شبكة القناص - الموقع الرسمي للاعب ياسر القحطاني - عرض مشاركة واحدة

**BO7** · 13-12-2012, 03:43 AM

السلام عليكم ..

-

الحين وش سالفة هالإعلانات اللي حومت تسبودنا .. الظاهر إن القنوات تتحدى بعضها في مدة الإعلانات تلقى القناه الفلانيه تحط 6 دقايق مدة الإعلانات والقناة الثانيه 10 دقايق وأنت ماشي .. والمتفرج يحفظ هالإعلانات من كثر تكرارها !!

المذيع اذا قال أعزائي المشاهدين فاصل قصير و سنعود بعد قليل.. يمديك تتابع فيلم و تتعشى و تنام و تصحى و الفاصل للحين ما خلص .. أما في قناة [ mbc ] إذا جاء فاصل يمديك تموت وتتحاسب وتقوم وللحين ماخلص الإعلان

لدرجة إني انسى وش كنت أتابع من كثرة الإعلانات .. وياليتهم يجيبون شيء جديد لازم يعلونك بالإعلانات القديمه :

- الشامبو الأول في العالم الذي ينصح الأطباء في أستعماله : والله من زود الكذب أتحداهم إذا نصحهم دكتور فيه أنا مدري ليه مايكون في رقابه في هالإعلانات

- شامبو الشعر [ للمرأه ] : الحين من كثر مايجيبون لنا شامبوات ماندري وش نختار .. مره يجيبون دوف ومره زيت دابر املا ومره صانصليك .. إلخ , لدرجة إذا راحت الحرمه للسوق تقش كل الشامبوات في السوق وإذا جت البيت ما تستعمل إلا واحد .. هذا مايسمونه [ الغزو الفكري ] !!

- دجاج دو ونعم التربيه : أنا مدري الباقيين ( قليلين أدب ) ؟؟

..

المدرعم : هو الشخص اللي يدرعم علاك بالرد أو السب بغير منطق وياكثرهم في تويتر .. مثلاً :

إذا كتبت يوم الجمعه هو يوم السمك العالمي رد عليك وقالك : لو سمحت لا تتكلم في الدين
أنا مدري وش جاب السمك للدين !! , ولا تكتب "استغفر الله " يقول مسوي مطوع .. تكتب "ودي اتعشى" يقول شسوي لك .. تغرد بمعلومة يقول " "مسوي ويكبيديا مع راسك" !!!

عزيزي المدرعم / أقرأ وأنت ساكت وإذا عندك رد زين تكلم .. غير ذلك ( كثر تبن ) وفي رواية أخرى ( أكل تبن )

..

ياخي السعودي مهب حق مطاعم فخمه وعالميه .. حده مطعم شعبي ويخب علاه بعد .. تلقاه أول مايدخل مطعم فخم يناظر في الديكور ويلمس الطاوله بيشوفها صدز ولا كذب

.. وإذا وصل للمحاسب تلقاه يتكلم إنجليزي يقال إنه متطور ياحبيبي ترا مهب شرط تتكلم إنجليزي .. لا وياليته يتكلم إنجليزي زين تلقاه يقول : عطني ون بيبسي بارد
ماشاء الله عليك قلت ( ون ) صرت إنجليزي أصلي الحين !!

وإذا خلص من الطلب راح وجلس هو وأهله ومازالوا يناظرون في الديكورات والأم لازم تأخذ معها ملعقه ولا شوكه تسرقها .. والبنت تصور نفسها مع الكرسي .. طبعاً هذا أقصى شي يروحون له

أول مايجي الطلب يبدون في الشغل الحامي .. الواحد منهم أول مايشرب البيبسي لازم يقول جملته المشهوره :
" حتى البيبسي طعمه غير " إنا لله وإنا إليه لراجعون

.. ياحبيبي تراه بيبسي ماتغير طعمه ولا شيء !!
وتلقاهم يطلبون يطلبون لين تمتلي الطاوله ملي .. وإذا جو يحاسبون قالوا : والله الحساب غالي سو دسكاوند
يارجال أنت مابقيت ولا شيء في المطعم وتبغى دسكاوند بعد !!

..

في كل مناسبة سعوديه : يجلس جمبك " بزر " مزعج يستقعد لك في أي شي إذا طلعت جوالك قال ابغئ العب وإذا عطيته الجوال اخذه وراح وإذا ماعطيته صاح .. تتوهق ماتدري وش تسوي !!
المشكله إذا جلست جمبه وقالك البرز : وش جابك لبيتنا !! .. وأبوه جمبه فاطس ضحك .. في هذه الحاله أخذ وضع المزهريه وخلك على الصامت !!

