يالله حيهم.. النمرود يعود لكم من جديد بسواليف توسع الصدر إن شاء الله... انا كان لي موضوع سابق وتكلمت فيه عن السفريات وعن المواقف اللي تصير في السفريات وهذاني جاي من سفر وجايب معي كم موقف صار لي...لكن هالمره موب معي رفيق دربي (يزيد) :( تكلم زوجتي ياللي ماتستحي....؟ p8 مره كنت انا وخالي جالسين عند باب الشقه ننتظر المصعد انا سمعت صوت من الشقه اللي جنبها حسيت ان اللي يتكلم بزر ويقول تبي ببسي ولا سفن انا قطيت وقلت ابي ببسي :D قال مره ثانيه تبي ببسي ولا سفن (يكلم اللي عنده) قلت انا .. ياخي مابي سفن ما احبه انا ابي ببسي :D وصل المصعد وركبنا وكان خالي يآكل آيسكريم كون زون المهم اول ماتسكر الباب حق المصعد مادريت الا اللي يفتح الباب بالقوه شوي وينفك الباب بإيده من القوه p8 اشوف واحد قدامي اسمراني طووييل وعرييض ويرتجف من العصبيه اللي فيه قال لخالي انت اللي تبي ببسي..؟ خالي خار الزيت من الخوف وقال بصوت متقطع وهو مطير عيونه .. لا لا انا يكفيني الآيسكريم..:D انا شفت خشته وكانت فيني الضحكه بس الصراحه كنت خايف..:D التفت علي الأسمراني وقال: انت اللي تبي الببسي..؟ انا سكت شوي وقلت : وش السالفه..؟ ويمسكني مع صدري ويطلعني برا المصعد ويحطني على الجدار بقووووه p8 وقال: ورب البيت لو جسمك مثل جسمي كان صبغت الجدار من دمكp8 <== مسوي فيها قوي هو وخشته :D <=== لو فيك خير كان قلتها في وجهـه..:D المهم انا قلت ليه ياخوي وش السالفه..؟ قال تكلم زوجتي ياللي ماتستحيp8 وتقول انا ابي ببسي قلت ياخي وش دراني انها زوجتك احسبه بزر صغير والله قال .. لا وقصيمي بعد..؟ قلت ايه قصيميp9 قال لو انك منت قصيمي كان توطيت في بطنك هنا يالله اذلف وراح دخل شقته واجي انا افتح باب المصعد واشوف خالي معه الآيسكريم حقه ووجهه احمر من الخوف..:D شف هذا يصور..!! طيب اسكت يابجيح..:D هذي سالفة صارت لي في مطار جده انا وولد خالتي كنا ننتظر موعد الإقلاع ورحنا أخذنا دونات وشاهي وجلسنا في مكان كبير فيه ناس جالسين المهم فيه عائلة اجنبيه ومعهم بنت عمرها تقريبا 20 بس ان البنت مزيونه وفيه واحد جالس لحاله في طاوله وماسك جوال الفارس وقدامه العائله ويصور البنتp19 ولد خالتي ماهمه احد قال ..دحوم قلت هلا قال شف شف هذا يصور <== قالها بصوت عالي عشان يبغى اللي يصور يسمعنا..:D قلت طيب اسكت لايسمعك يابجيح,,:D يوم قالها التفت اللي يصور وجلس يناظر كأنه خاف..:D وولدخالتي يقوله بوجهه ياخي عيب تصور ما ترضى احد يصور اختك..:D اللي يصور لو يقدر يمسك ولد خالتي ويتوطا في بطنه كان سواها لكن صعبه..وولدخالتي يناظره ويضحك يعني ماهميتني يادرج..p3 :D السيارهـ فدوهـ لك يابعدي..p3 مره من المرات في مكه قبل اسبوع تقريبا كنت جالس انا وخالي بالشقه قال خالي رح تكفى شف سيارتي شالوها الدوريات ولا لا لأني موقفها بموقف غلط قلت والله مالي خلقp3 قال رح بس يالله قلت خله بعد شوي المهم جلست تقريباً ساعه ورحت اشوف السياره واشوف السطحه اللي تشيل السيارات عند سيارة خالي واقفه ناوي يشيلها قال انت راعي السياره..؟ قلت لا قال من له..؟ قلت حقت خالي قال خله يجي يطلعها ولا شلتها..