أول مباراة للهلال رسمية في هذا الموسم ، والحمد لله آنتهت بمستوى و نتيجة إيجابية .
..
وكمان أول مباراة للهلال ما يتابعها خالي -الله يرحمه- هو حتى أصر إنو يوم زواجه مايكون
في وقت يلعب فيه الهلال ! ما تابعت المباراة ولا لي نفس أتابعها ' أتابعها مع مين ؟
مافي أحد أتابع معاه المباراة ، و مستحيل أتابعها لوحدي " و لسا في كثير أشياء فقدتهم فيها
متابعتنا للمباراة و حماسنا مع الهجمات و تحليلنا للمباراة بين الأشواط و تريقتنا على الخصم
والله كثير أشياء فقدتها ما كنت متخيله أفقد كل هالأشياء في وقت واحد ! هو من ناحية حزينة
فهو فعلا حزينة بس لازم أكون أقوى مو عشاني والله عشان أمي وأبوي و أخواني عشان فيه كثير
ناس محتاجه لي مثل ما أنا محتاجه كثير لناس ..! هو صحيح فقدت الأمل و كل شي حلو بالدنيا
بس برضو واثقة بربنا إنو حيعوضنا عن كل حاجه وحشه شفناها و عن كل ألم ذقناه !
نرجع نقول : الحمد لله على كل حال .