في كل مناسبة سعوديه : يسألك عمك أو خالك ( ماشاء الله كبرت ) .. يعني أوقف نموي طال عمرك ؟؟
ولا أحتريك تجي عشان أكبر ولا وش أسوي بالظبط .. !

..

اثنين اكتمهم ولاتعطيهم مجال ياخذون راحتهم: 1-ميسي > تغفل عنه يلعب فيك
2-مصري يسوق لمنتج > مايسكت إلا إذا شريت كل المحل أو تنقل كفالته عليك.

..

والآن مع فقرة [ أثبتت الدراسات ] مع أبو مشاري >> بسم الله .. تسمعوني زين ولا أقرب المكرفون زين !

1) اثبتت الدراسات ان اكثر الناس اصابه بالعمى هم اصحاب السيارات ذات الانوار البيضاء ( الزنون ) من كثر دعاوي الناس عليهم " عمّن يعميك اجهرتنا "

2) اثبتت الدراسات أن السعودي لايمكن أن يعقل لين ماتاخذ اللي في جيبه والدليل [ نظام ساهر ]

3) اثبتت الدراسات أن مدينة دبي بعد 10 سنوات ممكن أن تكون مدينة سعوديه

..

اشين شي لاكلمت لك عجوز من جهة اذن ماتسمع بها زين تكلمها وتتنظر ردها وتسحب عليك وترد على الثاني تحس انك مديت يدك ولاسلمت .. واحد من الشباب يقول : مره كنت أكلم جدي في السالفه المهم في نص السالفه قالي جدي وش رايك نغير هاللمبه ونجيب غيرها .. المهم لهم أسبوعين يدورون خشم الرجال و مالقوه المواصفات : خشم عريض كبير دائري الشكل له فتحتين .. أنشروه جزاكم الله خير

..

الحين ليه إذا قلت لواحد : أنت حيوان .. زعل وعصب وقال أحترم نفسك
وإذا قلت له : أنت ذيب .. فرح وقال تسلم يابعدي !!

لا يا شييييييييخ

..

أنتهى موضوعنا كل واحد يصفق بيدينه الثنتين

.. وخلوكم قريبين من المجلس ترا فيه مواضيع تصلح لكم
حسابي في تويتر للي وده يضحك أو يتواصل : https://twitter.com/abo_msharry

