السلام عليكم ورحمة الله وبركاته
هاردلك لـ الهلالين خسارة مبارة الشباب والخروج من كاس الملك وبكذا خسرنا كل البطولات الموسم والمتوقع ماراح نكمل باسيا .
نقول شكرا لـ عبدالرحمن بن مساعد على كل ما قدمه للهلال قرار خطا تعين مدرب بدون خبره وللفريق اول زي الهلال متعود على البطولات كل موسم .
وكبير الهلالين بندر بن محمد ماكان موافق على هذا القرار لان فاهم ومتوقع كل شي دعوه ماهي بكل هالسهوله وللاسف بعض الهلالين تكلم على بندر بن محمد لان قال وجهة نظره ولا احد احترمها حتى .
الرئيس مشغول وماهو فاضي للنادي اوضح اكثر الهلال بدون رئيس والدليل تصريحه ان سامي هو الرئيس ما فيه سبب مقنع انه ما يحضر مباريات يمكن حضر مباره بالموسم كله واذا فيه احد يقول انه يحضر بس يكون بغرفة الملابس .
من وجهة نظري انه وجوده زي عدمه ماله فايده اذا ماكان بالملعب وقف مع فريقه وجمهوره زي غيره واذا سامي رافض انه يكون بالدكه مع الجهاز الفني المنصه موجوده ومكانه موجود سوا كان حاضر او لا وعشان ما اكون قاسي على الاداره هالموسم وفرت كل شي شفنا التعاقدات مع الاعبين وتوفير كل شي يحتاجه المدرب والفريق على ما نشوفه .
انا كنت من اكثر متفائلين لـ الكابتن سامي الجابر بالتدريب ومو انا كل الجماهير الهلاليه والدليل دعمها وحضورها اللي اشوفه انه من فتره ما كان فيه دعم للمدرب والاعبين من جمهور بشكل هذا حتى والفريق يخسر .
بعد خساره الدوري وكاس ولي العهد اعطي المدرب الفرصه والثقه من الاداره والجمهور والاعلام من دون اي محاسبه نشوف الفريق يلعب بدون هويه لعب عشوائي وبتكتيك عقيم المباريات اللي ابدع فيها تنعد على اصابع وهذاي مشكله كبيره بالنسبه للفريق بحجم الهلال موسم للنسيان .
تخيلو ان مدرب اجنبي وعنده الخبره لان الاداره ما راح تجيب مدرب من دون سي في حصل على دعم من الجمهور والاداره والاعلام وخسر الدوري وكاس ولي العهد وكاس الملك وش بيكون مصيره .
انا اقول راح يقيل من اول خسارة بطوله .
الموسم انتهى والاخطاء ما انتهت صرنا نشوف اعذار غريبه بعد المباريات بالتحكيم او بالارضية الملعب او بطريقة لعب الفريق المقابل الجمهور صار يرقع يقولك تبي المدرب يحرس او يسجل او يدافع انتقاد سامي مو يعني انه فاشل .
وصلنا لدرجة ان الجمهور يطالب بتغير نجوم الفريق اللي يشوف انديه ومنهم بطل الدوري يقول لاعبينهم من الدوري انجليزي او اسباني عندنا لاعبين يتمنونهم انديه اولهم بطل الدوري واذا فيه لاعب او لاعبين قصرو اوهبط مستواهم وين دور المدرب المسئول عنهم هو ويحاسبهم مو معقول لاعب او لاعبين او ثلاث يخلي فريقك سيي موسم كامل والبديل موجود .
اتمنى نشوف اداره بفكر جديد وطموح ومدرب كبير من نوعية جيرتيس وكوزمين .