بسم الله الرحمن الرحيم السلام عليكم ورحمة الله وبركاته ،، صبحتم / ومسيتم بالخير ياقناصين أخباركم ، ازيكم عاملين أيه اشتقت لكم وحشتوووووني كثييييييروربي ماتتصورون قد أيش أحبكم زمااان عن المواضيع بالمنتدى والليله مدري وش صاير فيني صايبني نشاط بسم الله علي يااااقدمي مافيه أحد الحين يكتب بالمنتديات كل الناس تطورت وراحت تويتر وانستقرام الا أنا أحب المنتديات زي الكبار اللي يحبون الراديو >> اخلصي علينا المهم ماهو هذا موضوعنا بما اني ماعندي شي الليله والمنتدى شبه نايم قلت فرصه أسولف هنا بتكلم عن أشياء شايفتها بالمجتمع ممكن اكون ابالغ او اني حساسه زياده عن اللزوم ( كثري منها ) هالشي انه للأسف فيه ناس كثييرحوالينا يتغيرون والمحزن انه يكون هالتغيير للأسوأ لكن الشيء اللي يقهر ليش نهتم فيهم وهم ما أهتموا فينا ... وليش ننتظر منهم الاهتمام وهم فاقدينه ... يعني نادرأ نشوف ناس تهتم ببعضها حتى الاقارب اغلبهم ما يطيق الثاني خصوصاً بمجالس النساء الله يهدينا ويهديهم اللي مايحبونها ياكلونها حش وغيبه والا اللي تكون بسيطه مااحد يزورها والشي الثاني اغلب الناس صار همها نفسها ويعيش تحت قانون ( أنا ومن بعدي الطوفان ) والبعض مايهمه لا عادات ولا تقاليد ولا قوانين وبعضهم حتى الدين يتساهل فيه اللي ابغى اوصله أننا فقدنا ميزة البساطه كمجتمع .. !!؟ جميل الانسان يعيش ببساطه ويحب كل اللي حواليه ويهتم فيهم ويشيل من باله فكرة التكبر ويتمنى للناس اللي يتمناه لنفسه ...حلوه الحياه بالحب والتضحيه والإيثار يمكن أكون خلطت مواضيع مع بعضها ( كوكتيل سوالف ) بس شي يقهر ليش كذا أخرتنا حفره ( الله يحسن خواتمنا ) وأحنا مجتمع مسلم وين راحت دراستنا وتربية أهلنا .. فيه اشياء كثيره غير اللي ذكرتها ممكن تشاركوني فيها >>هذا اذا احد عطاك وجه والا ماانحذف موضوعك طبعا ماأعمم ويمكن قليل هالشي بس نستغربه لأنه شي مانحبه ولا نرضاه . وبس هذا موضوعي بصراحه ماادري كيف كتبته ومافكرت فيه قبل بس مسكت الكيبورد وكتبت... شاركوني وفضفضوا >> محذوف مافيها كلام .