*
من لاحقك ؟
شوفي شوفي.. فيه احد وراك ؟
مهددينك بسلاح ؟
خاطفين لك أحد ومعطينك فترة زمنية تلبين فيها مطالبهم ؟
صاعقينك ب كهربا ؟
حددي .. زلزال ولا تسونامي ؟
غارة جوية ؟
أو يمكن الثامنة مساء مع داوود الشريان ؟
<< 
ااخ يا ربي , وش فيك تفحطين
حسيت انك كتبتي كل هالكلام بنفس واحد
اللي صادمني مافيه اخطاء املائية
او يمكن تعودت على اخطائك ف صرت ما الاحظها
الحلو في موضوعك اني مو مضطرة اركز على موضوعك
لأنو اذا انتي يا صاحبة الموضوع ما ركزتي على موضوع
ف أنا ما علي شرهة
شوفي يمقن ودرن وشاكلاتهم ما اقدر اعطيك رأي فيهم لأني بصراحة حتى الآن مدري وش سالفتهم بالضبط
كل اللي اعرفه اني ما احبهم لسبب بسيط جدا ألا وهو انهم ما شدوني ولا اهتميت لهم
عادي جداً , غيري يحب هيك اشياء .. بس اقدر اطلع اقول سخافات وعقليات سطحية وإمعات ووو ؟
لأ , ليه ؟ لأنو ببساطة ماهي بالأمر اللي يستحق انك تحكم على شخص من خلاله
نكتة وانشهرت اليوم يقولونها بكرا ينسونها مش مبدأ واعتقاد اتخذوه لبقية حياتهم عشان ناخذ فيه كل هالنقاش ..
أظن إننا تعودنا نجلد جيل نحنا جزء منه لا أكثر .
الحين نجي لفيليكس و ح اركز عليه لأنو تزامن الرد مع الحدث ..
وهنا اقول :
ليه يا شعبي الحبيب ؟
ليه يا شبابنا ؟
ليه يا بناتنا ؟
ليه إنت وهي ؟
هنا تقدر تطلع وتقول عقليات سخيفة ومنحطة لأنو الموضوع يستحق وفيه طرف وطرف آخر !
قبل القفزة التاريخية كانوا يرمون نكتة بعد أختها وآمننا بالله شعبنا خفيف دم عليه اسم الله .
ولو انو فعليا ماهي إلا تثبيط همم .
طيب بعد النجاح ؟
ايش مبرر السخرية ؟
الرجل خاطر بحياته وحقق انجاز راح يذكره أحفاد أحفاده , أقلها وقفة تهنئة وقفة تشجيع
ياخي وقفة صمت ما نبي منك أكثر
احتراماً لإنجازه !
هذه فئة , العالم الثانية ..
يجيك أحد يقول : مخلين سوريا والصومال وفلسطين وملتمين عَ هالـ"غبي"!!
هو يسقط إلى الأرض وهم يرتفعون إلى السماء *بروكن هارت* , يا عرب يا جالبين العار ياللي مالكومش صاحِب *بروكن هارت بس هالمرة من عندي*
- خير ؟
وش دخل .. وش د خ ل ؟
كيف يتعارض تشجيعنا بمتابعة حدث علمي عالمي تاريخي بطولي لمدة " كم ساعة "
مع شيء جلبه علينا طاغية مثل بشار منذ أشهر طوال وقضية لها 60 سنة ما انحلت ومجاعة في الصومال حدث وتبرع الشعب لها ؟
كيف قولوا لي :|
يعني لو بكينا وتباكينا في تويتر في الوقت نفسه للحدث
بنحرر فلسطين ونقلع بشار ويغطي أرض الصومال النضرة والخضار *-* " يَ سّلاااام "
سامحونا ما درينا ..
نعم نعم نحنا مافينا خير مافينا عروبة ولا نصرة لإخواننا المسلمين
تبرعاتنا ودعواتنا في صلواتنا ما كفت كان لازم نغرد في نفس الوقت العالمي الحماسي بالذات , نفس الوقت بالذات
ولا ما ينفع خطة انقاذ العالم العربي والإسلامي بتفشل
وي آر سو سوري 
انتي تتكلمين عن الشباب ؟
هذا هو جزء كبير من شبابنا
وتقدرين تقولين بصوت قوي إنه جزء مخزي .
عندهم قدر كبير من السخرية ما ننكر
والسخرية اسلوب نقد فظيع وله قوة عظيمة
وممكن يكون لوضعنا ك سعوديين هو أفضل وسيلة ننتقد فيها بما ان سقف حريتنا بمثابة أرضية
لكن اللي حاصل انو ..وكأنو تعاملهم مع أي شيء أي موضوع أي حدث أي بطيخ مبسمر
لازم يكون عنوانه العريض " سخرية "
بالسعودي العريض " يطقطق "
استبحنا كرامات شعوب وناس واللي طلعنا به صيت سيء لا غير .
يا عالم اضحكوا انبسطوا لكن لكل حادث حديث
اكتبوا جملة جادة رأي منطقي , مو أدخل هاش تاق زي فيليكس وكل اللي القاه استهزاء 
دخلت التاق الأجنبي استحيت ! كلهم يهنئونه , وحنا ؟
طيب اللي بينط لي يقول ليه نفتخر ونحتفي بشيء ما انجزناه نحنا ..
يا عمي العالم كله بكل جنسياته واقف لهالحظة وفرحان ومفتخر , وريني الريشة اللي ع راسك بالله مو شايفتها !
اوكي اللي بينط لي يقول ترى كل شيء وصلوا له الغرب اصله العرب ..
رد مختصر : درينا .
كمان أوكي , اللي بيقول لي عباس بن فرناس حقنا ..
برضو رد مختصر : الله يرحمه .
تجردوا من ثيابكم البالية خزيتونا !
أسترسلت بس فيض من غيض يا بنت !
-
كمان حاجة أخيرة ,
ذكرتي البرامج المقلدة ..
مافيه شيء اسمه مقلدة , هي برامج منسوخة حقوقها محفوظة ..
لها نسخ في كل دول العالم , يعني لو ما عملنا نسخة منها راح نطلع متأخرين مش متقدمين .
يعني هذا الإعتراض مرفوض , تبون برامج من فكركم النيّر ؟
اخترعوها محد وقف بوجهكم
لكن لا تقولون هالإقتراح من باب النقد للبرامج المنسوخة
بيكون ضعيف ومثير للشفقة وعذرا للتعبير .
وبس
احس لازم اكتب رد ثاني اشكرك فيه بس ما خليت شيء
شكرا يا ئمر طلتك الحلوة مثل أمواج متوسطة في منتصف الليل < نشرة ملاحة
عذراً ع البلبلة وتسلم ايدك وفكرك