13-12-2012, 03:43 AM	#1
BO7 عضـو اللجنـة الإعلاميـة ولجنة اصدقاء المجلس	خثاريدز [ أبومشاري ] 1 السلام عليكم .. - الحين وش سالفة هالإعلانات اللي حومت تسبودنا .. الظاهر إن القنوات تتحدى بعضها في مدة الإعلانات تلقى القناه الفلانيه تحط 6 دقايق مدة الإعلانات والقناة الثانيه 10 دقايق وأنت ماشي .. والمتفرج يحفظ هالإعلانات من كثر تكرارها !! المذيع اذا قال أعزائي المشاهدين فاصل قصير و سنعود بعد قليل.. يمديك تتابع فيلم و تتعشى و تنام و تصحى و الفاصل للحين ما خلص .. أما في قناة [ mbc ] إذا جاء فاصل يمديك تموت وتتحاسب وتقوم وللحين ماخلص الإعلان لدرجة إني انسى وش كنت أتابع من كثرة الإعلانات .. وياليتهم يجيبون شيء جديد لازم يعلونك بالإعلانات القديمه : - الشامبو الأول في العالم الذي ينصح الأطباء في أستعماله : والله من زود الكذب أتحداهم إذا نصحهم دكتور فيه أنا مدري ليه مايكون في رقابه في هالإعلانات - شامبو الشعر [ للمرأه ] : الحين من كثر مايجيبون لنا شامبوات ماندري وش نختار .. مره يجيبون دوف ومره زيت دابر املا ومره صانصليك .. إلخ , لدرجة إذا راحت الحرمه للسوق تقش كل الشامبوات في السوق وإذا جت البيت ما تستعمل إلا واحد .. هذا مايسمونه [ الغزو الفكري ] !! - دجاج دو ونعم التربيه : أنا مدري الباقيين ( قليلين أدب ) ؟؟ .. المدرعم : هو الشخص اللي يدرعم علاك بالرد أو السب بغير منطق وياكثرهم في تويتر .. مثلاً : إذا كتبت يوم الجمعه هو يوم السمك العالمي رد عليك وقالك : لو سمحت لا تتكلم في الدين أنا مدري وش جاب السمك للدين !! , ولا تكتب "استغفر الله " يقول مسوي مطوع .. تكتب "ودي اتعشى" يقول شسوي لك .. تغرد بمعلومة يقول " "مسوي ويكبيديا مع راسك" !!! عزيزي المدرعم / أقرأ وأنت ساكت وإذا عندك رد زين تكلم .. غير ذلك ( كثر تبن ) وفي رواية أخرى ( أكل تبن ) .. ياخي السعودي مهب حق مطاعم فخمه وعالميه .. حده مطعم شعبي ويخب علاه بعد .. تلقاه أول مايدخل مطعم فخم يناظر في الديكور ويلمس الطاوله بيشوفها صدز ولا كذب .. وإذا وصل للمحاسب تلقاه يتكلم إنجليزي يقال إنه متطور ياحبيبي ترا مهب شرط تتكلم إنجليزي .. لا وياليته يتكلم إنجليزي زين تلقاه يقول : عطني ون بيبسي بارد ماشاء الله عليك قلت ( ون ) صرت إنجليزي أصلي الحين !! وإذا خلص من الطلب راح وجلس هو وأهله ومازالوا يناظرون في الديكورات والأم لازم تأخذ معها ملعقه ولا شوكه تسرقها .. والبنت تصور نفسها مع الكرسي .. طبعاً هذا أقصى شي يروحون له أول مايجي الطلب يبدون في الشغل الحامي .. الواحد منهم أول مايشرب البيبسي لازم يقول جملته المشهوره : " حتى البيبسي طعمه غير " إنا لله وإنا إليه لراجعون .. ياحبيبي تراه بيبسي ماتغير طعمه ولا شيء !! وتلقاهم يطلبون يطلبون لين تمتلي الطاوله ملي .. وإذا جو يحاسبون قالوا : والله الحساب غالي سو دسكاوند يارجال أنت مابقيت ولا شيء في المطعم وتبغى دسكاوند بعد !! .. في كل مناسبة سعوديه : يجلس جمبك " بزر " مزعج يستقعد لك في أي شي إذا طلعت جوالك قال ابغئ العب وإذا عطيته الجوال اخذه وراح وإذا ماعطيته صاح .. تتوهق ماتدري وش تسوي !! المشكله إذا جلست جمبه وقالك البرز : وش جابك لبيتنا !! .. وأبوه جمبه فاطس ضحك .. في هذه الحاله أخذ وضع المزهريه وخلك على الصامت !! في كل مناسبة سعوديه : يسألك عمك أو خالك ( ماشاء الله كبرت ) .. يعني أوقف نموي طال عمرك ؟؟ ولا أحتريك تجي عشان أكبر ولا وش أسوي بالظبط .. ! .. اثنين اكتمهم ولاتعطيهم مجال ياخذون راحتهم: 1-ميسي > تغفل عنه يلعب فيك 2-مصري يسوق لمنتج > مايسكت إلا إذا شريت كل المحل أو تنقل كفالته عليك. .. والآن مع فقرة [ أثبتت الدراسات ] مع أبو مشاري >> بسم الله .. تسمعوني زين ولا أقرب المكرفون زين ! 1) اثبتت الدراسات ان اكثر الناس اصابه بالعمى هم اصحاب السيارات ذات الانوار البيضاء ( الزنون ) من كثر دعاوي الناس عليهم " عمّن يعميك اجهرتنا " 2) اثبتت الدراسات أن السعودي لايمكن أن يعقل لين ماتاخذ اللي في جيبه والدليل [ نظام ساهر ] 3) اثبتت الدراسات أن مدينة دبي بعد 10 سنوات ممكن أن تكون مدينة سعوديه .. اشين شي لاكلمت لك عجوز من جهة اذن ماتسمع بها زين تكلمها وتتنظر ردها وتسحب عليك وترد على الثاني تحس انك مديت يدك ولاسلمت .. واحد من الشباب يقول : مره كنت أكلم جدي في السالفه المهم في نص السالفه قالي جدي وش رايك نغير هاللمبه ونجيب غيرها .. المهم لهم أسبوعين يدورون خشم الرجال و مالقوه المواصفات : خشم عريض كبير دائري الشكل له فتحتين .. أنشروه جزاكم الله خير .. الحين ليه إذا قلت لواحد : أنت حيوان .. زعل وعصب وقال أحترم نفسك وإذا قلت له : أنت ذيب .. فرح وقال تسلم يابعدي !! لا يا شييييييييخ .. أنتهى موضوعنا كل واحد يصفق بيدينه الثنتين .. وخلوكم قريبين من المجلس ترا فيه مواضيع تصلح لكم حسابي في تويتر للي وده يضحك أو يتواصل : https://twitter.com/abo_msharry التوقيع: تابعني في تويتر , عشان تصير صديقي "" مدونتي ""