- تعالوا ندردش مع بعض شويهہ عن مين نحكي ؟ ممممم نحكي عن الأم ؟ قبل لما كان فيه ( عيد الحب ) حكينا عنه وألحين نحكي عن ( عيد الأم ) طبعا مارح أتفلسف زياده ﻷنو كلنا عارفين إنو مافيه إلا عيدين بس أما بالنسبه للخرابيط اللي قاعدين نشوفها وكل يومين طالعين بعيد جديد ياعمي مع أنفسهم أصﻵ من الغباء إنك تحتفل بأمك يوم واحد بالسنه !! هيه إنتوا صاحيين ؟ يعني إيش أحتفل بأمي يوم واحد بالسنه أجيب لها هديه و أسمعها كلام حلو ، طيب وباقي الأيام وش أسوي فيها أرفع صوتي عليها ؟ أعصيها ؟ ما أسمع كلامها ؟ أتأفف من طلباتها ؟ و إذا جاء ( عيد الأم ) على قولتهم أصير الشخص المثالي اللي مافيه أحد زيه يحب أمه بشكل كبير ، جرب تجيب شنطه وتمليها كتب وتحملها على ظهرك ، أسبوع واحد بس مو أكثر ، تروح بها و تجي فيها تشتغل وهي على ظهرك تنام فيها تقعد فيها و تأكل وهي كمان على ظهرك بس أسبوع واحد ، توجع صح ؟ ماقدرت ترتاح ؟ ماصدقت متى يخلص هالأسبوع ؟ طيب تعالوا معايا هنا ، مارح أقول نتخيل ﻷنو فعلا حقيقه ! الأم تسع شهور مش أسبوع ! وهي حاملتك بأكلها بنومها بشربها بقعدتها بطلعتها بكل مكان ! ولا إشتكت منك ، بالعكس تفرح لما تحس بحركتك داخل بطنها و لما تخلص التسع شهور وش يصير ..؟! تنتظرك بلهفه و شوق و تبدأ حياه جديده ! تسهر لراحتك و تتعب لتعبك تاخذ منها صحتها وهي - على قلبها زي العسل - تشيل همك لين ربي ياخذ أمانتها بعد عمر طويل .. أمك .. ي جاهل هذه أمك اللي ماتنوصف بكلمه ولا يكفي برها يوم ! بجوالك سميها : توأم روحي ، و إذا نادتك قول : هلا بريح الجنه ' هو فيه مثل الأم ..؟! من يقدر ياخذ مكانها ؟ ومن يقدر يعوضني عن أمي ؟ يخليها ربي و يخلي لكم أمهاتكم