستلمين فنانين .. لكن إذا قرينا كلامهم .. نتأكد ان النقد مهوب فني ولاهو لسبب فني ..!!
بل 99% نفسي p8 .. يعني هالفنان ما أواطنه بلعن خيّرهـ ..!!
جواد العلي .. بالرغم من كل سلبياته الشخصية إلا أني لازم أسمع له مهوب من زين وجهه لكن لأنه فعلاً له بعض الأغاني تجبركـ على إحترامها وله ستايل فني خاص فيه يتميز فيه عن غيرهـ ولو أنه دج بقوهـ من تالي ..!!
لكن لو بعطي نفسي المجال إني أذب على كل فنان أكرهـه نفسياً كان ما سلم احد من شري خخخخخ
وخص بالذكر راشد وأحلام ... مهوب عشانهم بس لعانتن في ابن خوري p9 وابو يزيد p9 اللي ناشبين لي كل ابو دايم :D !!
يعني على سبيل المثال .. فناني المفضل هو رابح .. لكن من أكثر المنتقدين له هو أنا ..!!
لكن نقد عن نقد يفرق .. ما كل نقد بالسما يبرق :D " وجه يطالع بن خوري بنص عين " ..!!
أستمتع لما اشوف نقد فني .. واتحمس .. لكن لما اشوف نقد بثر ومسوي زحمة والشارع فاضي اضحك وبعدين ..!!
انا ماني ضد انكـ تذب له كم ذبه توسع صدركـ .. لكن لما نشوف أحياناً نقاش جاد ماهو مزح وينقلب كله ذب بشكل يخلي الواحد حتى ما ينزل مستواهـ في الرد على بعض الناس .. ولنا في ربعنا اللي عند اللفه خير مثال وش يسوون اذا احد تكلم عن فنانهم " طرّاهـ الساريـ يوم يشرشحهم :D " ..!!
الزبدهـ أحس اني ان طولت بخربها 
.. فـ تكرموا علينا وعطونا آرائكم ..
هل انت مع ام ضد و ليه ؟
لما تنتقد الفنان هل تهمكـ بالدرجة الأولى عيوبة الشخصية ولا الفنية ؟ " وجه يقول أمنيتي اشوف نقد فني كلها شخصية " خخخخخخ !!
الزبدهـ عطونا مافي جعبتكم حول الموضوع أثابكم الله :D
RaBe7