قلت ياخي راس مالها سياره تفداك شلها بس خله يستاهل ماحد قاله يوقف غلط.. قال تراني جاد بشيلها.. قلت شلها خذ راحتك السياره موب لي مالي شغل انا...:D قال طيب وشال السياره اول ماركبها دق علي خالي قال هاه وش الأخبار..؟ قلت ابشرك شالو السياره قال والله..؟ قلت ايه والله جيت وهم يشيلونها اقولهم خلوها الحين يجي خالي يشيلها وقال لا مافيه ماحد قاله يوقف غلط..:D قال خالي طيب طيب هذاني جاي :D وجا خالي يمشي مليون وصل وراعي السطحه اللي شال السياره هذاه بيمشي ويجي خالي يكلمه يقول ياخي خلها بغير موقفها ومدري ايش قال راعسي السطحه ياخي وش تبغاني اسوي انا يوم جيت اشيلها شفت هذا (يقصدني انا) وقلت له السياره لك..؟ قال لخالي قلت خله يجي يشيلها قال لا تفداك السياره ماحد قاله يوقف غلط...:D ويلتفت علي خالي ويناظرني بنص عين من القهر وانا جالس اضحكـ...ابرد ماعندي احر ماعنده..:D قال والله مايطلعها الا انت يالتيس الأجرب..:D انا سكت مابغيت اقول شي اخاف من القهر يتوطا في بطني..:D حبت الأرض بسبب شباب.... مره من المرات الصبح يمكن الساعه 6 كنا واقفين عند باب شركة مكه انا والعيال كلهم يمكن عددنا 11 p2"" غير الشباب الباقين اللي مانعرفهم واقفين عند الباب يعني اي واحد بيدخل او يطلع من الشركه لازم يمر من عندناp2"" المهم طلعو ثلاث بنات من شركة مكه وفيه وحده سابقة خوياتها يعني هي قدام وثنتين ورا المهم يوم طلعت هي وشافت الشباب كثار مثل كذا التفتت على خوياتها وهي تمشي ومادرت ان فيه قدامها درج.. وتمشي وتناظر خوياتها ورا ولا درت الا وطررررررررررررراخ على خشتها البنت طاحت مع الدرج وحبت الأرض بعد من قوة الطيحه :D طبعا انا وقتها ودي امسك نفسي ولا اضحك بس الموقف صعب شوي وخريت ضحك عليها طبعا خوياتها المفروض يساعدونها يقومونها لكنهم وقفوا على جنب وجلسوا يضحكون عليها..:D < === البنت صارت مسخره..:D المهم قامت المسيكينه وهي محتاسه ومرتبكه جت بتروح لشقتهم من الربكه دخلت الشركه مره ثانيه..:D منسدح بحظن وحده..p8 وحنا راجعين من جده انا واهلي وخالتي وولد خالتي ومعروف مطار جده لازم تركب سيارة تنقلك من المطار إلى الطياره حنا ركبنا بهالنقل وطبعا فيه كراسي مايجلس عليها الا الحريم انا كنت واقف وقدامي كرسي وفيه بنتين المهم انا طبعا مرسم ثوب وشماغ وعقال ومشى النقل وانا ماتمسكت بالعلاقه اللي فيه بالنقل..<== مسوي فيها طرزان الله يصلحه..:D يوم وصل النقل عند الطياره وقف بقوه شوي وانا اختل توازني وطرررررراخ واطيح بحظن وحده من البنات اللي قدامي..p8 اللي يشوفني يقول بزر بحظن امه..:D انا طبعاً مدري وش اللي صار لي من الخبصه..:D واسمع صوت ضحك وقمت وجهي أحــمــــر p17 ومستحي ومنحاس والشماغ والعقال بالأرض وأهلي وولد خالتي فاطسين ضحك.. انا وقتها مالي وجه اتكلم أخذت شماغي وعقالي قالت البنت .. سلامات ماتشوف شر.. انا استانست لأني كنت متوقع انها تتوطا في بطني..بس ربي ستر الحمدلله...:D ويوم نزلنا من النقل كانو كل اهلي قدامي وانا هالبنت باليني ربي فيها انا ارقى الدرج حق الطياره وهي وراي وانا في نص الدرج كنت اتذكر الموقف ومن الربكه طحت درجتين ورا وهي كانت وراي على طول وصقعتها بخفيف هي قالت وش فيك رجه انت .. :D قلت موب رجه الا ربكه والله..:D أتمنى اشوف ردودكم واللي بيقرا ولا له نيه يرد فقعت وجهه..:D سي يو ..