- بعض آلبشر - كل ما شفنا صورهم تلقائيا ~ عيوننا تدمع ..!

مدري هو حنين ﻷيامهم ، أو شوق لشخصهم ، أو ممكن يكون ألم تركوه لنا ذكرى من بعدهم
دخلوا حياتنا كثير و اللي رحلوا أكثر ، منهم كان شخص عابر مانعرف عنه إلا إسمه و شوية من
ملامحه ، و بعضهم كان بمعنى (عله) و فرقاه خيره ، و كأننا نردد : نحمد الله جت على مانتمنى
و بعضهم كان أقرب للقلب من شريانه ! هذول لوحدهم حكايتهم حكايه * صحيح رحلوا من حياتنا
و مابقينا جزء من يومياتهم ولا هم صاروا جزء من يومياتنا " بس ملامح صورهم مازالت بالذاكره
عالقه رغم مرور الزمن ، و ممكن يكون لهم جزء خاص من حياتنا مثل ، ماقبل النوم ! نخلق قصص
و حكايات من مشاعرنا نحولها لحكايه خياليه ' ونضيف فيها اللي نحبهم و فقدناهم في يومنا نعوض
غيابهم في حياتنا بقصة خياليه ! طبيعي كلنا نسويها ، بس الغريب تتحول لإدمان ..! ويصعب التخلص
منها ، و بالتالي ( نعاف واقعنا ، و ندمن الخيال )