( خلوني اجر مسحوبي وموالي )
خلوني اسج في خلا الخـلا الخالـي=النفس ضاقت من عيشـت المدينـه
خلوني اجـر مسحوبـي و موالـي=في عالم يعجبـك كثـرت تلاحينـه
خلوني خلاوي ماني رايحن جالـي=وش غير الازعاج وسط المدن لاقينه
لا ياهلي اسمحو لي و ارحمو حالي=و اللي مثلـي قولـو ربـه يعينـه
ما يشفي الكبد غير اللي على بالـي=بنت ن جميله جميع وصوفها زينـه
كما البدر بالشكل تجهير و تفصالي=ما ابي شهاده طبق الاصل شايفينـه
انا ادري الناس فيها انواع و اشكالي=لكن مظنـون قلبـي فـارق بزينـه
من لا درى يدري انه اخـر امالـي=و القلب ما فيه حيله طـاح بيدينـه
منزاله عالي و قدره عندنـا غالـي=و الله اني قابله في زينـه و شينـه
اعزه و اقدره فـي كـل الاحوالـي=لعيونه حبيت اهله و كـل محبينـه
لو يرفع البرقع ان يصيبنـا هبالـي=بس احمد الله يـوم اهلـه مغطينـه
ما هـو تخيـل و لا و الله يورالـي=شفته و صافحته و قبلـت بجبينـه
يا وقت عجل قبل فـوات الازوالـي=قرب له سنيني و قرب لـي سنينـه