كلام جميل جدا الله يجزيك الخير
للأسف وصلنا لمرحلة الانفتاح في كل شي يعني عادي تشوف البنت في مواقع التواصل الاجتماعي تكتب عن خصوصياتها وبالذات الموضوع اللي تكلمت عنه وعذرها الوحيد عادي الكل يعرف بهالشي ما صار للبنت حياء.
بالنسبة لعمال النظافة او العاملات اللي يشتغلون في البيت ترا هم بشر مثلنا اقل شي ممكن نقدمه لهم هو الكلمه الطيبه البعض صار يعاملهم مثل الحيوانات يمكن حتى الحيوان صاروا يكرموه اكثر من الانسان يعني هالشخص جاي من بلاده علشان في اخر الشهر يرسل لأهله بعض من معاشه او يمكن كله بس ليعيش اسرته للحين بعض الناس تستخدم الاستعباد والعنصريه نسوا كلام اشرف الخلق :قال عليه الصلأة والسلأم ..
(( لأفرق بين عربي ولأ اعجمي ولأ ابيض ولأ اسود الأ بالتقوى ))
سبحان الله اي برنامج جديد من برامج التواصل الإجتماعي لازم تشوف ناس تستخدمه بالطريقه الخاطئه واولهم الكيك تبي تشتهر افتح حساب واجلس سب واقذف الناس وخلاص راح تصير مشهور صارت الشهره طريقها بسيط جد وسهل الوصل له وللأسف صاروا الناس يتجاوبون معهم كم من شخص ما كان معروف فجاه اشتهر ليه؟ لانه نزل كم مقطع وجلس يسب في الناس ويتلفظ الفاظ بذيه ما راح اذكر اسماء اعتقد الكل يعرف تناسوا قول الله تعالى:(( ما يلفظ من قول إلا لديه رقيب عتيد)).